الخميس، 25 أكتوبر، 2012

العيديه من المليم والتعريفه الى ال200 جنيه

كل سنه وانتم طيبين  وعيد سعيد عليكم  

الواحد عايز يديكم عيديه بس مش عارف يديكو كام  ماهو اصل العيديات  بتختلف زمان لما  كان الواحد ياخد المليم 
كان بيشهيصوا  المليم دا بلغه العصر  كان يقدر يروح يجيب نابوت الغفير والنداغه  ويمكن يعزم اصحابه كمان  ولا اللى كان ياخد نكله او 2 مليم  كان يبقى سلطان زمانه
 

ولا اللى ياخد تعريفه او الخمسه مليم   ياسلام  دا كده يبقى امه داعيه له  دا كان  ممكن يعزم اصحابه على سينما كمان


 بس تمر الايام والاسعار تختلف  ونابوت الغفير والنداغه  يبقوا بقرش    لدرجه ان العشر مليمات نفسها ماكنتش بتعمل حاجه   ولا حتى  تدخل سينما  بالرغم ان الواحد كان بيدخلها بتعريفه  دنيا


ويبقى امه داعيه له اللى ياخد عديه شلن  او بريزه كان ممكن يتفشخر على اصحابه سنه 




وتمر الايام  ويبقى محتاج عشان تعيد مش الاقل من جنيه    صحيح  وخلاص بقى مبقاش فيه لا نابوت الغفير ولا النداغه     وبداء يطلع نظام البمب والصواريخ  لحد ما بقى العيد  عيد حرب مش عيد  عادى بمب وصاوريخ  والعاب ناريه  الى ان دخل المتوسكلات  وموضات العصر دا  اللى بقى عشان الواحد يعيد محتاج مش اقل من 200 جنيه 

مابقاش  نافع خالص لا الريال  اللى غنت له فيروز اللى كان بدولار  ولا حتى الربع جنيه 



الواحد مش عارف بعد كده هيدى اولاده كام لما دلوقتى بقينا نديهم 200 جنيه  الله يرحم زمان لما كان الموظف بيقبض 3 جنيه  ومش اى موظف اللى معاه البكالوريه  دنيا دلوقتى  الشاب مابيعيدش باقل 200 جنيه 
على العموم  كل واحد ياخد العيديه اللى تعجبه 
كل سنه وانتم طيبين 
عيد سعيد عليكم

هناك 7 تعليقات:

محمود(باحث عن حب) يقول...

كل سنه وانت بخير وسعاده يا عمرو
يارب يسعد ايامك

eng_semsem يقول...

كل سنه وانت طيب وعيد سعيد عليك وعلى الاسره والمهم نعيد ونفرح مش مهم كام العيديه

mrmr يقول...

كل سنه وانت طيب يا عمرو
انا اخدت نصيبى محبه
يكفينى ذلك
ربنا يفرح قلبك

كريمة سندي يقول...

كل عام وأنت بخير

ريـــمـــاس يقول...

مساء الغاردينيا أستاذ عمرو
تغيرت الدنيا ولكن لن تتغير قلوبنا
عيديتنا وجودك معنا :)
كل عام وأنت بخير وسعادة "
؛؛
؛
لروحك عبق الغاردينيا
كانت هنا
Reemaas

العاب يقول...

كل عام وانت بخير

محمد الجرايحى يقول...

أخى الكريم : بهاء
كل عام وأنت بخير وعيد سعيد
وأحييك على الطرح المتميز والذى أعاد الذكريات إلى الأذهان وكان ياما كان ....

Follow by Email

Tetris