السبت، 28 أبريل، 2012

ازدراء الاديان


كتير سمعنا عن  قضايا ازدراء الاديان  لمشاهير كتير  اخرهم عادل امام  وقبله  نجيب ساويرس  وقبلهم ياما اتكفر ناس  ومش فاكر مين قبل كده فرقوا بينه وبين مراته  لاتهامه بقضيه مشابه وبيبقى اللى رافعها محامى مانسمعش عنه قبل كده او بيبقى محامى بنحفظ اسمه فيما بعد لكثرت رفعه القضايا اللى من نفس النوع ده  اللى انا عايز اعرفه مين بيحاسب مين مين يقدر يجزم بان فلان بيذدر الاديان  و مين اللى يحاسب  ويحكم   استرجعت احداث ماضيه وتذكرت ان الدنيا اتقلبت لما يحيى الجمل نائب رئيس الوزراء السابق قال  ان لو ربنا اتعمل عليه استفتاء  وخد 70 %  يحمد ربنا    وازاى يقول كده دا تطاول على الذات الالهيه  وطالبوه بالاعتذار   ساعتها تسائلت يعتذر لمين هنقول انه غلط فى ربنا  وعايز يتوب يبقى هيستغفر  انما هيعتذر للشعب ليه هو الشعب ربنا  طب ليه قولنا على يحيى الجمل  انه  تطاول على ربنا وماقولناش على  من طلب منه ان يعتذر انه تطاول على ربنا على اساس انه هو مش ربنا عشان الراجل يعتذر له لما يغلط فى ربنا  ليه اتهمنا دا ولم نتهم دا هو حتى فى دا كوسه  رجعت بيا الذكريات اكتر ان الدنيا اتقلبت على يوسف شاهين لما عمل المهاجر ازاى يعمل فيلم عن سيدنا يوسف  واتقلبت الدنيا  كمان على قناه ميلودى لما عرضت مسلسل عن السيده مريم   ومسلسل سيدنا يوسف ازاى ومش ازاى والدنيا اتقلبت اكتر من مره عشان عمل فيلم او مسلسل  عن رسول او صحابى   والامثله كتير من ايام فيلم الرساله وقبلها وبعدها   والمهم ان  الدنيا لم تنقلب  على الاخوان ولا حد اتهمهم بازدراء الاديان لما شبهوا خيرت الشاطر بسيدنا يوسف  و مرسى بلقمان  لاحد اتهمهم بازدراء الاديان ولا حتى حد اتهمهم بالتطاول على الرسل والانبياء ايه  مستنينهم  لما يطلعوا واحد يقولوا عليه سيدنا محمد ولا ايه  المحامى النزيه ده  اللى كان بيطلع ويرفع القضايا راح فين نايم ولا ايه  ولا شايف ان دا امر عادى ولا هى القضايا امزجه ولا ايه نكفر اللى على مزاجنا  ونشبه الرسل بالناس اللى على مزاجنا   وبيقولولك  الاسلام  هو الحل  اسلام مين اللى بتكلم عليه  اسلام دا واحد صحبهم ولا ايه    بس الموضوع عدى  يادوب شويه سخريه من معارضيهم سياسيا   وخلاص انما كدينيا  ولا كأن حصل حاجه ايه   دا مافيش حد حتى طالبهم باعتذار ايه هو دين الشعب واخد ترمادول ولا ايه   معلش يعنى لو هنرفع قضايا نتهم بعض فيها باذراء الاديان   يبقى فى مساواه بقى  يعنى مانرفعش على ناس وناس لا وكل واحد شايف حد مزدر دينه يرفع عليه قضيه صحيح احنا كده البلد كلها هتبقى فى المحاكم  بس نعمل ايه بقى لازم المساواه والحريه
انتهى  

هبيع مياه زمزم

 كل لحظه اعلان عن مستحضر جديد  للعلاج فى الاعلانات    واجمل حاجه انه بيعالج كل حاجه  ولاى حد وفى اى مكان بدون طبيب  بدون مستشفيات   ونفس المستحضر او اسمه يستخدم باكثر من شكل  يعنى اكتر حاجه كانت مضحكه واحد فى احدى الاعلان مسمى نفسه د/ عادل على ما اعتقد بيعلن عن دهان البرارى  وبردوا بيعالج كل حاجه لاى حد  كان ممكن الاعلان يعدى عادى وما اعلقش عليه لكن لما يخلص  ويجى الاعلان اللى بعده نفس الراجل  ويعلن عن شاى صافيه برارى  ايه ياعم هو البرارى ده ماشى معاك فى كل حاحه شاى  دهان  اى حاجه كله ماشى  هنستعبط على بعض   يعنى ماتكررش الاسم غير شويه  كمان شويه هتعملى لاصقه سحريه انت راخر  وتبقى لاصقه برارى   اه صحيح  بردوا موضوع  الاصقات السحريه ديه    هنقضيها شعوذه   لاصقه سحريه  رجيم ماشيه  علاج ماشيه  كل حاحه بالعلاج السحرى  ماشى يادوب اتغيرت لونها اتعالجت  ياسيدى الصق اى فوطه هيتغر لونها بعد فتره مع العرق  ايه هنقضيها شعوذه    وكل هؤلاء بداءوا مشوارهم بعد ظهور مايسمى الطب البديل انا كرهت الكلمه ديه  وكله بيشبه نفسه بالحجامه  بقولكم ايه ماحدش يدخل معايا مشروع   نبيع مياه زمزم  وبما ان مياه زمزم لما شربت له   ننزل اعلانات  للرجيم للتبطيل التدخين للعلاج  من كل الامراض للوصول الى كرسى الرئاسه   لدخول الجنه كمان ايه رايكم  هنكسب دهب وهنبيع بالشفته  ماهى الموضع بقى مسخره واستغلال الدين كمان دخل  تنزل الايه القرانيه  المال والبنون  عشان الدواء اللى بيعالج كل حاجه خاصه بعدم الخلفه    او الايه بتاعت  ولكل داء دواء   ولا اعلان الراجل اللى ماكنش بيعرف يصلى  من الخشونه واخذ  الدواء  هيربل كريم  وبقى بيصلى وتمام  حاجه بقيت سخيفه جدا
ايه حد جاى معايا فى النصبه ديه  هنبيع  مياه زمزم  ومصرحه من وزاره الصحه اهو زى الاعلانات   مين جاى  

الثلاثاء، 24 أبريل، 2012

تاملات فى كوابيسى

 لا اعلم لماذا مرت امام عينى   كوابيسى التى ازعجتنى فى منامى من سنوات ماضيه وبدات اتامل فيها كابوس وراء كابوس  وبداءت اتسائل عن تفسيرها واكلم ابطالها انتى ايتها السيده التى قتلتها انا وصديقى من انتى ومن ابنك الذى  كان يطاردنى بعد مقتلك   وهل بالفعل قتلت ماكنتى ترمزى له فى هذا الكابوس ام مازلت حيه  ومن ابنك الذى كان يطاردنى وهل مازال يطاردنى ام انتهى  اظنك حياه كنت اعيشها  وقررت ان اقتلها  واغيرها  وابنك  جزء من هذه الحياه التى تطاردنى  لاعود اليها  مره اخرى  ولكن هل قتلتى بالفعل ام مازلتى حيه  وابنك هل سينجح فى عودتى اليكى   وانت ياوالدى لماذا اختفيت وتحولت الى الفنان يحيى الفخرانى  وانت  تهربنى   من ابن هذه السيده   ولماذا تحولت الى هذا الفنان بالذات  لم افهم هذا الجزء من هذا الكابوس  يا له من كابوس عجيب يبداء بالقتل وينتهى بفنان كبير
   وعجبا اين انتى يامحطه المترو اللى فوق الجبل ولماذا القطار فتحت ابوابه من الناحيه الاخرى من الرصيف وماذا يعنى سقوطى  من على الجبل  وهل سقط  فعلا  هذه السقطه  التى كان يرمزلها هذا الكابوس اما لا وهل انتهيت من السقوط  ام مازالت اسقط   انك لكابوس مزعج  ليس فيك غير السقوط    يا ايها الكابوس هل اتيتنى قبل الكابوس الماضى  لعل السقوط الذى تتكلم عنه هو الحياه التى قتلتها فى الكابوس الاسبق   ياكوابيسى ان كنتى ستذكرينى بيكى فذكرينى بمواعيدك لعل يكون فى ترتيبك تفسيرك   
وانت ايها الشيطان لماذا اتيت لى فى المنام ولماذا كنت تريد خنقى  ويانفسى لماذا توقفتى عن ذكر الله عندما ابتعد الشيطان  وعندما عادت ليخنقك رجعتى لذكر الله والاستغفار   

وانت يا ايها الشيطان لماذا كنت تصر على خنقى ولماذا كنت تزورنى فى منامى كثيرا ففى اول مره كنت فى غرفه وانا فى غرف اخرى لم اراك  ولكن ارعبنى وجودك والمره الاخرى تاتى لخنقى  وازهاق روحى   سحقا لك  انك كابوس  داخل كابوس  تزعجنى نائما ومستيقذ   انك الكابوس الوحيد الذى اشعر انه يتحقق يوميا وانا فى كامل وعى اشعر بك توسوس  لى واستغفر  فتبعد ثم تعود فاستغفر فتبعد  ثم تعود وتوسوس لى فاطيعك وفى اطاعتك جرحا لى  فانجرح فاستغفر فتبعد واعود الى رشدى واستوقف استغفارى  بعدها  فتعود وتستمر المعركه بينى وبينك  انك لكابوس العمر  الذى يعيش دائما مع كل البشر فى حربه مع الشبطان  انت ايها الكابوس لايهم ميعادك لان كل ميعاد معادك فانت الصراع الدائم بينى وبين الشيطان  عجبا لكم يا كوابيسى  لماذا تذكرتكم  تبا لكم
انتهى  

الأحد، 22 أبريل، 2012

التحرش القادم


وانا بقلب فى بلوجر لقيت محمد البرقى صاحب مدونه برقيات  كاتب بوست عن التحرش وبعد كده وانا بقلب  على الفيس لقيت الاستاذه غاده عبد العال  صاحبه مدونه عايزه اجوز  حطه استيت عن التحرش وعايزه حد متحرش قديم يحكى شعوره وليه بيتحرش طبعا ماحدش حكى حاجه بس الردود كانت اللى بيعيب على البنات اللى بتلبس ضيق او مكشوف وفى اللى بتشتكى من متحرش واللى علق على البنات اللى بتعاكس شباب و ردود كتير مختلفه وحكايات  وانا بقلب فى الردود والكلام المكتوب  رجعتنى الذكريات لموقف حصلى وانا راكب المترو عادى لقيت راجل كبير فى السن  لزق فيا  انا بحسن نيه افتكرت ان عشان الراجل كبير فى السن  مقدرش يمسك نفسه و المترو  بيتحرك فخبط عادى  بتحصل تحركت وتركت له  الحديده اللى كنت ماسك فيها عشان يمسك فيها لانى متوقعتش السوء   لانى واثق من انى راجل  ومش لابس محزق ولا عريان ولاحتى سايب شعرى  ومطوله مثلا  ولا بتمايص   ومش معقول راجل كبير هيتحرش براجل يعنى فى ايه   لقيته تانى  لزق فيا بردوا  التفكير السوء بداء يتلاعب بيا وبردوا بيكون واضح  اللى بيسند من اللى عايز حاجه تانيه   لزق عن لزق بيفرق ايه الراجل عايز منى ايه هو عشان كنت بعاكس  بنات ايام ثانوى هيطلع عليا بتحرش طب العدل بيقول عاكست اتعاكس انما انا عمرى ما تحرشت بحد  ايه فيه ايه   لا ماليش فى الخشن ياعم     قمت نازل من المترو  وبصيت عليه  لقيت تعبير وجهه مثل الصياد اللى  فشل فى الصيد  ساعاتها قلت ايه الاشكال القذره ديه واستغربت فيه ايه الراجل اعمى ولا ايه  انا راجل ومش لابس محزق ولا حتى عريان وحتى مش مطول شعرى وسايبه ولا حتى مضفره لانى مش مربى شعرى اساسا  ومش ماشى بمياصه يعنى  فيه ايه  تعب عليا ليه  لما تذكرت الموقف دا وسط الناس اللى بتكلم عن التحرش و الردود التى  تعيب على البنات المتحرش بيها شطحت دماغى احد شطحاتها وسرحت وانا خيالى واسع شويه وتسائلت ماذا لو انتشر تحرش الشاذيين بالشباب هل سنعيب على الشباب المتحرش بيها ام على الشاذ   تخيلت لو كنت ضربت هذا الرجل الكبير فى السن اللى هو اصلا مش حمل قلم  وتدخل  الناس لتمنعنى وتقولى دا راجل فى سن والدك وراجل كبير هل كنت هقولهم انه رجل شاذ  وهل هما هيقتنعوا  ام انهم هيقولولى اذا بوليتم فاستتروا وهل هيعيبوا عليا انا ويقولوا ما انت اللى ماشى بمياصه تخيلت لو كثر الموضوع  وبداء الشاذيين فكريا وجنسيا يتهمون المتحرش بيه بانه منسون  ويلعبون بالدين ويقولون هو اللى  متشبه بالنساء مثلا وهو الذى يثير الشاذيين بتصرفات وخصوصا بقى لو حصلت لشاب مطول شعره ومسقط بنطلونه اللى احنا بنقول عليهم شباب سيس   ممكن حد يقولى انت بتكلم عن  حاله فرديه نادره الحدوث لان بلدنا مافيهاش شواذ كتير  بس كاتبنا الاستاذ علاء الاسوانى لما تكلم عن الشواذ فى عماره يعقوبيان اكيد لانها بقيت مش حالات نادره  ولو هتقولى بس المجتمع عاقل وعارف ان دا تصرف شاذ وهيقف مع المتحرش بيه اسئل وهل التحرش بالانثى فى الشارع تصرف طبيعى وليس شاذ  وهل عندما ترى سيده تضحك عندما تشاهد شباب بيتحرش بسيده    ليس تصرف شاذ  ماسئلتش عن الرجال والشباب لما يشاهدوا شباب بيتحرش على اعتبار ان النخوه ممكن ساعات بتنام شويه  او بيقتلها الخوف من كتر عدد المتحرشين مثلا   وهو بردوا تصرف شاذ لكن الاشذ منه  ان ست تتهم ست بانها هى اللى غلط والسبب اللى جعلت  حد يتحرش بيها  ودا اللى تخيلته لو واحد شاذ اتحرش بشاب والشاب  ضربه  وطلع  عين اهله  حد هيعيب عليه ويقوله شوف الشاذ دا تعب عليك ليه ولا اختارك انت بالذات ليه ولا لو  راح حكى الموقف لبعض اصدقائه  لو اصدقائه بيئه شويه او عالم واطيه هيعتبوا عليه ومش بعيد بالشوارعى كده يحطوا عليه  ويتحول من متحرش بيه الى ربنا يستر ولو اصدقائه محترمين بردوا مش هيخلص   طبعا فى واحد هيقولى بردوا دا تصرف نادر وقليل مايحدث واحنا بلد متدينه  اقول له متدينه ولكننا نعلم ابنائنا قيما خاطئه  الاطفال وهم صغار فى ابتدائى لما بياخدوا حقنه عضل فى  المدرسه بنقول يدخلوا الولاد مع بعض والبنات مع بعض وكله ياخد قدام بعض ماهو فى ولد هيكسف من ولد زيه  ولا بنت هتكسف من بنت مسخره وكأن مافيش حاجه اسمها عوره  وبنقول انهم اطفال ماشى و بنعديها والعيال تكبر يهزروا مع بعض طبعا هزار قليل الادب شويه ولما يجوا  يدخلوا الجيش تيجى تقراء اجراءات الكشف الطبى وخصوصا كشف الجراحه اللى بالمفتشر كده  بتدخل لدكتور تقلع ملط تلاقى اللى بيكت عن الكشف دا يقولك اوعى تكسف قدام الدكتور وترفض القلع  هيفتكر انك شاذ ويعاملك وحش  طب يعنى هو الطبيعى انى اكون بجح واقلع فى اى حته  ايه مافيش حاجه اسمها عوره  مفاهيم غريبه والاغرب اللى قالى عليه صديقى اللى عمل اجراءت جيشه فى منطقه تجنيد الهرم  لما بيقولى ان الدكتور كان بيدخلهم  عشره عشره فى الكشف دا طب تيجى ازاى هو اه بيقول انهم كانوا  واقفين فى صف بظهرهم ووشهم فى الحيط  بس بردوا بيشوفوا  عورات بعض بصراحه لما حكى ليا عرفت ان الهايكستب  منطقه تجنيد  القاهره كان محترم الفكر لانه كان بيدخل واحد واحد يعنى تبقى لوحدك مع الدكتور دا الطبيعى بس السؤال بقى  مجتمع زى كده مع انتشار الافلام الابيحه والشاذه  فيه مايطلعش شواذ  حتى لو كان مجتمع متدين  طب انهى مجتمع يطلع مسخره وهو دا كده بردوا  مجتمع  متدين   عايز اقول كلمه ابيه بس بلاش اسيبكم انتم تقولوها  واسئل تفتكر هتقول ايه على صاحبك لو قالك ان فى شاذ  تحرش بيه هتعيب على الشاذ ولا على صاحبك
 انتهى 
ملحوظه  انا ماكنتش بعاكس ايام ثانوى بجد  بس  لقيت الجمله ماشيه مع الموضوع 
 

الأربعاء، 18 أبريل، 2012

اما انا او الفوضى


 كلمه قالها المخلوع  عليكم الاختيار بينى وبين الفوضى  الكل قال هو اللى صانع الفوضى واتفقنا ان  كان حب السلطه  له ولابنه  وراء جملته وتهديده مرت الايام  واحنا بنتفرج على الوجوه التى ارادت السلطه او من وجهه نظرهم يريدون خدمه الوطن  خدمه مصر  ولكن كان ينقصهم الكرسى لكى يمتلكون زمام الامور ويقدرون العمل من اجل مصر  موافقين تمر الايام ويستبعد مجموعه من المرشحيين للرئاسه  فنرى من يقول سننزل الميدان ونرى من نزل بالفعل انصاره للميدان ويتهمون المجلس بالتزوير وكانهم يقولون نفس جمله المخلوع يا انا يا الفوضى  بس السؤال هل هؤلاء يؤيدون مصلحه مصر بجد ام مصلحتهم الشخصيه   وفقط 
وهل مصلحه  البلد فى السلطه ولا فى المعارضه  تراودني اسئله كثيره منذ ان فتحت الاخوان فرع الحزب الوطنى معاملات اسلاميه   اغلبيه مجلس الشعب  ومرشحين كمان للرئاسه ويعملوا الدستور  ومش بعيد حزب الحريه والعداله يعمل لجنه الاحزاب فى الحزب  ويبقى السلطه والمعارضه ايد وحده مثل ماكانت عليه
احترمت البرادعى عندما انسحب  اى كان السبب بالرغم اننى لم اكن اؤيده من الاول  واحترمته اكثر عندما سمعت انه هينضم او هيكون وكيلا لموسيسين حزب الثوره لانه شايفه بداء يحاول يصنع معارضه بجد  مش شكليه  فوجود  معارضه  قويه مراقبه للنظام   لايقل اهميه للبلاد  عن وجود سلطه تسعى لعمل شئ كويس لمصر  بل بالعكس المعارضه المراقبه للنظام  اهم من النظام نفسه   ولكن  مايحدث ممن غاضبون باستبعادهم من الترشح واتهام الجهات بالتزوير  او ترك الانصار  يتصرفون حتى يعود للمنصب  او ينزل للميدان   يوضح انهم طالبين سلطه وفقط  واذا لم يحصلوا على سلطه فسيتحولون الى معارضه فاسده تسعى الى  الحصول على السلطه  وتلعب على اّلاّم الناس  للوصول الى السلطه وليس لمصلحه الناس او البلد  فهولاء شعارهم  نفس  شعار المخلوع  اما هما او الفوضى  فهم اوجه لمبارك  ومن نظام مبارك  فليس فقط من كان يحكم ويزرع الفساد  يحسب على النظام  لكن  المعارضيين الفاسدين ايضا الذين يريدون الحصول على السلطه ويستخدمون فساد النظام وسيله  للوصول الى اهدافهم فهؤلاء ايضا  يحسبون على النظام وليس الثوره  فكلهم شعارهم اما انا او الفوضى  
 اتمنى من المستبعدين من الترشح ان يبداؤا المراقبه على النظام  ويكون هدفهم مصلحه البلد اولا مش يراقبوه تصيد اخطاء انتقاما  واتمنى ان كل مرشح يلم انصاره ويفكروا معهم مره لمصلحه البلد لا فى مصلحتهم الشخصيه  اتمنى ذلك من المستبعدين وايضا الذين لن ينجحوا فى الانتخابات القادمه

السبت، 14 أبريل، 2012

كنت قد اوشكت على الالحاد او كنت ملحدا ولكن


ماحدش يستغرب  من العنوان لكن هى فتره  معرفش بداءت امتى يمكن لما والدى توفى  وحضرت الدفنه ومشهد انزاله فى التربه  يمكن وقتها سئلت نفسى الى اين ذاهب وماذا بعد الموت ولماذا نقتنع بان بعد الموت يوجد عالم اخر يمكن احنا كمسلمين  دينا بيقول كده  لكن الفراعنه  ليه كانوا بيعتقدوا فى كده  او يمكن كانت البدايه من خطب صلاه الجمعه   اللى كانت ساعات  بتبقى الشيخ فيها بنقض   سهره ليله الخميس  فى التلفزيون  او فيلم  فى السينما اتذكر خطبه الجمعه اللى الشيخ  فيها كان بيتكلم  عن اعلان فيلم يمين طلاق بتاع فيفى عبده   ويعلق على جمله تقال فى الاعلان فيلم يناقش مشاكل الشباب ويحرفها الى فيلم يحل وسط الشباب  او يمكن لما اتفرجت على بعض فديوهات بتاعت بعض الشيوخ بينقضوا  المغنيين والمذيعين  والممثليين والتلفزيون  بالرغم ان بعض كلامهم بيكون صح بس فى بعض الاشياء بحس انى ممكن اتفرج عليهم وكأنى بتفرج على افلام جنس بيعطوا نفس التاثير فلما يكون احد الشيوخ بيعترض على  الاذان فى وسط الفيلم ويقول بيجوا  ساعه ما البطل بيبوس البطله ويحضنها  وخلاص الليله تمام ويتمادى فى وصل المشهد  يقطعوا ويقولك دا وقت اذان  صحيح كلامه صح بس انت  قاعد توصف مشهد اباحى ياعمى انا لو اتفرجت على فيلم اباحى كان افضل  ممكن يكون كل دا مع  كمان  انى اصلا عايش فى مجتمع يشككنى فى الاسلام اصلا بفتاوى الشيوخ  بالاشتغالات  اللى بتظهر  الرسام اللى اساء للرسول مات  ولا البنت اللى داست على القران  اتحولت  ولا  الاستنساخ لما ظهر فى اوخر التسعينات وقالوا  تدخل فى ماشيئت الله   وديه اكتر حاجه تجعل الانسان يلحد لما يطلع شيخ يحرم الاستنساخ بدعوه انه تدخل فى ماشيئت الله  طب اعبد ربنا ليه وفى حد ممكن يتدخل فى ماشيئته  
المهم معرفش امتى بطلت اصلى  ولا اعرف كيف تطور الامر معى ليصبح ان عندما يستعيذ احد اصدقاء من الشيطان  او يقراء القران  اتصرف مهزرا   وكأنى الشيطان ولا اعرف ايضا كيف  بدات اهزر مع احد اصدقائى عندما اطلب منه شيئا ويعترض   اقول له عندما يامرك ربك بشئ نفذه  وعندما ينكر عليا تصرفى اتراجع واقول له  بان ربك بمعنى صاحبك  ويتحول الموضوع لدرس فى اللغه العربيه باللعب بالالفاظ  الغريب بالرغم من كل شئ كنت انتقض من يفطر رمضان  لاننى كنت اصوم واصلى فى رمضان كما يفعل الناس  ولكن قد يكون احد الاسباب التى جعلتى فى هذه الحاله باننى كنت اعتبر  شهر رمضان شهر النفاق    فكنت ارى الناس منافقين  فى رمضان بتصرفاتهم  حتى  عندما كنت ملتزم واصلى فى الجامع  كنت اندهش عندما يكون فى اخر يوم فى  شهر  شعبان  بالكتير ثلاث صفوف فى صلاه الفجر  واليوم الذى يليه اول ايام رمضان  تتحول صلاه الفجر الى صلاه جمعه  اين كان هذا العدد  وقد يكون هذا ايضا من اسباب التحويله  وشكى بان الدين اساطير الاوليين  والعبادات اصبحت عادات ليس لها معنى   ولكنى رايت نفسى اقول كما ذكر فى القران على المشركين عندما قالوا عن القران اساطير الاوليين   لم اكن قد وصلت الى درجه الالحاد المستفز الذى نشاهده اليوم بالرغم من كل شئ  ولكن الى الان لااعرف لماذا دخلت فى هذه الدوامه  يمكن  تكون البدايه  عندما تذكرت  ايام الطفوله عندما انتشرت قضيه عبده الشيطان وتذكرت بان احد زمايلى قال لى موضوع رقم الشيطان 7777777   وانا وقتها سخرت منه ولكن بعد ذلك رايت الموضوع يناقشه جمال الشاعر  عندما ظهرت القضيه  وتسائلت هل كنت قريب من احدهم  وقتها وانا لا ادرى   وتذكرت اللعبه الذى كنا نسخر من الذين يلعبونها ونقول بيشتغلونا ومتفقيين مع بعض عندما  ينام احدهم على ظهره ويلتف حول مجموعه من الطلاب تهلوس بكلمات   غير مفهومه فتتحرك رجليه لوحدها  الى اعلى ثم تهبط وتسائلت هل  كانت حقيقه  ام كانوا متفقين مع بعض كما كنا نقول وبدات ابحث عن كتب لعبده الشيطان  فوجدت كتاب تاليف  عبد الله كمال   اسمه تجربتى مع عبده الشيطان   يتكلم فيه عنهم  ويتكلم عن الانجيل الاسود والفرقان اى القران  المحرف و الايزيديين  وانخرط  فى الدخول على موقع الملحديين العرب  باقسام  حتى  بدائت تاتينى الاحلام المفزعه التى ارى فيها الشيطان  يخنقنى  واستغفر واقراء القران يبتعد عنى   حتى اقتربشهر  رمضان   وبدات معه اقرا القران   واصلى من تانى  حتى بعدت الاحلام المفزعه  واستقريت نفسيا   ولا اعلم لماذا رجعت بعد ذلك  تتقطع صلاتى ولم اواظب عليها  بالرغم اننى بعد عن هذه المواقع  ولم يتبقى من كل الحالات التى مررت بها الى حاله الانتكاريا  التى تصيبنى من الاسلاميين السياسيين الذى دائما اشك بانهم يتلاعبون بالدين وكنت بعد الانتخابات ودخولهم فى مجلس الشعب بفكر اغير رايى فيهم ولكن كانوا دائما يجعلون اثق بانهم يتلاعبون بالدين  قد اكون مازلت فى بعض الاحوال  اشطح شطحه قد تكون الحاديه  لكن دائما ارجع وابعد عنها وخصوصا ان كتاب  الدكتور مصطفى محمود  رحلتى من الشك الى اليقين  عاملى توازن   وقد يكون كتاب د/ مصطفى محمود  وكتب د/ ابراهيم الفقى وتربيتى  عوامل اتزانى  وعودتى للدين  فى كل مره وبعدى عن الهزار الالحادى  ولا اعرف لماذا هذا التذبب الفكرى الذى يحدث لى هل سببه  المهرجيين اللى فى الجوامع او المهرجيين المتاسلمين سواء فى الشارع او اللى فى السياسه ام عيب فيا انا شخصيا 

 انتهى

الخميس، 12 أبريل، 2012

اشهد ان لا اله الا الله وان محمد رسول الله

اول اركان الاسلام الشهادتين  ان لا اله الا الله  وان محمد رسول الله  دا اللى احنا اتعلمناه  فى المدارس  ومن العائله  لما الواحد فكر فى حياته السابقه  لحظه لقيت حاجه غريبه  انا طبعا مولود لاب وام مسلمين ولما كبرت كنا بندرس ان اركان الاسلام  خمس ومنهم الشهاده  ويمكن كنا بنرددها وراء المدرس معرفش مين واحنا اطفال مخنوقيين من المدرسه والمدرسين  على النظام التعليمى كله اساسا واهو بنرددها زى ما بنردد اى حاجه فى المنهج   ولما كبرنا واتخرجنا  و اشترينا  الموبيلات انتشر مابين الناس لما حد يحب يغلس على حد  يبعت له رساله على الموبيل  اشهد ان لا اله الا الله  محمد رسول الله  امانه ليوم الدين ترسلها الى 10 اصدقاء    وبعد كده جرينا على الشيوخ حلال ولا حرام  نبعت ولا لا   والشيوخ تفتى   دخل الفيس   اللى يحب النبى يعمل شير   لااله الا الله  اعمل شير  اذكر الله اعمل شير   اذكار اعمل شير ولو ماعملتش يبقى الشيطان منعك او ذنوبك منعتك او معرفش ايه منعك    يمكن نكون المرات اللى بنقولها واحنا حاسينها واحنا بنصلى فى التشهد بس بردوا كتير بنصلى واحنا اصلا  مش مركزين فى الصلاه اصلا
قامت الثوره    والاسلاميين زاد صيتهم اكتر  فى الاستفتاء على التعديلات  نعم عشان الماده الثانيه  عشان الاسلام ياسلام  ولا كفر ضلال    وتيجى مجلس الشعب  اقعد مع صاحبى  انا انتخبت الاخوان اصل البلد محتاجه دين  نغير الموضوع ونبعد عن السياسه يحكيلى عن البنت اللى كان بيعاكسها وهو جاى   واضح انه متدين جدا  وحاسس فعلا ان البلد طب لما البلد تكون محتاجه دين  يجى منين من الشعب ولا الحاكم يعنى انا اشع واحس بمعنى كلمه لا اله الا الله محمد رسول الله فعلا   واتذوق الكلام  ولا لازم انتخب رسول  سواء بقى  يوسف 2011  بتاع الاخوان ولا حازم ابو اسماعيل  المهدى المنتظر   عجبنى استيت واحد صحبى كتبها بيقول قلتم على حازم المهدى المنتظر  والشاطر يوسف مصر 2012  اهو جالكم المسيخ الدجال عمر سليمان  ايه فيه ايه هى الانتخابات خلاص  يوسف والمهدى  طب والنبى لما سيدنا محمد  عليه الصلاه والسلام  يرشح نفسه يبقى حد يبلغنى  ايه لازم حد يجيى يخلينا مسلمين  يعنى دا حتى لا اكراه فى الدين   ايه فايده انى اعمل شير  للا الله الا الله محمد رسول الله  بدون ما اكون  حاسسها  ايه فايده انى اكون مسلم  وانا مش حاسس بالاسلام ولا فاهمه  ايه فايده الشير بدون وعى  استخدمنا الدين للغلاسه على ا لناس ابعت لخمس اصدقاء لا اله الا الله محمد رسول الله  ولو لم تبعت  ذنوبك منعتك  او امانه فى رقبتك  الدين بقى للعب والهزار   لحد مافقد قيمته بين الناس  زى ما الحلفان فقد مصدقيته بين الناس  واصبحوا كل الناس حلافيين كذب    وانزرع عدم الثقه فى المسلمين بسبب المتاسلمين لدرجه ان واحد صاحبى كان مشير لو بطلت اصلى اكيد هكون ميت  وانا عارف انه بيصلى كل فين وفين    خلاص  اصبح الدين منظره  وشكل اجتماعى وخلاص   مسخره وطريقه للغلاسه وخلاص  مسخره

الأربعاء، 11 أبريل، 2012

مجرد شخابيط


مجرد شخابيط وحروف تائهه  فى ورقه متقطعه ومرميه
مش كل حاجه مفهومه فى حاجات كتير غير معلومه
منسوج بخيوط كروشيه  على غرزتين بابره وفتله
صناعه ترزى من غير خبره
والغريبه ان شكله تمام
تشوفه تقول عليه ياسلام 
وتطرح سؤال  ازاى  عايش واحد   بثلاثه  غرباء فى  بعض
بالرغم من انهم عايشين جو بعض
ازاى تعيش الروج غريبه عن جسدها
ويعيش جسدها غريب عن نفسها
وتعيش النفس غريبه عن جسدها وروحها  وفكرها
ياترى عايشين  مع بعض غرباء
ولا عايشين  مع بعض فى انطواء
ولا هما تايهين من بعض فحسين انهم غرباء
ولا خايفين من بعض  بينهم وبين بعض
ياترى دا انطواء  ولا حب للوحده
ولاخوف من الانطلاق
وحياء وخجل بينهم قطع الكلام
وديه تبقثى عيشه لا دا شغل جنان
يشوفوه من بعيد يقوله عليه هادى
مايعرفوش انه من غير لسان
يشوفوه من قريب ساكت  يقولوا عليه خجلان
 مايعرفوش انه خايف من الكلام
عايش فى الدنيا وكأن احتياجه للحياه
احتياج ميت ساعه عطش للمياه
فى  ناس عرفاه  عارفه انه خايف من الحياه
خايف يشم الهوا فيقولوا عليه شمام
خايف يشرب المياه  ليقولو عليه عطشان غلبان
خايف يتحرك ليقولو اعليه ارجوز فسدان
اصله ياما اتهرا كلام
بس هيجى عليه الوقت اللى يتعلم مايخفش من  الحياه  ولا يخشى  اى كلام
اصله عايش ولاميت هيتقال عليه كلام
فكلام بكلام  فلتحيا الحياه

الاثنين، 9 أبريل، 2012

حريه الالحاد بدايه الهدايه والتشدد بدايه الالحاد


صفحه غريبه على الفيس طلب منى احد الاصدقاء الدخول عليها وعمل ريبورت ليها   صفحه صاحبها ملحد اساسا متقمص دور الشيطان  يسب الله والرسل وامهات المؤمنين  ويكتب كلام قبيح على شكل القران  والصفحه مليئه  بالكلمات الابيحه واقذر الشتائم لله والرسول وامهات المسلمين  والاديان  ممكن نكون اتعودنا على كدا  كل شويا يطلع علينا حد يفتكس حاجه مره عبده شيطان ومره المهدى المنتظر ومره تعرى علياء المهدى وقبلها الفنانه التشكيليه هال الفيصل  و قبلهم  ظهورالبهائيين وملحدين  واخيرا وليس اخرا الشيطان الوسواس الخناس  الغريبه انهم كلهم بيستخدموا  كلام بعض الشيوخ او ما اطلقوا عليهم شيوخ  ليعيبوا فى الاسلام فى صفحه الشيطان الوسواس الخناس يقول اركان الاسلام الخمسة :الغزو السبي السطو المسلح النكاح طلب معونة الكفار لمن استطاع إليهم سبيلا وطبعا هما مش كده  بس ماهو شيطان بقى واحد وملحد
 وعلياء المهدى لما اعابت على الدين  عابت عليه لقهره المراه
و  عندما وضعت صور المحجبات الذين خلعوا الحجاب   كانت من وجهه نظر ان المجتمع هو اللى فرض عليهم الحجاب باسم الدين  حتى كريم عامر صديقها كانت وضع له صورتين صوره وهو سلفى بذقن وصوره بعد ما ترك  السلفيين 
وطبعا الاسلام برئ مما يدعونه 
اللى بيستفزنى مش الحادهم ولكن اللى بيستفزنى الرد على الملحدين  عندما يظهر ملحد  نتهمه بانه عايزز يظهر وعايز يكون تحت الاضواء  او ان فى حد مسيطر عليه  الغريبه ان فعلا الملحد بيكون فى حد مسيطر عليه  الحد دا هو المسلمين نفسهم  لانى لما اكون ملحد ويجيى مسلم يشتمنى عشان انا ملحد طب يعنى انا كده هسلم  ما انا شايف المسلم زباله  ان كان الملحد الحد اساسا لما نظر الى مجتمعه فلقى شيخ بيقوله معرفش مين شربت بول الرسول  و خطب على عذاب القبر وحجاب والمراه المتبركه  و شيوخ زواج المتعه وقصصه والذين يستغلون التعدد ويفسرونه على مزاجهم بحجج غيبه  واحنا شعب اساسا لا يقرا القران اصلا الا القليل او فى رمضان ولا نعلم عن الدين الا القليل وبالتالى ما نسمعه من جعجعت انصاف الشيوخ   قد تجعل من بعض الناس يبلحدون وبعد ذلك نتهم الملحدون بانهم يطلبون شهره بالرغم من ان هذا الاتهام يسئ لنا فهل نحن و دوله مثل دولتنا  لا يشتهر فيها احد الا اذا الحد او خرج عن المالوف يالها من مسخره عندما يصل الى الاجيال القادمه باننا دوله لاننجم فيها احد الا ان كان فاسدا  او ملحدا  وهو يشتهر ونحن نسب  فهل السب يهدى احدا هل عندما نشتم احد سيرجع عن الحاده  لا اعلم لماذا اتوقع ان حريه الالحاد هو بدايه  الهدايه والتشدد بدايه الالحاد  اتركك تلحد واحاورك  بالمنطق لا بالسب لتعلم الدين صحيحا  ليس الدين الذى يتلاعب بيه المتأسلمون  ونصحح مايرسلونه المتأسلمون من رسائل  خاطئه عن الاسلام بدون قصد ولا اثبت لك فكرك الفاسد عن الاسلام 
فان كنت غليظا لانفض الناس من حولك  هذا هو الدين ولكننا  الان غلظاء وباكثر من وجهه نسئ الى الدين  ثم نهاجم من يلحد بالدين الذى نشوهه بدون قصد لحملنا لاكثر من وجه نربى  عند الملحد صوره سيئه عن  الدين والمسلمين وعندما يلحد  نشتمه ونسبه وكأننا نريد   اثبات ما شوهناه
الى اين نحن ذاهبوان  

الثلاثاء، 3 أبريل، 2012

انا الرئيس

صباح الرئاسه 
رئيسكم  وصل
 


هيا هتيجى عندى وهتقف  واوعدكم  برئيس توافقى للغايه  عايزنى اسلامى  مافيش مشكله اسلامى
video


 اسلامى  دا ولا لا 
 عايزنى  اكون خارج من السجن  عشان احكم  واكون يوسف مصر 2012   مافيش مشكله  يوسف



 سجن د ا  ولا مش سجن يبقى كرسى الحكم يجيلى  سيدنا يوسف اتسجن وبعد كده وصل للحكم مش دا كلام ربنا اعترض بقى 
طبعا ديه قلت ادب لما نشبه نفسنا بسيدنا يوسف عشان اتسجنا  وخارجين  عايزين نحكم  بس هما مش بيقولوا على نفسهم اسلاميين طيب  اه بالمناسبه دعوتى  مستجابه  فماحدش يكلم كلمه مش مظبوطه ادعى عليه دعوه  يروح فى داهيه   وكمان حلمت بالرسول جانى فى المنام وقالى ياعمرو يا ابن يسرى  انت اللى هتحرر القدس ياعمرو
حكمتك يارب
 عايزيينى اكون صاحب ضربات اولى جويه وبحريه مافيش مشكله

 اهو حرب ديه ولا لا وكنت فيها ولا لا
  ماحدش عنده حجه حد عنده اعتراض 
عايزنى فلول ماعنديش مشكله اهو




شوفتم انا ديمقراطى  حتى النخاع واوعدكم باكبر مقلب فى حياتكم  بس انتم انتخبونى بس وسيبوا الباقى عليا 
مدوب  شعبين 

الأحد، 1 أبريل، 2012

اغلب الاسلاميين شعارهم الاسلام و قدودهم الانحلال طب تيجى ازاى




سوال هيجننى من اول ماوعيت  هما الاسلاميين باى دين يدينون  لما كان الشيخ بتاع الجامع يطول ويكثر  من  الميكروفونات  ويعلى الصوت وبعض الناس يشتكوا من الازعاج الشديد  كان يرد فى خطبه لوحدها  ويقول ماهو لو كنا مشغليين اغانى ماحدش كان هيتكلم ولا هيقدر يقول اى حاجه   طب يعنى هل اللى مشغل اغانى  بصوت عالى دا تصرف دينى   لكن يعيبه انه مشغل اغانى فحضرتك بتاخذه قدوه مع التصحيح بدل الاغانى دين
لما يشغل واحد على موبيله خطبه لشيخ ماتفهمش منها حاجه من كتر بكائه وتشعر انك تسمع نوباح وفقط وتطلب منه اغلاقه يقول  لو كان اغانى  ماكنتش هتقوله اغلق الاغانى ويتهمك بالفسق والفجور 
وعندما تعيب على تصرف الاخوان فى شئ يقولك ما الكل بيعمل كده
تعيب على حازم ابو اسماعيل ان بيستغل الاحداث لصالحه يقولك الاسلاميين ما الكل بيعمل كده
طب لما اللى بيسموا نفسهم اسلاميين  بيعملوا زى الناس طب ايه الفرق بينهم والمفروض مين يكون قدوه لمين
طب انت اسلامى على اساس ايه انك حافظ ايه او حديث  اكتر منى ومابتعملش بيه  بتستخدمه بس لتبرير ماتفعل اذا كان فى موقف شبيه له  طب ايه  دينكم ايه  لو دينكم اسلام  بتاخدوا المخطئين قدوه لكم ليه  بلا وكسه
   طبعا يجب التنويه ان فى قله مندسه محترمين  بينهم ممكن يكونوا قدوه  للاسلاميين اللى بجد

Follow by Email

Tetris