الثلاثاء، 30 أغسطس، 2011

البيضه ولا الفرخه


سؤال بنسئله للى عايزين نحيره الاصل  البيضه ولا الفرخه ان كان الفرخه اصلها من البيضه  وندخل فى دائره مغلقه  نفس الموضوع  الشعوب ولا الحكام   ايهما افسد الاخر هل فساد الحكام هو الذى يفسد الشعوب  ام فساد الشعوب هو الذى يفسد الحكام بالطبع فساد اى واحد منهم  يفسد الاخر ولكن  فى دولنا العربيه  من افسد من
 مثلا فى مصر 
هل نحن الذى افسدنا مبارك ام ان نظام مبارك هو الذى افسدنا
بعض الناس  يقولوا ان مبارك فى بدايه عهده كان كويس ولكن بداء يفسد فى الفتره الاخيره التى شهدت حلمه لتوريث ابنه  حكم مصر  والحاله الغربيه  او المرض التى اصابه وجعله يسمى  اغلب الاشياء باسمه وكأنه هو  الوحيد اللى بيملك مصر   من اول محطه مترو مبارك الى اكاديميه مبارك  الى مطار سوهاج اللى بعد لما كانوا عملوا اليافطه اللى مكتوب عليها مطار سوهاج جاءت  ليهم الاوامر  بتغير  اليافطه الى مطار مبارك  يعنى ماعرفش فى ايه  طب لما انزل فى مطار مبارك هنزل فين فى مبارك بالظبط  ماعلينا  بس اهو راى انه كان فى البدايه كويس قبل مايقلب
بالنسبه للشعب  انا من اول ماوعيت ونزلت الشارع  وانا بسمع الناس بتكلم وتقول بلد بنت تييييييييت شعب ابن تييييييت حكومه بنت  تييت  مبارك ابن تيييييييييييييييت    وبالرغم من انى بمرور الايام  كنت بتاكد ان شعبنا الجميل اللذيذ ابن تيييييييييييييييييييييييت تييييييييييييت لكن النظام بردوا كان ابن تييييييييييت  لان النظام  لوكان عارف يحكم  الشعب ابن التييت  ويعرفه ان فى قانون  بيحاسب ابن التييت  بجد  كان على الاقل ماكنش هيبقى ابن تيييت اوى  انما  النظام اللى كان موجود  كان مخلى الشعب عارف انه لو اتحاسب على حاجه عاملها ممكن تكون بالصدفه او حد داعى عليه وممكن مايكونش عاملها اساسا  وكان عارف ان كله ماشى سمك لبن تمر هندى  ومينفعش ان نقول ان الشعب فسد من نفسه  لاننا اتعلمنا ان الانسان بيتأثر بالمجتمع ثم يؤثر فيه  اذا فاكيد فسد من تاثره بالنظام الحاكم   طب بلاش نظلم النظام  وهنقول  الشعب تاثر بالتكونولوجيا واصبح شعب فاسد دماغه  فى الهيافه والمخدرات  وافلام الاكشن اتعلم منها البلطجه  تمام كده   دا اللى جزء  من الشعب بيقوله  ان التكنولوجيا علمتنا الهيافه والسفاله والبلطجه حيث اننا اخذنا من التكنولوجيا اسوء ما فيها                                      
طب يبقى كان محتاج يتحكم بقانون يقلل تاثره بكل ده  طيب يبقى النظام كان فاسد لانه قانونه كان اضعف من انه يقلل تاثر الشعب بالتكنولوجيا  يبقى برده فساد النظام هو من يفسد الشعب  ولكن اى شعب الذى يفسده فساد النظام  الشعب اللى عنده قابليه ان يفسد  وهذا هو شعبنا الجميل عنده  قابليه ان يفسد ولكن فى نفس الوقت حبه للنقد الذاتى تجعله غير راضى على فساده  وينتقده  ويتمنى ان يصلح نفسه ولكن مادام النظام يساعده على الفساد  فهو عنده قدره على ان يكون اول الفاسدين  بالرغم انه عنده قدره انه يصلح  ويكون كويس لو كان النظام كويس
 ولكن لاننكر باننا ساعدنا فى فساد نظام مبارك لو كان كويس فى بدايه حكمه اصلى انا اتولد وهو كان حاكم  ومعرفش هو فى اوله كان كويس ولا لا   ولكن هنكلم على انه كان كويس  بالطبع افسدناه عندما  ظل نجوم الغناء يغنى له اخترنا اخترنا  سواء عن حب او نفاق  بالطبع افسدناه عندما كنا نضحك على انفسنا ونصدق افلامه اللى يتطلع  فيها هو الحكيم اللى مافيش منه  اثنين  واحنا نقعد نصقف له  يعنى اتذكر احد الافلام  عندما تعين الاستاذ يسرى الجمل وزير للتربيه والتعليم  وحدثت مشكله الطالبه ولاء اللى كتبت موضع تعبير فى امتحان   دخلت بسببه فى مشاكل وبالفور تدخل رئيس الجمهوريه   عشان الطالبه تنجح ومايحصلش لها حاجه ويطلع الرئيس مبارك الاب الحنون  الطيب الحكيم  وبالرغم بانى لا انكر عليه هذه الصفات ولكن  هو كأب او رئيس جمهوريه  لم يعطى شعبه او ابنائه  حقوقهم  لان موضوع زى ده كان المفروض كل من دخل هذه الطالبه فى مشاكل بسبب موضوع تعبيرفى امتحان لو لم  تاخذ درجته هتنجح بردوا  يحاسب وعلى رئسهم الوزير اللى كان وجوده زى عدمه   صحيح الوزير تمت اقالته  مع اول تطعيم   ولكن المفروض كان يقال من ساعه الموقف دا  او على الاقل يحاسب  ولكن الاب الحنون الرئيس المخلوع يادوب كان بيحفظ ماء وجه نظامه    والامثله كثيره
بالطبع افسدنا عندما كنا نتابع  جامعه الدول العربيه ونسخر من رؤساء الدول  العربيه  الاخرى الهلاهيل  ونطلع مبارك هو صاحب الحكمه والراى الصواب  بالرغم من  انه احد افراد المنظومه الفاشله  التى تعودنا منها انها تشجب وتدين   و نحن ايضا  الذين جعلناه يفكر فى التوريث حيث انه شايف او احنا اللى  جعلناه يشوف انه هو الحكيم اللى مافيش منه اثنين  وطبعا خوفا على مصر فهو مش شايف حد بحكمته الا ابنه  عشان يحكم مصر  ولذلك قد نكون احنا الذين افسدناه  ونحن اللى زرعنا حلمه لتوريث الحكم لابنه  فيصبح مبارك جانى ومجنى عليه
ولاننا احنا اللى كنا ايده الذى كان يفسد بيها  فهو كل اللى يعمله انه  مايحاسبش حد ويترك الشعب   ياخد حقه من نفسه  فالموظف بدل مايطالب بحقه يرتشى او يسرق  موظف زيه  فكنا ايده الذى يفسد بها
ونلف وندور ومانعرفش مين افسد مين  الشعب الذى افسد النظام ام النظام الذى افسد الشعب
فنحن ساعدنا فى فساد النظام  ونظام مبارك ساعد فى فسادنا 
ولذلك فيجب علينا ان نتغير مع تغيرالنظام حتى لا نفسد النظام الجديد
ونحاول ايضا  الا يفسدنا النظام الجديد

و فى النهايه  نقول حتى لو كنا نحن الفاسدون والعيب فينا وليس فى الانظمه  كما يقول البعض فهذا لا يعيب الثوره  فى شئ
 لان  الثورات دائما تقوم عندما ينتشر الفساد ويوصل الى اقصى حد وقد لاتصلح الامور كلها او لا تصلحها اساسا ولكن تكمن اهميتها انها بالعربى كده بتصفر العداد لكى نبداء من جديد بنظام جديد  لانه حتى لو كان النظام  الجديد فاسدا ففساد نظام ناشئ جديد  مهما كان هيكون اقل من فساد نظام محنك    

الأربعاء، 3 أغسطس، 2011

ابتسامات حبيب العادلى وصبغه مبارك





هل هى مجرد تطليعه لسان  للناس  ام انه يريد ان يخبرنا اننا كنا ونحن نشاهد محاكمته هو والرئيس السابق اننا نشاهد مسرحيه ساخر   كوميديه   نظن فيها انها حادثه تاريخيه ان الرئيس  واولاده  ووزير الداخليه  يتحاكمون امام  محكمه  علنيه    لو كان يريد  السيد حبيب العادلى ان يطلع لنا لسانه  لكى يستفزنا  فالسؤال   هل لم يخبر  احد افراد الشرطه العسكريه  ان السيد حبيب العادلى  الذى صافحوه وهو خارج من المحاكمه كانه مازال وزير داخليه  او انه طلع براءه مثلا موجود  متهما  وليس كوزير داخليه  الم يخبر احد  افراد الشرطه العسكريه والمدنيه  ان السيد حبيب العادلى ليس متهما قد يثبت برائته  بل هو  مجرما حكم عليه قبل ذلك  فى قضيه اخرى وانه مسجون ليس على ذمه قضيه ولكن تنفيذا لعقوبه   مشهد غريب حدث ليس له تفسير   يشفى العليل 
طب ياجماعه ان كان اللى حصل تمثيليه   بتفرجونا  عليها ياريت بلاش تكونوا ممثليين فاشلين  ولو هو لحظه تاريخه ياريت تبقوا تخبروا الشرطه   العسكريه والمدنيه  فى الجلسات القادمه ان الوزير السابق  داخل يتحاكم ومش داخل يفتتح تخشيبه  جديده فى اكاديميه الشرطه    عشان  مايبقاش منظر الشرطه وحش اوى عشان بقى شكلهم حاجه تقرف  
اما عن مبارك فبصراحه عاجبنى جدا   انه رايح يتحاكم وهو مريض وتعبان وبيخلص ومع ذلك رايق رايح يصبغ شعره وحالق وجاى رئيس روش وكأنه رايح يلقى خطبه  مش  رايح يتحاكم 
مش عارف ليه مازلت اشعر باننى اشاهد مسرحيه هزليه 

الثلاثاء، 2 أغسطس، 2011

جمعه لم شمل ووحده الصف 29 يوليو تيجى ازاى


اى صف واى  شمل من  المتعارف عليه انه لم شمل الاقطاب السياسيه المختلف التى ساده بينهما خلاف فى الفتره الاخيره  ولكنها كانت  جمعه   الضهور    للاخوان والسلفيين والجهاد  وكل لاقطاب الدينيه
عندما ذهبنا الى الميدان بدايه من محطه مترو التحرير  يبداء الظهور الطاغى لاصحاب اللحيه والذقون بطريقه منظمه وبكثافه لم نراها من قبل  وكانهم بيقول احنا اهم موجوديين
ثم اثناء وجودى فى الميدان اشاهد احد المنصات شاهد شيئا اعتبره مسرحيه هزليه  عندما استقطبوا قصيص يتكلم عن الوحده الوطنيه  بالرغم ان الميدان كله من اصحاب اللحيه والجماعات الاسلاميه ولا اعتقد ان كان فى حد مسيحى فى الميدان اصلا  حتى عندما اراد احدهم يقول على المنصه نقول عايزنها مصريه  مصريه تعالت الاصوات عليه اسلاميه اسلاميه  اسلاميه   طب عن اى شمل يتكلمون  حتى عندما تكلمت امراه  على المنصه رايت احد الناس  على وجهه استنكار   ان امراه هى التى تتحدثث  وكلها نماذج كانت موجوده بالميدان  ومن النماذج اللى كانت موجوده مجموع تطالب بعوده الشيخ وجدى غنيم  الى مصر وكأن البلد بقيت جميله  ولا ينقصها غيره  ماعلينا  ولم يخلو الميدان من الكوميديا عندما تشاهد رجل يسوق لكتابه انقاذ مصر  قال يعنى عاملك تخفيض  حاجه مسخره  وعاملك يافطه كبيره تخفيض  على كتاب  انقاذ مصر  وعلى الكتاب صورته  وهو قاعد بيبيعه  كوميديا
اعجبنى شخصا اطلق سؤال كان بيراودنى  اين كانوا اصحاب الذقون  ومن هم   

لماذا امتلاء الميدان باصحاب الذقون

Follow by Email

Tetris