السبت، 16 فبراير، 2013

انهم يهدمون الاسلام



من فتره لقيت فديو لطفله صغيره بيقال على لسانها انها كانت ميسيحيه واسلمت وبعض الناس والجروبات الظريفه  بتتناقله فى بغبغائيه على انه حدث عظيم وجايبين البنت الصغير وهى بتقول سالت مدرسه الدين عن معرفش ايه فقالتلى ماتسئليش فى الموضوع دا اكيد اللى سئلك مسلمين عايزين يضلوكى وكملت البنت كلامها انها عارفه انها لو رجعت للكنيسه هيضربها ويعذبوها وكلام هجص من دا كتير والفديو تلاقى ناس كتير فرحانين بيه  طب الناس اللى فرحانه اوى كده بالفديوه دا نجبلكم فديوهات لناس كانت مسلمه وذهبت للالحاد ونشوف شويه الارجوزات اللى قعدوا يقولوا نطبق حد الرده ونقتلهم نجبلهم بيوت البهائيين اللى اتحرقت زمان  طيب  يعنى انتوا عايزين ايه لا دخول احد فى دين اى دين يزيد الدين فى شئ  ولا خروج احد من دين  هينقص الدين فى شئ ولكن ما يهدم الاديان فساد رجال الدين وبغبغائيه اتباعهم  زمان وانا صغير كان بيدهشنى شئ غريب الاقى واحد قاعد يقولى المسيحين دينهم بيقول اذا صفعق احد على خد الايمن فاعطيه الايسر ويقعد يسخر ويضحك كنت عايز اقوله يا ابن الهابله ماهو دينك الاسلامى بيقول نفس المعنى فى اجزاء كتير مثل  وادفع بالتى هى احسن ولا كان لازم يجبلك نفس الكلام بالحرف عشان تتلم.
ولا موضوع فلسطين والمسجد الاقصى اللى اصبح يستغل على الاهواء مش عايز الناس تحتفل بعيد الحب مثلا تقولهم اتحتفلون والمسجد الاقصى اسير على اساس انه اسير اول امبارح  عايز تنجح فى الانتخابات على القدس رايحين شهداء بالملايين
انهم يهدمون  الاسلام  بتخلفهم واهوائهم عندما يدخلون الانتخابات ياستخدمون الايه التى تقول وَلَتَجِدَنَّ أَقْرَبَهُمْ مَوَدَّةً لِلَّذِينَ آمَنُوا الَّذِينَ قَالُوا إِنَّا نَصَارَى ذَلِكَ بِأَنَّ مِنْهُمْ قِسِّيسِينَ وَرُهْبَانًا
وعندما يكسبون الانتخابات يبرورن معارضهم بالايه التى تقول (وَلَنْ تَرْضَى عَنْكَ الْيَهُودُ وَلَا النَّصَارَى حَتَّى تَتَّبِعَ مِلَّتَهُمْ)
طيب انا كمسلم المفروض اشوفك ازاى ما هو يا انت متخلف يا دينك متناقض  بالرغم ان فى اعتقادى ان مافيش تناقض ولاحاجه  لان اى اختلاف بينك وبين صاحبك ممكن مترضاش عنه عن الاختلاف لكن فى نفس الوقت رغم الاختلاف فى كتير بيكون بينهم ائتلاف فلن يرضوا عنك الرضاء مائه فى المائه لانك مختلف عنهم لكن فى نفس الوقت هما اقرب ليك لانهم مشتركين معاك فى حاجات كتير جدا  لكن مين يفهم ومين يعقل .
عندما يكون  الدين على الاهواء  يسقط  قال ازاى تفصل الدين عن السياسه  فالدين كله سياسه  بداءت الشجارات  فى الجوامع  والتطاول على شيوخها وغدا ستحرق بعد تقسيمها جوامعنا وجوامعهم  فهم يسيرون بالدين الى السقوط

هناك 5 تعليقات:

محمد الجرايحى يقول...

سيدى الإسلام يعانى من جهل البعض من أبنائه أكثر من معانته من كيد أعدائه

faroukfahmy58 يقول...

الله يرحمه محمد عبده حين قال
رايت فى الخارج مسلمين بغير اسلام ورايت فى بلادى مسلمين بدون اسلام

الــحــــنـــــــــــــــــــين يقول...

العيب على الناقل والمنقول اليه كله بيكدب يكدب لد ما الكدبه تتصدق زى حاجات كتير فى مصر كدب وللاسف بتتصدق او بمعنى اصح بقت حقيقه مسلم بيها مع انها كدب فى الاصل ربنا يسترها

شمس النهار يقول...

اعداء الاسلام لو عايزين يحاربوا الاسلام ويشوهوه مش هيبقوا متفنين زي الناس دي
وموضوع اللي اسلم واللي مااسلمش ده تخلف
مصر فيها كل انواع الشيعه والامازيجين والبهائين والملحدين وعلي كل لون

بلاش
مصر فيها مسلمين بيصلوا غلط اصلا
وفيها ناس مابتصليش علشان مابيعرفوش
التدوينه دي تطير الدماغ اصلا
:)

tiger man يقول...

والله ياعمرو ياخويا اخر ماهاقوله لك اتبع دينك ثم سنه سيدنا محمد صلي الله عليه وسلم ثم قلبك وابعد عن اي حاجه ممكن تشكك في عقيدتك واسلامك

Follow by Email

Tetris