السبت، 23 فبراير، 2013

اللعب بالدين فى دمنا من واحنا صغيريين


رجعتنى الشه على الفيس بوك بتقول" فاكر العيال اللى كانت تضربك ولما تيجى تضربها وتاخد شنطها تقولك حرام ديه فيها كتاب دين  دول لما كبروا طلعوا اخوان "  الى ايام زمان لقتنى بسترجع كل الالعب اللى الدين كان اساسى فيها وكل نكته واستهزاء كان بيكون الدين فيها من اول لما كنت تحب ترخم على واحد تبعتله رساله تقوله امنتك امانه ليوم الدين انك تبعت لا اله الا الله الى عشره اشخاص فاكريين الرساله كنا نبعتها لبعض ليس لغرض دينى بس اهى رخامه وتناحه وخلاص  افتكرت لما شيخ الجامع اللى جنبنا لما اشتكوا علشان ماعندوش ذوق وبيشغل ميكروفونات عاليه ويطول بشكل غبى  فبردوا طلع على المنبر بكل تناحه وقالك  طبعا عشان بنكلم فى الدين ماهو لو كنا بنشغل اغانى  نفس الشيخ دا لما بيكون مستعجل بيصلى بينا فى خمس دقائق واضح انه كشيخ فى نظر نفسه هو بس اللى بيكون عنده مشاغل مهمه  ربنا يحرقه يارب فضلت استرجع كم من الاستعلال للدين كنا بنعمله وبيعمله الناس حولنا لاهدافهم الشخصيه وامزجتهم  وفجاه لقيتنى بقول لنفسى وانت راجع بالزكريات كده ليه ماعندك الناس على الفيس بوك اكثر اسهزاء ولعب بالدين كل جروب عايز يتشهر او يجمع عدد ليكات كتير يقول اتراهنت انى اجمع مليون موحد كم ليك للفاتحه كم ليك لله هتكسل تنشرها يبقى الشيطان منعك الدين اصبح مسخره للاعبون  واللاهون  وبعد كده يقولك احنا شعب متدين بطبع   بلاوكسه احنا شعب بيلعب بالدين  بطبعه

هناك 3 تعليقات:

faroukfahmy58 يقول...

خلليهم يا عمرو يلعبوا زى ماهمه عاوزين مش هيلاقوا حد يلعب معاهم
الفاروق

محمد الجرايحى يقول...

الدين منذ الأزل وحتى يقضى الله تعالى أمراً كان مفعولاً ....
هو دستور حياة وسراج منير يهدى إلى الخير والسبيل القويم ، ومن جعل منه لعبة له أو قناعاً يرتديه يستر قبح وجهه.... جزاؤه عند الله وإذا أخذه لن يفلته

أبو مروان يقول...

عندك حق بس مش لازم التعميم مش كل اللي بيعمل كدة بيفكر زي حضرتك في ناس بتعمل كدة بنية صافية وبيبقي قصدها خير ...مش كله بيبقي بيلعب بالدين وبيتاجر بيه

لكن بخصوص الأمام بتاع الجامع اللي جمب بيتكم فده منه لله طبعا

Follow by Email

Tetris