الاثنين، 24 يناير، 2011

الاعتراف سيد الادله


الاعتراف سيد الادله  جمله تعنى ان  اذا اعترف احد على نفسه فهذا سيد الادله ضده
ولكن هنا فى مصر تعودنا دائما ان اذا اعترف احد على نفسه فهذا دليل على برائته  وهذا لاسباب كثيره
اولا سوء سمعه الشرطه ورجالها   بسبب ماينتشر عن التعذيب فى اقسام البوليس مرورا بحوادث  عماد الكبير وخالد سعيد وسيد بلال  الى اخره
ثانيا  بعض القضايا التى عندما نفتكرها نعقد  نضحك مع بعض لانها قضايا فى حد ذاتها نكته
 يعنى تعالوا نفتكر قضيه الفنانه حبيبه  التى حكم عليها بجريمه قتل زوجها    وكانت معترفه  بالجريمه  وبعد  نصف الفتره خرجت ليست حسن سير وسلوك  بل  براءه  عشان ظهرت  ادله اخرى  وظهر متهمين جدد  طب ياعم والاعتراف ده  دا سيد الادله ولكن طبعا الاعتراف ليس سيد ادله الادانه  فى مصر  ولكنه سيد الادله لبراءه المتهم   فالمعترف برئ الى انت تثبت  ادانته
قضيه تانيه بردوا اكلموا عليها فتره وهو ان واحد اعترف انه  قتل بنته  ومثل الجريمه   وكل حاجه تمام  وفجاه  تظهر المرحومه يثبت ان المرحومه لسه عايشه  سبحانه وتعالى  ويحيى العظام وهى رميم
 والان نحن امام قضيه جديده لانعرف كيف ستسير احداثها  
وهل الاعتراف سيد الادله  ولا سيده
الداخليه تعلن انها كشفت ابعاد العمليه الارهابيه بتاعت كنيسه القدسيين
والمجرم ماشاء الله عليه طلع واحد محترم وجهوه  بالادله  فبكل اخلاق وادب  اعترف المذكور أحمد لطفى إبراهيم محمد بالجريمه
يعجبنى انا المجرم اللى عنده اخلاق اول مايتمسك يعترف  علطول   ياااه  لسه الاجرام بخير   ياولاد الحمد لله ان المجرمين لسه  بيعترفوا بجريمتهم  الحمد لله   سبحانه شوف المجرم رغم انه مجرم انما بيعترف بكل ادب واخلاق
لا كمان مصر لسه بخير  لانه طلع اللى ورطوه  تنظيم الجيش الاسلامى بغزه  يعنى  الحادث من جهات خارجيه  مش من مصر  عمار يامصر الله اكبر    ماشاء الله
لا والحمد لله انه  اتمسك واعترف  قبل مايجى يوم 25 يناير  اللى كل شويه على الفيس بوك يتطلع ناس تقولك هنعمل مظاهره  هنعمل ثوره  هنعمل معرفش ايه كانهم هيعملوا رحله  ولا حاجه  انا عن نفسى يوم 25 يناير  هعمل  كوبايه ليمون  او ممكن اشترى حاجه ساقعه هههههههه  
اه الحمد لله انه اتمسك قبل 25 يناير  منعا للقيل والقال
بزمتكم مش حاجه تدعوا للسخريه   توقيت القبض عليه  يمكن صدفه  طب  وحكايه انه اعترف ديه
فى مجرم بيعترف على جريمته  انا اعرف ان المجرم يحوم حوالين مكان الجريمه انما يعترف  ديه جديده
وادينا هنتفرج و هنشوف مين تانى هيعترف   ويقول   بس  مهما كترت الاعترافات
ياترى هيرجع الاعتراف سيد ادله الادانه  ولا هيفضل سيد ادله البراءه
ادينا بنتفرج وهنشوف ايه اخرتها 
يارب يصدق الاعتراف المره ديه  
يارب تنجح يا تتح

الخميس، 20 يناير، 2011

ذكرى ليله رعب


لم انسى هذه الليله التى كنت اقراء فيها احد الكتب  اللكترونيه  على الكمبيوتر  بعد منتصف الليل والكل من حولى  نائم  كان كتاب  اسمه تجربتى مع عبده الشيطان  الكتاب  بتاع  عبد الله كمال   لم اكن ابحث عن هذا الكتاب ولا اعرفه اساسا  بل كنت وقتها ابحث عن  موضوع عبده الشيطان  حيث انى  تذكرت ايام القضيه ديه عندما كنت طالبا فى المدرسه  اسمع زملائى  يحدثونى عن رقم الشيطان 7777777  او 666666  وكنت وقتها اسخر من الكلام دا   لم اكن  اعرف انه منتشر  او انه  يخص عبده الشيطان   ولكن بعدها فوجت ببرنامج  جمال الشاعر يتحدث عن الكلام الفارغ دا ليطمئن الناس   و تذكرت  ايضا  اللعبه التى كان يلعبها زملائى فى الفصل   كان احدهم ينام على ظهره   ويقف مجموعه من الزملاء  حوله  يرددون مجموعه من الكلام الغير مفهوم  فترتفع رجله  وتنزل  كنا بنقول وقتها انهم متفقين مع بعض  لايهامنا  بانهم يفعلون شيئا غريبا  وكان طبعا يتغير الفرد الذى ينام على ظهره  حتى اتى واحدا منهم فى يوم يقول ان مايفعلوه حرام   المهم  نرجع ليله الرعب    مع تذكر اللعبه والحديث عن الرقم   قمت بالبحث عن موضوع  عبده الشياطين    فوجد  هذا الكتاب  فقراته  وكان وقتها عادتى ان اقرا بعد منتصف الليل  والكل نائم ولا يوجد ضوء مع ضوء الكمبيوتر الا ضوء لمبه السهارى  واثناء وانا بقراء  هذا الكتاب  شعرت بان احد ياتى من خلفى واضعا يديه حول رقبتى يريد ان يخنقنى  فنظرت خلفى لم اجد احدا  فرجعت  اقرا من جديد فشعرت انه قادم مره اخرى فنظرت خلفى فلم اجد احدا  فقررت تغير المكان  فذهبت الى البلكونه حيث الهواء الجميل   ولكنى شعرت ايضا  بان احدا يقترب منى يريد القائى من البلكونه فنظرت خلفى فلم اجد احدا  فرجعت انظر الى الشارع فشعرت بان احد سيلقى بى من البلكونه فنظرت خلفى لم اجد احدا فذهبت الى الحمام اغسل وجهى وعندما  انا اغسل وجهى شعرت   بان احدا خلفى  يقترب منى يريد قتلى  فانظر خلفى فلم اجد احدا  ثم تملكنى احساس بالخوف وتذكرت ما يحتويه الكتاب من كلام  عن شرب الدم  وقتل القطط   و احداث اخرى   فهرولت الى غرفتى  فقلت اذا كنت ساقضى الليل فى حاله من الرعب هكذا فالنوم احسن لى  فاغلقت  الكمبيوتر  واصبح الضوء الوحيد الموجود ضوء  لمبه السهارى وذهبت الى السرير ويارتنى  ماذهبت للسرير    فوق السرير شباك شعرت ان احدا ياتى من الشباك اللى فوق السرير  يريد ان يخنقنى  وتملكنى احساس بالخوف  فسميت بالله وقرائت بعض الايات القرانيه  واستغفرت الله  فبعد عنى   ثم سكت  فشعرت  بعودته فاسمى بالله واقرا قران واستغفر الله  فيبعد  وظليت على هذه الحاله اسكت يرجع اقرا  واستغفر يبعد حتى ذهبت فى النوم لاستكمل ما كنت عليه قبل النوم فى الحلم اثناء النوم لاصحى فى اليوم الثانى ليكون الاستيقاظ من النوم  انقاذا لى من الاختناق  
وهى كانت ليله وعدت   
وبعد كده الواحد قعد فتره مايقرائش كتب من النوعيه ديه  قبل النوم  

الثلاثاء، 18 يناير، 2011

تعلن مستشفى الامراض العصبيه والنفسيه مسئوليتها عن الحادث

    فى الاحداث الماضيه   اثبت التحريات ان مندوبى  الشرطه الذى اطلق الرصاص   على الركاب   القطار فى سمالوط كان مريض نفسى
يمكن ان يكون حادث كنيسه  القديسيين  بتاعت الاسكندريه  افلتت من  براثن المستشفيات العصبيه والنفسيه  لانه تم الاعلان  او اللى كان متعارف عليه ان الفاعل من جهات خارجيه  ولكن قد تعلن فيما بعد الجهات الخارجيه ان الفاعل مريض نفسى  وكان بيتردد على مستشفيات نفسيه  ولكن خارجيه  عادى  يعنى
الكثير من الحوادث  التى حدثت فى الفترات الماضيه القريبه كنا نكتشف ان الفاعلون من مرضى الامراض  النفسيه  والعصبيه  حتى فى الفيلم الكوميدى  الارهاب  والكباب  بتاع عادل امام   اثبتت التحريات فى الفيلم ان اللى احتجزوا  الناس فى المجمع    كانوا   مختلون عقليا   طبعا فاكرين الفيلم دا  في سنوات كثيره  تعودت الناس  على ان التحريات   هتثبت ان الفاعل مجنون  بالظبط كما فى فيلم الارهاب والكباب    لااعلم هل هذا اقتناع من الجهات الرسميه  بان العاقلون لا يفعلون  جرائم    وبالتالى  فكل من يفعل جريمه  فهو مختل عقليا  او مريض نفسى   ولذلك  وبما ان ان كل الجرائم يرتكبها المختلون والمرضى النفسيين   والمختلون والمرضى النفسيين ليس عليهم حرج وغير مسئولين عن افعالهم  واعتقد اننا بذلك ممكن  نلغى القضاء  بقى  اه  لان كل  مرتكبى الجرائم  غير مسئولين عن جرائمهم  والحياه فل طب هيحاكموا مين طيب  
طيب   هنعمل ان احنا مصدقين الكلام دا  وزى  ماهما بيهرجوا  هنهرج
 ونتسائل الى متى المختلون العقليون يرتكبون الجرائم  فى بلدنا ويصيبونا بجروح ونفقد بسببهم  الاحباب   والاصدقاء 
اين دور وزاره الصحه   فى علاج المرضى النفسيين  ولماذا تترك المرضى النفسيين خارج المستشفيات ؟؟!!
واين دور  وزاره الداخليه فى حمايه  وتامين الاقليه العقلاء  من  المختلون الكثيرون
ولماذا رئيس الجمهوريه  يترك  العاقلون من ابناء الوطن بدون حمايه وتامين  من المختلون
اذا  حتى لو كانوا الذين يرتكبون الجرائم مختلون  فالحكومه متهمه  ويجب  ان تحاسب  على تقصيرها
 و اخيرا نريد حكومه  قادره على حمايه  العقلاء من المختلون سواء  كانوا  بقى  نفسيا او عصبيا
وليس حكومه عاجزه  عن  حمايه العقلاء
هههههههههه بصراحه  انا خايف لحد يهرج  على تهريجى  ويقول  لا يوجد عقلاء   ولذلك فالحكومه مش مقصره  فى حمايه العقلاء لعدم وجدوهم هههههه
ولكن نهرج احنا كمان ونسئل  من الذى اجن الناس  هل خلقوا مجانين  


وفى النهايه  نسئل الى متى  سيظل يعلنون المختلون النفسيون والعقليون  مسئوليتهم عن الحادث
 والجدير بالذكر ان احد المختلون النفسيون  اعلن مسئوليته عن هذا البوست  ههههههههههه

الأحد، 16 يناير، 2011

التجربه التونيسيه


مازل العالم كله يتتبع  ما سيدرسونه  التونسيين للعالم  بعد ثورتهم الشعبيه  الخالصه
فهى ليست ثوره من الجيش شجعها الشعب   وليس انقلاب  ولكن ثوره   شعبيه خالصه
الكل ينتظر والكل يتتبع  هذه الثوره التى  بداء بمظاهرات   ونجحت المظاهرات فى اقصاء الحاكم من الحكم
ثم توالت النجاحات  عندما نجحوا  فى ابعاد محمد الغنوشى  رئيس الوزراء  وتعيين  رئيس البرلمان فؤاد المبزع  كما موجود بالدستور  لم ينقلبوا على الدستور  بل اتبعوا الدستور   الكل ينتظر  هل سيستكمل الشعب التونسى نجاحاته  الكل يتمنى لهم النجاح  النجاح فى اختيار الاصلح  لكى يرئسهم  فى المرحله القادمه    الكل ينتظر  والكل يتتبع    مدى نجاح التجربه التونسيه  التى قد  تكون مثالا   يحتذى  بيه  الشعوب   فيما بعد ودرس   للرؤساء   ايضا   
  نتمنى  للشعب التونيسى   مواصله نجاحاتهم  من نجاح الى نجاح     

الجمعة، 14 يناير، 2011

تونس2011 بدايه لعهد جديد



هل هى بدايه لسقوط انظمه اخرى ؟

سؤال يطرح نفسه


مغادرة 
الرئيس التونسى  زين العابدين بن على للبلاد
وتولى محمد الغنوشى، رئيس وزراء الحكومة التونسية، منصب الرئاسة وتسلم الجيش زمام الامور فى البلاد
الى ان تتم انتخابات رئاسيه

  وعلى غرار الحادث اهديكم هذا الفديو


video


الخميس، 13 يناير، 2011

تحياتى لاستاذى العزيز

 عندما اتذكرك  اتاكد  ان مشكله التعليم  ليست  فى  المناهج ولا الطلاب  و لا فى الدروس الخصوصيه  لكن فى اختيار  المدرس  الذى   فعلا  يستحق  لقب مدرس  زى حضرتك
اتذكر  عندما  تبداء  حصتك   يعم الهدوء فى الفصل  بشكل غريب  حتى وان كنت خارجه    فكان  اذا رمى احد نصف او اى جزء  اصغر   من نصف الابره  كانت ترن  وكان هذا ليس خوفا منك بل كان احتراما وتقديرا  لك  فلم تكن تقول لاى احد جمله سخيفه او لفظ غير لائق  ولم تكن تدخل الفصل بعصا  او حتى تمسكها  لم تكن من ادواتك    ومع ذلك اجبرت  الكل على احترامك  ومع ذلك كنت اشهر واحد  الطلاب بياخدوا عنده دروس خصوصيه والطلاب  بتحجزه  قبل الدراسه كمان  ولذلك اقول انك  براءت الدروس الخصوصيه  من  الاتهام  بانها  سبب عدم احترام المدرس  لان الطالب بيدفعله فلوس على اساس ان المدرس واخد الفلوس  شحاته مش من اجل درس تعليمى هذا الكلام الذى يروجه  الكائنات التى تدعى بانها مدرسين  وقد يكون هذا صحيح لانه بينطبق  عليهم لان الطلاب مش رايحين لهم يتعلموا  لانهم اساسا مش معلمين وهولاء  وجودهم اساء للمدرسين   ولكن لاينطبق على  المدرسين اللى   بجد زى حضرتك    لان الطلاب كانوا يذهبوا  اليك  ليتعلموا كيف يحبون ماده  الكيمياء  عارفين قيمه اللى هما  رايحن له    
ونحن  كطلاب  وقتها لم نكن ملائكه  فمجرد خروجك بعد انتهاء الحصه  الوضع كان مختلف  ينقلب الحال 180 درجه  مع الكائن الذى كان يدخل بعدك  ويدعى انه مدرس     وكان اذا اترمى بمب وصواريخ  فى الفصل  لم يسمع لها احد   مهما اتى بعصيان او  حتى لو قرر ان يضرب بقطع الدسك التالف  فكنا نعلم ان الحياه   فى المدرسه ضارب ومضروب قد يضربك الكائن الذى يدعى انه مدرس  وقد تضربه انت بعد ذلك  شئ عادى   او  مهما  قال من الفاظ  لاننا بردوا كنا نعرف ان المدرسه شاتم ومشتوم  قد يشتمك  هذا الكائن الذى يدعى انه مدرس وقد تشتمه انت بعد ذلك شئ عادى    و لذلك  تتبراء الطلاب  لانهم هما نفسهم  الذين  كانوا  ساكتين    احترام وتقديرا   لك    هما اللى كانوا  مطلعين عين  الكائن الذى يدعى انه مدرس   فى الحصه التاليه  
وتتبراء المناهج ايضا  بوجود مدرسين مثل حضرتك   لان المنهج الذى كنت تشرحه  هو هو المنهج   الذى يشرحه  غيرك 
ولذلك فدائما  عندما اتذكرك  ا تاكد بان مشكله  التعليم  هى مشكله عدم وجود  مدرسين  مثل حضرتك  يستحقون لقب مدرس   يعرفون  كيف  يجعلوا  الطلا ب تحترمهم    ويحببون الطلاب فى الماده
 ومازلت اتذكر اجابت احد الطلاب  الذين يصنعون  الضوضاء  فى باقى الحصص  عندما سئلته  لماذا   تجلسون  ساكتين  فى حصه الكيمياء  
كانت اجابته   خير دليل  قال   واحد بيحترمنى   ما احترمهوش  ليه وبس
ــــــــــــــــــــــــــــــــــــــــــــــــــــــــــــــــــــــــــــــــــــــــــ
تحياتى لك  استاذى العزيز  
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
 ملحوظه 
 كان يجب  عليا زى  ما اذكر الناس السيئه اذكر الناس المحترمه    حتى اكون محايدا لان زى مافيه السيئ  فانه مازال موجود بيننا  ناس محترمه  تستحق ان تذكر قد تكون  قليله  بالنسبه للناس السيئه  ولكن عدم ذكرها  تولد عقدا عند السامعين والقراء  مما يودى الى احباط الناس  
مهم جدا ذكر الامثال السيئه لكشفها  ومحاوله التخلص منها  وايجاد حل لها  ولكن عدم ذكر ولومثل جيد واحد  من الامثال الجيد  يودى الى احباط الناس   وانتشار الامثله السيئه  بدلا من ايجاد حل لها  باعتقاد   انه   ماينفعش غير كدا  وان هو دا اللى ماشى  ولذلك كتبت هذا البوست

الاثنين، 10 يناير، 2011

كلمه


كلمه قالها احمق لم تكن موجهه لى بغرض النصيحه ولم تكن موجهه لى اساسا ولكنها كانت عليا فاتت عليها سنين مش عارف ليه افتكرتها فى لحظه  و لا اعرف هل انى عشت فيها ام هى عاشت فيا ام ان هذا الاحمق الذى قالها قد كان عنده بعد نظر ورؤيه لما ستدور عليه حياتى ام انا الذى تاثرت بالكلمه ام اننى اوهم نفسى فى لحظه اكتئاب باننى عيشت داخل هذه الكلمه حتى اصبحت هذه الكلمه تعبر عنى او اننى فلحظه اكتئاب شعرت انها عبرت عن حياتى السابقه خلال ما مضى من عمرى لا اعلم هل انا افتكرتها فى هذه اللحظه ام اننى لم انساها من وقتها كنا اطفال مش اطفال اوى يعنى فى المرحله الابتدائيه وكنت انا وزميلى نحمل نفس الاسم انا كنت للاسف هادى شويه كتير وزميلى كان شقى بعد الشئ مثل اى طفل ودخل علينا الاحمق فى احدى حصصه المدرسيه وللاسف كنا اطفالا فكنا نقول له استاذ لا اتذكر اسمه بالظبط عنتر او اكرم مش فاكر انهى واحد فيهم كلهم كانوا ولاد تييت ههههههه ماعلينا المهم دخل الفصل هذا الاحمق ولا اعلم هل كان يريد من زميلى السكوت ام كان يطلب منى انا ان اقوم بالضوضاء مع زميلى اتجه الى زميلى ليسكته وبكل حماقه وغباء قال له انت ايه حكايتك ما تسكت واشار عليا وقال ماهو عمرو بردوا اهو قاعد زى الكرسى
لا اعلم هل كان هذا الاحمق يريد اسكات زميلى ولحماقته جرحنى بكلمته ولكنى للاسف كانت غلطتى فى صغرى اننى احترمت الاغبياء الحمقى فجلست كما كنت جالسا هادئا حامل الكلمه فى قلبى لياتى اليوم  الذى اشعر فيه اننى لم اكن يومها قاعد زى الكرسى بل عشت حياتى السابقه كلها مثل الكرسى واهى   كلمه


انتهى


الأحد، 9 يناير، 2011

Just a case

اولا  انا معرفش انجليزى كويس   بس هى خاطره  جت كدا بالانجليزى معرفش فى ايه  وبالتالى اى خطا فى grammar   دا شئ عادى جدا  وطبعا اى خطا فى write   شئ عادى جدا جدا     وطبعا بردوا  اى خطاء فى اى مجال فى اى كلمه   شئ  طبيعى جدا جدا  وانشاء الله مش هتكرر     معلش بعتذرلكم مقدما   



 I want say something about me
But I want you don't listen me
I don't know why
Maybe I want  scream  in the desert
Or Scream   with myself
But in any  case
I want scream without any one  listen me
Why 
 i don't know
Just a case 

الأربعاء، 5 يناير، 2011

الجبن سيد الاخلاق

 شبكه المجاهديين اللكترونيه    
موقع يوكد ان الجبن سيد الاخلاق  اه والله  
 قبل حادث كنيسه القديسين بالاسكندريه  كنت تدخل على الموقع  تلاقى موضوع  عن انهم عايزين يفجروا الكنائس  وناشرين  اسماء الكنائس واماكنها  ومواضيع ازاى تعمل قنبله   ويعلموا  الناس ازاى يكونوا مجرمين  يعنى ماشاء الله عليه كان موقع الاجرام الاول   وطبعا لازم عشان يغطى على افعاله  يكلم شويا عن الاسلام  وانه بيعمل الجرائم ديه من اجل الاسلام  مش عارف ازاى   بيقنعوا انفسهم بالكلام الفارغ دا   وطبعا دا كلام   بعيد عن الاسلام ويدل على  ان القائمين عليه مجموعه من الجهلاء المتخلفيين  ولا اعرف لماذا  يريدون ان  يفجروا الكنائس  يعنى لو عندهم الاجرام  واخد حقه معاهم   وعايزين يشتغلوا حبه اجرام باسم الدين كان ممكن يشتغلوا  فى مولد ابو حصيره مثلا  هيعملوا شغل عالى   او يلعبوا مع اسرائيل شويا  اهو بردوا تبقى فرصه الناس تصقف لهم شويا  بدل الهبل اللى ببيعملوه دا  اللى بيكشفهم امام الناس  ويخلى الناس تتف علىهم
بعد الحادث  بشويه  كنت تلاقى  موضوع يقولك اول الغيث قطره  وكلام  تشجيع على الاجرام بردوا باسم الدين وبعد شويه اكتر  بداؤا فى استخدام نظريه  الجبن سيد الاخلاق  تخش عليهم تلاقى بيقولك  الموقع برئ  مما حدث فى الاسكندريه  والله امال اللى كنتوا بتنشروه  دا ايه هزار  دردشه  مش فاهم   ايه كنتوا بتعلموا الناس  تعمل بمب العيد  ياولاد التيييييت   طب ما كان من الاول تحترموا نفسكم ياولاد التيييييت  لازم الهبل بتاعكم دا    والله انا خايف ادخل على الموقع دا  تانى الاقى الموقع  بقى موقع اباحى ولا حاجه  اه   ما الموقع دا شغال حسب الحاجه شكله كده  ماهو اصلا  شبكه المستعبطين اللكترونيه
  اللى ماتعرفلهم  بتوع ايه  فتنه ولا اباحه  ولا اى هبل وخلاص   ولا بيتاجروا فى السلاح ولا ايه   ناس واطيه  واطيه
لاتعرفلهم مله ولا دين  
منهم لله ربنا يخدهم جميعا
يارب انتقم منهم

السبت، 1 يناير، 2011

حداد


منهم لله


منهم لله بداؤا  السنه الجديده بالنار
ووجعوا  قلوبنا  وزرعوا فيها المرار
ناس  ماعندهمش لا دين ولا مله
عايزين يعملوا فتنه
بكره  نارهم تحرقهم
زيهم زى غيرهم
اللى حاولوا  يعملوا  فتنه  قبلهم 
ودم  ضحايا كنيسه القديسين بالاسكندريه
مش هيعمل فتنه
 لانه مش هيروح ببلاش
  ماهو الموضوع دا مش المفروض يعدى كدا ببلاش
لازم وقفه قويه ضد الارهاب
منهم لله   دول مش بنى ادمين دول شويه  كلاب
منهم لله
   


 

عام سعيد عليكم happy new year 2011




Follow by Email

Tetris