الثلاثاء، 22 يناير، 2013

انا جرجس




فى الشغل امبارح زميلنا جرجس  كان بيحكلنا ان يوم الاحد  لما حصل فى المترو مشكله قعدوا فى المترو اكثر من ساعه عشان المترو وقف بيهم بين المحطتين فسئله زملينا  طب ماممكن تفتحوا الابواب يدوى فرد وقال عارف بس مافيش حد عملها فسئلناه طب ماعملتهاش انت ليه هنا كانت اجابته مضحكه  لكن تتطرح سؤال مهم هل هنصل للموقف دا فعلا كانت اجابته انا جرجس  يعنى ممكن البس كل القضايا اللى فاتت  ضحكنا وهو اصلا كان قالها وهو بيضحك لكن  الموقف بيطرح سؤال هل بالفعل ممكن نصل الى هذه المرحله ان المسيحى يخاف يعمل اى تصرف ليحتسب عليه لانه مسيحى  فقط  طب ايه اللى جعله يقول هذا الافيه  عشان اتقال ان اللى انتخب شفيق مسيحين واللى قال  لا للدستور مسيحين واللى كانوا عند الاتحاديه مسيحين  واى معارض فى ظل حكومه الاخوان والتيار الاسلامى بيكون فى نظرهم مسيحى مين السبب فى خروج هذا الافيه انا جرجس يعنى البس كل القضايا  للدرجه ديه ممكن فى يوم نوصل لكده 
وهو دا كده ينفع 
 ربنا يستر

هناك 3 تعليقات:

مصطفى سيف الدين يقول...

نسيت كمان سواق القطر اللي اتقلب مسيحي
و سواق اتوبيس اسيوط هيطلع مسيحي
و كل مصيبة هيطلع وراها مسيحي
و عجبي

faroukfahmy58 يقول...

انا اتعجب واتأفف
هوه المسيحى يا ناس مش مصرى وحتى لو كان يهودى فهو يحمل جنسية انه انسان
ماذا جرى لينا والى اين الخلاص

Asmaa Fathy يقول...

هذه الأيام كله بيخون كله
والجميع يلقون بالتهم علي الجميع
بقينى بنترجم كل تصرفات الآخرين علي انها عماله وخيانه وممولين ومتأمرين وووو
بجد الطريق اللي ماشيه فيه البلد طريق مسدود هتتصدم بالويل اللي هتقابله فيه
فعلا ربنا يستر لان لو ربنا مش وقف معانا يبقى الامل الوحدي اللي فاضلنا ضاع

تحياتي
Asmaa Fathy

Follow by Email

Tetris