الثلاثاء، 11 مارس، 2014

نعملها ونلزقها لغيرنا



الصوره  ديه  اتشيرت  كتير على الفيسبوك  عن  قصه و احده اسمها خديجه طلبت  مهرها حفظ سوره الكهف  كامله بدون اخطاء.
حصل نقاشات  عديده  تطرح سؤال مهم ايه اهميه تشيير صوره وقصه  بالهبل دا فى  ناس ايدت  الفكره على اساس قصه حدثت مع الرسول عندما سئل واحد  مش فاكر اسمه  تزوجت  فاجاب  لا وليس عندى الامكانيه  فقال  الرسول  حافظ ايه   وتزوج بايه  والناس من القصه  بتايد الفكره على اساس ان اهم حاجه  الدين والراجل المتدين هيحافظ على مراته والراجل الواطى مش هيحافظ على مراته حتى  لو دفع فيها دم قلبه   وكلام الانشاء الجميل دا
 لكن  يمكن انا الموضوع بيختلف معايا نظرا لنفسى الاماره بالسوء بفكر فى الموضوع بطريقه اخرى فالموضوع دا بيطرح معايا مجموعه من التساؤلات  لحد امتى المتخلفون يفعلون  ما يتهمون الناس بيه  يعنى  ايه
يعنى الاقى شيوخ وناس بتصدقهم تصتنع قصص لناس بعدوا عن الدين او تركوه بسبب انهم حبوا واحده  وبعدها تلاقى اللى يحفظ سوره الكهف عشان يتزوج مش عشان يعمل بيها  ولا عشان دينه
زى زمان تلاقى شيوخ يقعدوا يرغوا ازاى المسيحيين بيعذبوا الناس اللى تترك المسيحيه وتدخل فى الاسلام  وتلاقى الشيوخ ديه  هى اكتر الناس اللى بتتكلم عن حكم المرتد
وتلاقى صيع تقعد تقول الكنائس فى اسلحه وكلام  هجص فى نفس الوقت اللى اكثر العمليات  الارهابيه فى العالم اصحابها ذات خلفيه اسلاميه
الى متى سنظل نزرع  الافيون فى العقول لحد امتى سنظل نتهم الاخر بما نفعل لحد امتى نعملها ونلزقها لغيرنا مش كفايه بقى
دا بالنسبه لنفسى الاماره بالسوء 
انما لو هنتكلم جد بقى 
مش كفايه بقى تشيير افلام حمضانه وقصص هبله  



هناك 9 تعليقات:

Carmen يقول...

انا بايد الموضوع ده بس لحد معين وبعدها بسال سؤال مهم .. هو مثلا لو واحد مش بيصلى اقوله ماتصومش بقى لان الرسول قال لا صيام لمن لا صلاة له ؟
طب مش يمكن وهو صايم يدعى ان ربنا يهديه ويستجيب له ويحافظ على صلاة وصوم بعد كده ؟
نفس الفكرة ممكن تطبق هنا مش يمكن ربنا يشرح صدره بحفظه السورة ؟ اى ان كان هدفه من البداية ؟
اللى برفضه بقى هو التجارة بحاجة زى دى سواء على الفيس بقى او البرامج
تحياتى العطرة :)

عمرو يسرى يقول...

اللى بيصوم ومش بيصلى او العكس هو مابيقفلش كل الابواب مع الله بيترك باب ربنا يهديه بيه انما هنا هو حفظ الايه عشان يتجوز مش عشان تكون باب يدخل لربنا بيه
وفى الاساس المواضيع ديه اصلا بتظهر للمتاجره بيها على الفيس والبرامج والمتاجره ديه بالذات بتقلل هيبه الدين والقران فى عقول ونفوس الناس

Finalway يقول...
أزال المؤلف هذا التعليق.
Finalway يقول...

قد اكون متحاملا نوعا ما على رجال الدين لانهم يملؤون العالم بقصص غريبة عجيبة بهدف نشر الاسلام و سببت ضرر اكثر من نفع ..

كقصص من نتفت حاجبها فاكتشفوا وجود شريان ملتصق بالحاجب فنزفت وماتت ..
او وحدة لبست بنطلون ضيق خنقها وماتت و دفنت فيه لانو التصق بلحمها وسوف تبعث يوم القيام يشهد عليها ..

اعتقد انهم يسطحون الدين بسوء نية و ليس بحسن نية و المؤسف ان البعض يصدق..

Finalway يقول...

قد اكون متحاملا نوعا ما على رجال الدين لانهم يملؤون العالم بقصص غريبة عجيبة بهدف نشر الاسلام و سببت ضرر اكثر من نفع ..

كقصص من نتفت حاجبها فاكتشفوا وجود شريان ملتصق بالحاجب فنزفت وماتت ..
او وحدة لبست بنطلون ضيق خنقها وماتت و دفنت فيه لانو التصق بلحمها وسوف تبعث يوم القيام يشهد عليها ..

اعتقد انهم يسطحون الدين بسوء نية و ليس بحسن نية و المؤسف ان البعض يصدق..

faroukfahmy يقول...

اشارك كارمن فى تعليقها

نايف الشهرى يقول...

أأيدك فيما كتبت
مشكور جدا
تحياتى

♥نبع الغرام♥♪≈ يقول...

كلامك صح اووووووووووووووووووووووووى

تحليل الشخصية يقول...

انا مؤيد لكي فى نقطه انه يجب ان يحفظة لنفسه
ولكن احب اسلط الضوء لو اخبرت المرأة انتى جميله فتكون جميلة

وهذا قد ينجح معي لو عاملنى احدهم علي انى حسن الخلق فلن اخيب ظنه
لذلك قد يكون مفيد ان يعاملنا الاخرين علي اننا محل ثقه وسوف نحافظ عليهم معنا

Follow by Email

Tetris