الثلاثاء، 13 نوفمبر، 2012

شطحات منيله



تردد كثيرا قبل كتابه هذا البوست   مش عارف ليه يمكن عشان ماينفعش يكتب  يمكن يمكن لان اللى هيقراءه هيتهمنى باننى جننت او الحد  يمكن الحكايه انى لما كنت بقلب فى منتندى الملحدين العرب كنت بشوف اللى يتكلم عن نظريه الصدفه او الطبيعه او اى نظريه من النظريات اللى كان بيثرها الماديين  واللى ياما علماء  ردوا عليها  فكان الامر عادى لكن بعد  متابعه بعد صفحات الملحدين على الفيس  بلاقى ان الفكر الالحادى اختلف مابقاش النظريات القديمه بقى كفايه انه ينتقد المساخر اللى بيقولها بعض من اطلقوا على انفسهم شيوخ وتابعهم بعض الناس  ولما بتظهر اساءات عن الرسول بتبقى اصلا جايه من كلام بعض من اللذين اطلقوا على نفسهم شيوخ  من كلام عن سن السيده عائشه الى احاديث بول الرسول  الى الى  حاجات كتير فى صلاه الجمعه الماضيه الشيخ  قعد يتكلم ساعه عن المجادله وقعد يقول لاتجادل وان كنت على حق ومش فاهم يعنى ايه ولو كنت على حق ديه  يعنى نسكت وهما يتكلموا ولا ايه  بس عديتها  وبعد ماصدع دماغنا بيجى اكتر من نصف ساعه  لا تجادل  وان كنت على حق دخل على موضوع تانى  ان معرفش مين اللى عاش فى بيت الرسول  كان بيقول ان الرسول مماكنش بيقول اف  ولا بيقول روحت فين ولا جيت منين  كلام جميل بس الغريب انه كان لسه قايل حديث معاذ اللى سئل الرسول فيه هل سنحاسب على ما نقوله  فالرسول رد وقال بدايه الكلام كده ثكلتك امك يا معاذ  معرفش لقيتنى بشطح وبسئل الرسول ماكنش بيقول اف لكن كان بيقول ثكلتك امك  ازاى وان كان بعض الناس بتقول ان كلمه ثكلتك امك كلمه عاديه ليست اساءه ولا دعاء ولكن كانت كلمه داركه فى عصره يقولها الكبار والصغار والاطفال لابائهم عادى بس معرفش ليه لقيتها ثقيله  والمتعارف عليه ان الرسول لا ينطق عن الهوى والحديث من غير ثكلتك امك  ماهو ماشى عادى والمعنى واصل بردوا وان كان الرسول قالها لانها كانت داركه فى عصره  على كده لو كان فى عصرنا كان قاله احا  ولا شخرله  بقى ماهو  عادى  بقى كل رسول بينطق بلسان عصره  واتذكر  ايضا حديث قاله لى احد اصدقائى  وقال انه سمعه من شيخ عن  الرسول فيما معنى ان الرسول دخل مسجد فرى رجلا نائم على بطنه  فقام اداله  برجله وقاله  ديه نومه اهل النار  ايه الرسول دا شويه شويه  هتقولى ان الرسول  دخل عليه فلانا  فقاله معرفش ايه  فقام مطلعله الموس او المطوه ما خلاص بقى ماهو الرسول بشر زينا  ومش بعيد يكون كان بيجامل فى الافراح بسجاير وحشيش  ما خلاص بقى ما هاصت  ودا اللى كان دارك فى عصره   وياحلاه يا اولاد وكله ماشى  عارف ان اللى بقوله دا قله ادب وتطاول  لكن بقوله عشان اخرجه من دماغى واخلص  وكتير من الملحدين  تلاقيهم فى نفس الوضع لما ينتقدوا اقوال الشيوخ بيسئوا الى الرسول او الدين بدون قصد  او بقصد  بل ان فى صفح اسمها ؟هل ترضاهه لاخوك"  بتحاول تنتقد افعال الناس وكلامهم فى احداث التحرش وفكرهم اللى بيتهم البنت انها السبب فياخذون الكلام يعكسونه على الرجال حتى الاحاديث التى يستغلونها اصحاب الفكر الاخر والنتيجه الصفحه صفحه تحريف قران واحاديث وهى اصلا بتسخر من فكر معين وليس من الدين وصفحات كتير الحاديه او غير الحاديه   لان تخاريف  بعض الشيوخ هى اللى بتسئ الى الرسول والدين وهى اللى بتجعل الناس سواء هنا او فى الغرب  تسئ الى الرسول والى الاسلام  الناس تاكدت من تحريف التوراء لما لقوا انها مطلعه الرسل  واحد زنى والتانى سرق والثالث سكران وغيرهم  طب لما الشيوخ تقول ماعرفش مين شرب بول الرسول  والرسول كان بيدى بالرجل ويقول ثكلتك امك وكان معرفش بيعمل ايه طب الناس هتقول ايه عن الدين اللى بشكل دا  وكل  دا عن الرسول اللى لما عبث  لما جائه الاعمى نزلت  سوره  عشان تنبه   للا سف  شيوخنا الكرام  اسهل وسيله  لتحويل الناس الى ملحدين   فالالحاد اليوم اصبح نسبه قليله من الالحاد السابق  اللى كان التفكير بالنظريات  سواء بقى الصدفه ولا التطور وغيرهم اللى بيترد عليها  الى الحاد بسبب اقوال الشيوخ واحاديثهم  والحل بالفعل هو القراءه  فى كتب السابقون واستفتاء القلب   لكن بيظهر بعض الشيوخ يتهمك انك  بتاخذ دينك من الاسرائليات  وكأنهم هما فقط اللى بيعرفوا يفرقوا بين الدين الصحيح والاسرائليات  والاحاديث الضعيه والقويه وكأنهم مولدين  رسل  ولذلك بعتبر اغلب الشيوخ  كهنه   واغلب القنوات الدينيه قنوات ضلال  وكثير من شيوخ المساجد لا يصلحوا  
  انتهى
 وطبعا بعد البوست المنيل دا لازم انهى كلامى بتجديد اسلامى  بنطق الشهاده  اشهد ان لا اله الا الله وان محمد رسول الله

هناك 4 تعليقات:

14111988yy يقول...

بجد ربنا يهديك وينور ايمانك
عمرو انتا لازم تقرا قراءن وتفهم معاني كل كلمه +قراءه الاحديث ومعرفه السيره النبويه
عمرو انتا لازم لما تنطق اسم الرسول تقول(صلي الله عليه وسلم)
لان من بخل البخلاء من سمع اسم الرسول ولم يصلي عليه (صلي الله عليه وسلم) عمرو خاف الله ربنا يستر عليك من غضب الله و المسلمين
tiger man

14111988yy يقول...

بجد ربنا يهديك وينور ايمانك
عمرو انتا لازم تقرا قراءن وتفهم معاني كل كلمه +قراءه الاحديث ومعرفه السيره النبويه
عمرو انتا لازم لما تنطق اسم الرسول تقول(صلي الله عليه وسلم)
لان من بخل البخلاء من سمع اسم الرسول ولم يصلي عليه (صلي الله عليه وسلم) عمرو خاف الله ربنا يستر عليك من غضب الله و المسلمين
tiger man

مصطفى سيف الدين يقول...

للأسف في من الشيوخ ما هو خطر على الإسلام أكثر من مليون موقع زي الملحدين العرب
بصراحة أنا زرت زمان موقع للالحاد و هالني كمية التطاول على الله و رسوله و تمنيت من زمان حد من الشيوخ المحترمين يناظرهم و ينور عقولهم لكن دايما الكل متجاهلهم و في الآخر بعض الشيوخ سابوا رسالتهم الحقيقية و بيدوروا على مطامع سياسية
يمكن لحد ما ظهر الشيخ أسامة الأزهري و هو من علماء الأزهر و أنشأ صفحة بتناقش كل المتشكك في أمور دينه و بتريح قلبه
https://www.facebook.com/OfficeofAlAzharmessage?fref=ts
يا عمرو احنا محتاجين المسلم اللي له عقل مستنير لكن العديد من الشيوخ عايزين يصنعوا مسلم بلا عقل يقودوه إلى ما شاءوا
تحياتي

شمس النهار يقول...

عجبني تعليق دكتور مصطفي جدااااااا

للأسف الشيوخ دول بيوصلوا للبسطاء من الناس
وتلاقي الاسلام اللي نهي عن التنابذ وصلهم ان عادي انه يشتم
وبدل ثكلتك امك القديمه دي
تبقا مثيلتها بروح العصر
واعتقد انك شوفت الفيديو اللي وجدي غنيم بيشتم فيه بالفاظ يعاقب عليها القانون
هل الرسول اللي ادبه ربه فااحسن تأديبه هيضرب رجل برجله!!
دي عالم ربنا يتولاهم برحمته

الازهر لازم يشد حيله معانا شويه

وعلي فكره اغلب مواقع الالحاد دي بتبقا يهود
والمفروض ان الشيوخ بتوع الازهر يتصدوا لها
وننقذ شبابنا

Follow by Email

Tetris