الثلاثاء، 11 مارس، 2014

نعملها ونلزقها لغيرنا



الصوره  ديه  اتشيرت  كتير على الفيسبوك  عن  قصه و احده اسمها خديجه طلبت  مهرها حفظ سوره الكهف  كامله بدون اخطاء.
حصل نقاشات  عديده  تطرح سؤال مهم ايه اهميه تشيير صوره وقصه  بالهبل دا فى  ناس ايدت  الفكره على اساس قصه حدثت مع الرسول عندما سئل واحد  مش فاكر اسمه  تزوجت  فاجاب  لا وليس عندى الامكانيه  فقال  الرسول  حافظ ايه   وتزوج بايه  والناس من القصه  بتايد الفكره على اساس ان اهم حاجه  الدين والراجل المتدين هيحافظ على مراته والراجل الواطى مش هيحافظ على مراته حتى  لو دفع فيها دم قلبه   وكلام الانشاء الجميل دا
 لكن  يمكن انا الموضوع بيختلف معايا نظرا لنفسى الاماره بالسوء بفكر فى الموضوع بطريقه اخرى فالموضوع دا بيطرح معايا مجموعه من التساؤلات  لحد امتى المتخلفون يفعلون  ما يتهمون الناس بيه  يعنى  ايه
يعنى الاقى شيوخ وناس بتصدقهم تصتنع قصص لناس بعدوا عن الدين او تركوه بسبب انهم حبوا واحده  وبعدها تلاقى اللى يحفظ سوره الكهف عشان يتزوج مش عشان يعمل بيها  ولا عشان دينه
زى زمان تلاقى شيوخ يقعدوا يرغوا ازاى المسيحيين بيعذبوا الناس اللى تترك المسيحيه وتدخل فى الاسلام  وتلاقى الشيوخ ديه  هى اكتر الناس اللى بتتكلم عن حكم المرتد
وتلاقى صيع تقعد تقول الكنائس فى اسلحه وكلام  هجص فى نفس الوقت اللى اكثر العمليات  الارهابيه فى العالم اصحابها ذات خلفيه اسلاميه
الى متى سنظل نزرع  الافيون فى العقول لحد امتى سنظل نتهم الاخر بما نفعل لحد امتى نعملها ونلزقها لغيرنا مش كفايه بقى
دا بالنسبه لنفسى الاماره بالسوء 
انما لو هنتكلم جد بقى 
مش كفايه بقى تشيير افلام حمضانه وقصص هبله  



الأحد، 19 يناير، 2014

قنوات فى الهوى مش على الهوى

الواحد لما بيسمع عن قناه جديده  على النايل سات بيعرف ترددها وبينزلها  ولما القناه بتنزل مابيكونش عنده شك ان القناه ديه تبع القمر نايل سات   قنوات كتير فتحت  جديد للرقص دلع  تيت شارع الهرم   وقنوات  الناس اعترضت عليها  عشان ساعات بتعرض افلام  المفروض ماتتعرضش  ماجيك وتاكسى  وغيرها الحوار دايما بين الناس ازاى القنوات ديه اترخصت  اساسا مره الموضوع دا اتفتح مع عمى كان رده ان القنوات ديه مش تبع النايل سات  ديه تبع اقمارتانيه  فى نفس مدار النايل سات   والحكومه مالهاش دعوه 
اول امبارح بقلب لقيت قناه  اسمها المديح  بتشحت حق البث من المشاهدين وبتقول   حق البث على القمرنور سات   ايه دا  نور سات    نور ولا نايل   لا نور سات  دا ايه القمر دا اول مره اسمع عنه نور سات  دا دخلت  على النت ابحث عن نور سات يطلع قمر  اردنى  على نفس  المدار بتاع النايل سات  يعنى قنوات الرقص اللى فتحت و اللى بتفتح  الحكومه مالهاش علاقه بيهم سواء فتحت ايام مرسى او ما بعده  او ما قبله  لانها اصلا مش على  القمر بتاعنا  يمكن الموضوع  محتاج تنسيق بين اداره الاقمار المختلفه  لكن بردوا مش هينفع تلغى كل القنوات اللى مش على هواك  فى  عصر التكنولوجيا والسماوات المفتوحه لكن يظل الحل ان القناه اللى مش عاجباك امسحها والمجتمع يتعلم  مايكونش جمهورها  لاننا كدا كدا الممنوع مرغوب  ما ينفعش حل المنع وفى الاساس مش انت اللى مرخصها

الجمعة، 10 يناير، 2014

الفجوه بين العملى والنظرى

كتير بنحكم على الاشياء بمنطق  النظرى منطقق المستخدم       بس منطق المستخدم ياترى دائما بيكون مظبوظ  بالطبع لا لازم كمان نسمع  منطق الللى بيطبق عملى  لعل وقت التطبيق العملى  يظهر اشياء جديده  تجبر المطبق  يفعل اشياء غير منطقيه بالنسبه للمستخدم 
 وعلى راى  الفنان احمد السقا  فى فيلم الجزيره  الصح بتاعنا غير الصح بتاعكم 
 اواخر  ايام مبارك  و ايام مرسى و ايام ما بعد مرسى  اوقات ماكان   النور بيقطع    ناس كتير ويمكن انا منهم  اتكلمنا  عن  لمبات اناره الشوارع  المنوره صباحا   وقد يكون  دا منطق المستخدم    بوجهه نظره النظريه ازاى  لمبات الاناره  منوره صباحا  والشمس طالعه   منطقيا مالهاش لازمه واهدار للطاقه  لكن فى نفس الوقت  كان دار حوارمن فتره   بينى وبين احد المدونين  متخصص  مهندس كهرباء  احمد عبد الحميد  بوجهه نظر التطبيق العملى   كانت فيما معناها  ان كل محطه بتقوم بتحتاج جهد معين  ساعات الجهد بيكون اقل من المطلوب وبتكون  الوسيله  لزياده  الجهد  لكى يصل الى الجهد المطلوب هو ترك  بعض اللمبات منوره اى حاجه مالهاش لازمه لكى تصل للجهد المطوب  
وهنا تنشاء  الفجوه بين المنطقيين  كلا منهم منطقى   ولكن  كل من منطق لا يرضى الاخر  كيف يقنع احدهما الاخر  وكيف نصل الى حل يرضى جميع الاطراف  كيف نقنع صاحب المنطق النظرى الا يغضب عندما يرى الانوار مضاءه بالنهار  بسبب المنطق العملى  ويقطع عليه  النور بالمساء  لتخفيف الجهد نظرا للمنطق العملى  بان الجهد  اصبح اعلى من الجهد المطلوب   قد يكون الاسهل البحث عن طريقه اخرى لزياده الجهد   ولكن ما الفائده  مالنور هيقطع بردوا  ديه مالهاش علاقه بديه
لكن يمكن هذه الفجوه هى التى تجعل رؤساء دولنا الحبيبه  يوعدون الشعب بشئ  وعندما ينجحون فى الانتخابات  لا يحققون من وعودهم شئ  فهم  يترشحون  ويكلمون الناس بمنطق نظرى  ويصطدمون  بالعملى

Follow by Email

Tetris