الأربعاء، 30 يونيو، 2010

الاعجاز العلمي لحصولي على البكالوريوس


                                      كريم وانا  
تخرجت من الجامعه زى اى واحد اتخرج او زى بعض الذين تخرجوا من الجامعات ونصحنى الناس ان اخذ كورسات لغه و كمبيوتر لان اى شغل هيطلب لغه وكمبيوتر بمناسبه او من غير مناسبه وهما عارفين انى لا اعرف  لغة ولا جيد جدا فى الكمبيوتر  فسرحت مع نفسى لكى اكتشف الاعجاز العلمى لتخرجى ف انا ادرس الانجليزى بقالى اكتر من عشر سنين ولا اعرف حاجه فى الانجليزى ايه الحلاوه ديه فسئلت نفسى كيف كنت انجح فى المدارس فى ماده اللغه الانجليزية فلم اعرف لسؤالى اجابه وفى نفس الوقت وقع نظرى على خبر عن امتحانات الثانوية العامة فى احدى الجرائد ان نسبه النجاح فى ماده اللغه الانجليزية للعينه العشوائيه 72% بالرغم من شكوى الطلاب من صعوبه الامتحان فسئلت نفسى هل كنت ضمن عينه عشوائيه اتصححت بعشوائيه فنجحت احتمال طب بالنسبه للجامعه صحيح كنت برسب احيانا فى ماده اللغة فى الجامعه بس بردوه فى الاخر نجحونى طب نجحت ازاى هل نجحت مثل مانجح زميلى فى اللجنه فى مادة الاقتصاد يمكن قبل ماتسئلو نجح ازاى زميلى فى مادة الاقتصاد اقولكم دخل اللجنه مثلنا فى يوم امتحان ماده الاقتصاد فى الترم الاول وقعد فى مكانه مثلنا وعندما استلم ورقه الاجابه اغلقها وسئل على نصف الوقت وقال للمراقب انا بكره الاقتصاد زى ما شعبان عبد الرحيم بيكره اسرائيل وبعد نصف الوقت سلم ورقته امامنا وهى فارغه ولم يضع فيها الا اسمه وعندما ظهرت النتيجة سئلته عملت ايه فى الاقتصاد فقالى نجح فظننت انه يكذب عليا انا شوفت هو عمل ايه يوم الامتحان فى اللجنه ازاى ينجح فذهبت اشوف نتيجته فرأيته ناجح قلت ممكن اكون غلط فى اسمه ولكن انتبهت للمفاجاه الكبرى لم يرسب احد فى لجنتى فى الاقتصاد فى الترم الاول اصلا ولكن زميلى بتاع الاقتصاد رسب فى الترم الثانى وعاد السنه وساعتها قلت لو كان ماذاكرش فى الترم التانى مش كان زمانه نجح زى الترم الاول مانجح فى الاقتصاد المهم نرجع للاعجاز بتاعى قلت عادى ماده كنت بنجح فيها من غير ما افهم فيها حاجه مش مشكله لكن لما عملت المدونه ديه كان اول نقد من اصحابى كثرة الاخطاء الاملائيه و الاعرابيه ولم اعرف ارد على هذا النقد لانى عارف انى لم اكن احب ماده اللغة العربية والنحو ولكن سئلت نفسى وكيف وانت فى مجتمع عربى يتكلم اللغه العربية وتتعلم فى مدارس عربيه وكنت بتنجح فيها ولا عمرك رسبت فى ماده العربى وانت لا تعرف تكتب عربى فقلت عادى ماهو ده الاعجاز بتاعى و لكنى اكتشفت اننى انا مش لوحدى عندما قراء كريم احد اصحابى فى احد المرات كلمه السلف الصالح بفتح السين قراءها هو بضم السين و ايضا فى حوار بينى وبينه فى الشات على الماسنجر كان عنده اخطاء املائيه كثيره هو كمان فكرنى بنفسى فى ماده اللغه الانجليزيه والعربيه و التاريخ والعلوم و اللغة الالمانية عندما درستها كماده لغه تانية فى الثانوية العامة والرياضيات عندما فشلت فى حساب قسمه مطوله وانا فى الجامعة بالرغم انى كنت بخدها فى الابتدائى الخ وقلت لنفسى ممكن ان تكون شلتنا هى شله بايظه ولكننا لم نتعرف على بعض الا فى الجامعة وكنا على هذا الحال ويقول البعض ان البايظين بيتلموا على بعض ممكن و لكن مانشر فى الجرائد ان شخص قدم طلب للوزير ليطلب منه ان يحصل على قرض وكتبها قرد هذا الشخص ليس من شلتنا ولم نتعرف عليه ويثبت اننا مش لوحدنا وفى النهايه لا اعرف هل تخرجى من الجامعة كان اعجاز منى ولا اعجاز من سياسه التعليم فى بلدنا التى عندما قررت ان تدرسلنا الكمبيوتر درسلتنا فى الثانويه العامه ويندوز 3/11 بعد ما انتهى الاستخدام بيه حيث كان المستخدم وقتها فى البيوت ومنتشر ويندوز 98 ولا احد يسمع عن ويندوز 3/11 الا من كان دفعتنا فى الثانويه العامة او متخصص فى التاريخ ولا احد استخدمه ولا حتى احنا وعندما درسنا الكمبيوتر فى الجامعه فى كلية التجارة درسنا كيف يعمل الكمبيوتر وليس كيف نشتغل عليه ولم نرى الكمبيوتر اساسا لنتخرج ونحن لا نعرف كيف نستخدمة ولكن لاشك ان تخرجى من الجامعة بعد سنين بدرس فيها انجليزى وعربى لا اعرف انجليزى اصلا ولا اعرف اكتب عربى هو فى حد ذاته انجاز يشبه الاعجاز من مين الله اعلم ممكن منى وممكن من النظام التعليمى فى بلدنا

بعد سنين دراسه اتخرجت من الجامعه امى
وكانى كنت بدرس ازاى اكون امى
بعد ما اتخرجت عايز امحى الامية
طب ازاى نجحت انا فى الثانوية
بلد بتاعت شهادات مضروبة صحيح
من غير تعليم وكله تهييس

الأحد، 20 يونيو، 2010

لا صحة ولا تعليم هو كاس العالم يا معلمين

ممكن عشان انا ماليش فى الكوره وما بحبش مشاهده المباريات  ماكنتش  سعيد باننى كل ما افتح قناه من القنوات الارضيه الاقيها  جايبه ماتش من ماتشات كاس العالم اللى بلدى مش مشاركه فيه اصلا ماعرفش لو كانت مشاركه فيه  كان الوضع هيبقى ايه ممكن ماكنش اتذاع  اساسا ولا ماتش  الا النهائى فقط  او اكون سعيد انه بيتذاع كاس العالم على الارضى ولاننى لست مشاهد للكوره سواء محلى او عالمى كان ماادهشنى فى اذاعه كاس العالم عندما قراءت ان التلفزيون المصرى دفع فى المباريات اللى بيذعها 22 مليون دولار لاننى طالما ما اشاهد الوزراء فى البرامج الحواريه يتسألون عندما نطالبهم بخدمات  يجيبه منين وهى كلمة  وزير الماليه عموما وافتكرت عندما قال وزير التضامن الاجتماعى انه عايز يلغى الدعم لانه لا يذهب  لمستحقيه ووزير الصحه عندما كان يريد الغاء العلاج على نفقه الدوله لانه لايذهب  لمستحقيه كلام جميل سيبك انت احلى حاجه ان مباريات كاس العالم وصلت لمستحقيها فى البيوت المهم وزير التعليم مش عارف يعمل ايه محتاج تمويل ووزير النقل يعمل ايه الهيئه بتخسر ومترو الانفاق بيخسر ازاى حاجه بتعتهم بيتصرفوا  ومحتاج فلوس كمان وبعد كل ده التلفزيون يدفع 22 مليون دولار ليه عشان الناس تتفرج على كاس العالم اللى احنا مش مشاركين فيه طب ده اسمه ايه وجابو فلوس منين سبحانه ويرزق ما يشاء فى واحد قالى هيجبوهم تانى من الاعلانات طب الفلوس ديه هتروح فين سبحانه ويرزق ما يشاء يالا هو مش الناس مبسوطه وبتتفرج على الماتش خلى الشعب يعيش وحسبى ربى ونعم الوكيل


لا صحه ولا تعليم هو كاس العالم يا معلمين
مين يعمل كده الا جماعه مهيسين
هنتفرج على كاس العالم ده على كل القنوات المحليه اجمعين
بالعافيه كده كاس العالم للجميع يالا قوله امين
حسبى ربى ونعم الوكيل قوله امين
امتى ينتهى عصر المهيسين



Follow by Email

Tetris