الأربعاء، 27 مارس، 2013

بدون عنوان 1

اثار سؤالى على الفيس بوك عن وجود ايه قرانيه بتاكد ما نسمعه من احاديث عن نجاسه الكلب وعدم دخول الملائكه بيتا فيه كلب تحفظ البعض من اصدقاء واخواتى  يمكن تحفظ اختى ماكنش على السؤال نفسه على قد ماكان انا بسئل مين فسؤال مثل هذا لا يسئل على الفيس للاصدقاء اللى مثلى ليس عندهم علم كافى بالاشياء فيجب عليا اسئل المختصين وابلغتنى عن قلها اتجاهى فهى ترى من الفيس بوك  رسائل جانبيه لجروبات الحاد  وتلاقينى انا اللى عامل عليها ليك غير ان سؤالى كان باين عليه انى معترض على الحديث والسنه ولكن انا بالفعل لم اعترض على السنه ولا انكرها ولكن ان كان الحديث لا يوجد له اصل فى القران يشير اليه او تستنبض منه صحه الحديث فكيف افرق بين الحديث وحكاوى سندباد. الله فى القران توعد انه هيحفظ القران بقوله تعالى  انا انزلنا الذكر واننا له لاحافظون  صدق الله العظيم ولكن لم يتوعد ان يحفظ السنه. قد اكون تطاولت عندما  تحفظ احد الاصدقاء عن سؤالى بقولى له اثبتلى كذب الحديث دا  عن عبد الله ابن عمر رضى الله عن ان رسول الله صلى الله عليه وسلم قال ان ثلاثه يدخلون الجنه بدون حساب شابا اسمه عمرو يسكن فى شبرا واخر يسكن فى العراق واخر يسكن فى دبى فسئله  ابو بكر وما السر فى هذا الاسم فاجاب انه اسما فيه البركه صدق رسول الله صلى الله عليه وسلم  وان كان انه لم يكن فى كتب السنه المطبوعه ننزله يا سيدى فى اخر طبعه  طبعا الحديث منطقيا تخاريف لكن اثبتلى ذلك هتقولى هو كان فى شبرا ايام الرسول  هقولك مصر ذكرت فى القران  هتيجى على شبرا والدنيا هتقف  وسئلته انت عارف ان فى العصر الاموى حكموا الناس بحديث واحد ضحك ومعرفش يرد لكن الموضوع مش انه معرفش يرد هو معرفش غيره هيعرف لكن كيف نعرف صحه الحديث ان لم يكن له اصل فى القران سئلنى احد اقاربى وهل عرفت ان صلاه الظهر اربع ركعات من القران بالفعل لم اعرف ان صلاه الظهر اربع ركعات من القران ولكن من القران عرفت ان فى صلاه اساسا  الطبيعى ان فى القران الاصل وفى السنه التفصيل فى القران فى صلاه وفى السنه كيفيتها فى القران صوم فى السنه كيفيته  انما مايكنش فى السنه الاصل ومافيش فى القران دليله  فلى القران  حرم اكل الخنزير  ووصف صوت الحمار بانه انكر الاصوات  فعندما اجد فى السنه مايوكد دا او يزيد ممكن اتقبله انما الاقى فى السنه نجاسه الكلب وعدم دخول الملائكه بيتنا فيه كلب   وفى القران مافيش حاجه  توكده   او قريبه من المعنى اصلا  طب ازاى اصدقه  مش انكار للسنه ولكن مش كل واحد يقولى على مزاجه ان دا سنه اصدق ان دا سنه  الرسول عليه الصلاه والسلام لم ينطق عن الهوى  لكن احنا انطقنا عن الهوى على لسانه   وكتب السنه مش الرسول اللى كتبها  ومهما كان اللى تداولها وكتبوها  ناسى محترمه ونقدرهم ولكن ليسوا رسل  ولا ملائكه

هناك 5 تعليقات:

faroukfahmy58 يقول...

اسألوا اهل الذكر ان كنتم لا تعلمون

شمس النهار يقول...

شوف ياريس

اكيد انت عارف ان في احاديث مدسوسه
ولكن جه فقهاء ونقحوا هذه الاحاديث
وفي كتب بها هذه الاحاديث اللي بيتقال عليها متفق عليها
وفي احاديث يقال عنها ضعيفه
نيجي بقا لموضوع الكلب
في سورة الكهف الكلب مادخلش الكهف كان قاعد بره
وارجع لتفسير سورة الكهف في اي حته
وبعدين ياسيدي هي جت علي الكلب
:))
عديها وخلاص انت كل شويه عامل مشكله كده :))

eng_semsem يقول...

للبحث عن الاحاديث الصحيحه هناك اهم 3 كتب البخاري ومسلم والترمذي والكتب تم مراجعتها ورؤية اصلها خوفا من دخول كلام غريب لم يصدر من الرسول وهناك احاديث اخرى ذكرت بانها ضعيفه
وهناك مبدأ اصيل في الفقه يقول
دع ما يريبك الى ما لا يريبك
تحياتي

islamaamr يقول...

موضوع جميل جدا تسلم الايادي

أبو مروان يقول...

اللي اعرفه ياباشا ان في كتب سنة معتمدة اتفق علماء المسلمين علي صحتها زي البخاري والمسلم وفي علم اسمه الجرح والتعديل وحاجة اسمها السند يعني ما ينفعش اي حد يقول حديث عن النبي صلي الله عليه وسلم إلا لما يقول رواه عن مين لحد ما يوصل للنبي صلي الله عليه وسلم ونرجع لعلم الجرح والتعديل ونعرف الرواه دوول من المعتمدين وصادقين ولا من الكاذبين وبكدة بيعرف العلماء الحديث الصحيح من الموضوع من الباطل ...

تقدر ترجع في الموضوع ده لو انت عايز ترجع طبعا لحد من الشيوخ إلا في شبرا وتسالهم ده وهما اكيد هيفيدوك اكثر ما تسيب نفسك لعقلك وفكرك إلا ممكن يحطك في سكة ما تصحش

انا مقصدش انك تمشي وراء الشيوخ وخلاص انا قصدي هما اكيد هيقولك الحكاية دي جاية ازاي ولو اقتنعت امش وراه مقتنعتش خليك زي ما تحب ...

Follow by Email

Tetris