الجمعة، 9 مارس، 2012

التمويل الاجنبى مين خاين ومين عميل


 وسط ما الكل قاعد يتابع قضيه التمويل الاجنبى  رجعتنى الذكريات للى كنا بندرسه  ايام المدارس بان الزعماء الوطنيين  مصطفى كامل ومحمد فريد  كانوا بيسفروا الى الخارج  ليعرضوا القضيه المصريه على الدول الاخرى   واكيد  ما كانوش  رايحيين بره يستوردوا  مصريين بل كانوا يبحثون عن مساعدات خارجيه على الاستعمار العسكرى اللى كنا عايشين فى ظله  سواء بالضغط على الراى العالمى او لمساعده دوله اجنبيه  بمبداء عدو عدوى صديقى  طب نسئل هل كان مصطفى كامل او  محمد فريد عملاء بيتموله من الخارج ولا كانوا وطنيين  فى ناس هتقول وقتهم كان فى استعمار عسكرى   طيب هو ماكنش فى شعب مصرى ولا ايه يعنى لازم يبحثوا عن جهات اجنبيه اخرى  ولازم يستنوا لما يبقى عدو عدوى عدوى   ويحررنا من عدونا وياخد مكانه وواحد يقولى  كان هدفهم وطنى  يعنى الغايه تبرر الوسيله والسياسه كلها العاب قذره طيب  نترك هذه المرحله لاننا مش بتوع تاريخ   ومعرفش تاريخ اوى وحتى لو عرفته مابقتش اصدق فيه لان التاريخ عندنا اساسا مسيس  ماتعرفش مين وطنى من عميل من ابن الجيران  مين وطنى ومين خاين على بيك الكبير ولا ابو الدهب  الله اعلم  ايه حصه التاريخ ديه  نرجع بالاله بتاعت  الزمن  للسنادى   فى الاول قبضوا على المنظمات التى تمول من الخارج ومعهم اجانب    واكيد دول كانوا هما الخونه اللى بيهددوا استقرار البلد  ماشى هنمشى معاكوا وهنقول اخيرا عرفنا مين الطرف الثالث  اللى متمول من الاجانب  حصلت مشاكل  وكلام عن سحب المعونه  قولنا مصر لن تركع بعد  جميل لكن بعد فتره   نلاقى الاجانب الممنوعين من السفر سافروا  ايه دا دا مصر لن تركع بعد  ديه خلصت الفروض الخمسه وصلت التراويح كمان طب ايه فيه صفقه ولا ايه  ماحدش اتكلم   يعنى احنا عارفيين ان اللعبه السياسيه قذره وممكن نفرج عن الطرف الثالث مقابل صفقه عادى يعنى المهم يكون فى صفقه   لم يرد احد ورجعت الحكومه بعد كده بتاكد ان مصر لن تركع ابدا وبداءت فى حكايات الف ليله وليله  عن تاريخهم اللى ماركعوش فيه طب حد يفهمنا حصل ايه  فيه صفقه ولا ايه صحيح ان لو كانوا سافروا عشان صفقه او خوف من قطع المعونه هتبقى الدوله مموله من الخارج اصلا ولو القضاء نزيه يضم الدوله  كلها لقضيه التمويل من الخارج  بمشيرها بمجلسها ولو شعبها وافق على الصفقه يبقى بشعبها  انما كله عشان مصر لكن بردوا  مافيش رد  طب ايه الحكايه   بعد شويه  قرار بتاجيل القضيه ل10 ابريل لضبط واحضار الاجانب  يعنى يكون ابنى على كتفى واهربه وارجع ادور عليه ايه هنلعب عسكر وحرميه   طيب يبقى مين المصريين المتهميين  معهم فى قضيه التمويل الاجنبى المشير والمجلس والحكومه ولا مين 
 مين خاين ومين عميل ماحدش عارف    مش عارف ليه  الاحداث بتفكرنى  بفيلم الجزيره فى مشهد محمود يس  لما كان بيقول للسقا واحنا بنعمل ايه احنا بنعمل زى مابتعمل الحكومه  لو تبيع قطعه سلاح تبقى مجرم ولو بعت الف تبقى وزير انت انكتب عليك تكون ............
وفى الاخر مين اللى اتمول من الخارج ومين وطنى ومين عميل ومين مندس  مش فاهم حاجه 

الأربعاء، 7 مارس، 2012

عايزها انسانيه


فى ناس عايزها تكيه بينادوا  بالاشتراكيه
وناس عايزها  وسيه بينادوا بالراسماليه
وناس عايزيين يلبوسوا اثواب الرسل او الشيوخ بيقولوا عايزنها اسلاميه
وناس عايزنها عسكريه واحكام عرفيه
وناس  كارها العسكر فعايزها مدنيه
وانا بصراحه عايزك  يامصر انسانيه
مش عايز حد  فيكى بسم الغلب يعيش فى تكيه
ولا  من غلبه  يقاسى  قسوه الوسيه
ولايرتدى ثوب غير ثوبه ويعلنها بلسانه مش بقلبه ويقول اسلاميه
ولاعايز يحكمنا عسكر وتبقى عسكريه
ولا عايز يحكمنا اى حد بسم المدنيه
انا عايز حاكم انسان بسم الانسانيه

لاتفيا بتشتغل المصريين


  
 النهارده  شريف صاحبى كان بيسئلنى هو 371+ مفتاح اي دوله   رقم بيرن عليا رنات صغيره   بصراحه ماكنتش عارف وضعت الرقم فى جوجل لقيت كتير  من الناس بتشتكى من نفس  مفتاح الدوله   كتير بيشتكوا  من اتصال  من نفس البلد
 واختلفت الاراء   حول الارقام  دول          +37190603437    او
37190600807  

 واحد قال ديه نصبايه  ترنله  ياخد رصيدك   و واحد قال ان  الرقم دا  رقم الخط الساخن للجنس  وفتح الخط برياليين 

   ارقام   ترن رنات قصيره  على  الموبيلات  اكثر من مره   ومع البحث  نعرف ان 371 + هو مفتاح دوله لاتفيا   
دوله لاتفيا Latvija  نقلا عن موسوعه ويكيبيديا    رسميًا جمهورية لاتفيا هي دولة تقع في منطقة بحر البلطيق في أوروبا الشمالية. يحدها من الشمال إستونيا  طول الحدود 343 كم وإلى الجنوب588  ليتوانيا  كم وإلى الشرق276الاتحاد الروسي  كم وإلى الجنوب الشرقي روسيا البيضاء 141كم   وتشترك بحدود بحرية إلى الغرب مع السويد. يبلغ تعداد سكانها 2,229,641 نسمة ومساحتها 64,589 كم2 وهي واحدة من أقل الدول سكانًا وكثافة سكانية في الاتحاد الأوروبي. عاصمة لاتفيا هي ريغا واللغة اللاتفية هي اللغة الرسمية وعملتها هي اللاتس . تتمتع البلاد بمناخ معتدل موسمي.

عرفنا  معلومات عن الدوله  بس لم نعرف ما سر هذه الرنات هى بلدنا نقصه اشتغلات   مش كفايه اشتغالات اهلها 

الجمعة، 2 مارس، 2012

مواقف وطرائف وعجائب


 خلال الشهور الماضيه   مش متأكد بالظبط  امتى يمكن يناير او ديسمبر اللى فات وصلنا جواب من  اداره الجبانات  لكن جواب من عجائب الدنيا   ممكن يضاف الى موسوعه  جينس فى  الارقام القياسيه   جواب معجزه من معجزات العصر الحديث
هو جواب لوالدى الله يرحمه  مضمون الجواب
  مقدم الطلب رقم 
 بتاريخ 4 سبتمبر 1999   وخليكم فاكريين التاريخ دا اوى 
يرجى سرعه حضوركم فورا وفى فتره اقصاها 20 يوما  من تاريخ  وصول خطابنا هذا ليسادتكم خليكم  فاكرين المده  وذلك للسير فى اجراءات تخصيص المدفن  وفى حاله عدم حضوركم سيتم الغاء طلبكم  ويسقط حفكم فى التخصيص   تحرر فى 3/11/2011 
  يعنى شوفوا المعجزه  الطلب اتقدم  سنه 1999   ومرت سنين واللى مقدم الطلب توفى فى سنه  2004 ومرت سنين  والثوره قامت  والرئيس اتنحى  وقعدنا شهور فى فتره انتقاليه  و الطلب  يتوافق عليه  ويتم الرد فى 2011    يعنى بعد 12 سنه     ليه السرعه ديه مش عارف 12 سنه بس دا كلام   وكمان عايزنا نروح خلال 20 يوم  يعنى الطلب اتوافق عليه بعد 12 سنه  وبعد ما مقدم الطلب توفى اساسا   واحنا نروحلهم خلال 20 يوم    طرائف وعجائب  
طلب اتقدم  يترد عليه بعد 12 سنه   واضح انه كان طلب صعب اوى  
عجائب الدنيا كانوا سبعه  الجواب ده جعلهم ثمانيه
جواب   1999 الى 2011    ويخلق ما لا تعلمون

Follow by Email

Tetris