الخميس، 14 فبراير، 2013

عيد الحب





دائما فى عيد الحب يكثر النقاش والجدال فى ناس تقول للمسلم عيدان فطر واضحى  وبالسلامه يا خويا  وناس تقولك واحنا محتاجين العيد دا فى ايه وناس تقول دا بدعه وكل بدعه ضلال وكل ضلاله فى النار وناس تقول دا تقليد للغرب مالوش لازمه  وبصرف النظر عن كل دا يظل عيد الحب منبوذا من بعض مايطلقون على انفسهم  رجال دين وبعض من الناس  لارتباطه فى اذهانهم بالمراهقين وشغل الدباديب وهدايه الاحبه يمكن ديه المشكله اننا وضعنا الحب فى صندوق ضيق اسمه حب الحبيب للحبيه ايام المراهقه بالرغم ان الحب المفروض انه يكون اشمل من كده وبصرف النظر عن القصه التاريخيه القديمه المسببه لعيد الحب نحن الان اصبحنا نحتاج الى عيد حب ولو ليوم يوم نحس اننا بنحب بعض ننحى فيه صراعاتنا اللى بينا وبين بعض نغير بيها شكل مجتمعنا فى نظرنا نصحح مفهوم الحب الذى هو اشمل من حب المراهقين فقط  فى الفتره الماضيه عندما ظهرت اغنيه عشان لازم نكون مع بعض  عندما حرفها بعض الشباب وجعلها بنعض فى بعض صدقنا الثانيه اكتر لاننا فعلا بنعض فى بعض وخصوصا واحنا فى ظل الصرعات الاجتماعيه والسياسيه الحاليه ولذلك اصبحنا مجتمع يحتاج لمناسبه يفتعلها هو لكى يحب يحب بلده يحب مجتمعه يحب اهله يحب صحابه يحب  زوجته فى زمن اصبحنا فيه  لدينا اسباب كثيره نكره بيها بعض ومافيش سبب واحد عشان نحب بعض ولذلك اصبحنا نحتاج لعيد الحبعشان نرجع نحب بعض ولو ليوم واحد
كل سنه وانتم طيبين
وعيد سعيد عليكم   

هناك 3 تعليقات:

شمس النهار يقول...

كل سنه وانتي طيب

وحب ايه اللي انت جاي تقول عليه :))

شيرين سامي يقول...

كل سنة و إنت طيب :)

ريـــمـــاس يقول...

صباح الغاردينيا
الحب إحساس جميل لايقتصر على الرجل والأنثى
بل يشمل كل مافي الوجود ..
كل عام والحب يطوق قلبك وأيامك "
؛؛
؛
لروحك عبق الغاردينيا
كانت هنا
Reemaas❤

Follow by Email

Tetris