السبت، 13 أكتوبر، 2012

ونجحوا الصهاينه المتأسلمين

نجح الصهاينه المتأسلمين فى تحويل جمعه كشف حساب ال 100 يوم  لمرسى والاخوان  الى جمعه تطهير  القضاء  والنائب العام  الكل دلوقتى بيتكلم اما معارض او مؤيد  للنائب العام والقضاء  او مؤيد او معارض لقرارات  خبيتها سياده الرئيس اللى مش عارف  ياخد قرار ويكمله للاخر  وتناسينا ان الى الان لم يرد احد من الصهاينه المتاسلمين والرئيس مرسى ماذا فعلوا فى ال100 يوم   غير طبعا الحركه الفكسانه  بتاعه الافراج عن معتقلى الثوره اللى عاملها مرسى لحفظ ماء وجهه بعد مرور ال 100 يوم   والخروج الامن للمجلس العسكرى اللى الاخوان عاملينه انجاز انه ازاحه المجلس جانبا مش عارف ايه هو الانجاز فى كده   ماذا فعل مرسى خلال ال 100 يوم  ولا اى حاجه البلد هى هى  نفس الاحوال لا بس ماشاء الله  جعل الناس تنسى  ان مافيش لحد دلوقتى  مجلس شعب  للدوله لا وكمان اقنعهم بان مش وقته انتخاب مجلس شعب  اساسا   عشان الازمات الماليه 

ولما حب يقلب الطرابيزه   على من يعارضه فى جمعه امس  نزل لهم البلطجيه  فى الميدان وخد بعضه وراح اسكندريه  ايه اهميه وجوده فى اسكندريه  يوم الجمعه دا ياترى بيصلى هناك  مافيش اماكن فى جوامع القاهره ولا حاجه   استعباط فى استعباط   والصهاينه المتاسلمين قاعدين هنا بيكدبوا مش عارف علينا ولا على انفسهم  اللى يطلع يقولك الاخوان ماكنوش فى التحرير واللى يطلع يقولك كان معادهم  هناك الساعه خمسه.
 وهما اصلا موجودين هناك من يوم يوم الخميس  يكمموا اى صوت يهتف ضد مرسى او الاخوان  وتحويل الهتافات الى هتافات تطهير القضاء  وهتافات ضد النائب العام    وللاسف بعد معركه  الخرفان اللى عاملها الاخوان الصهاينه  احفاد ابليس  نجحوا والكلام بقى كله على القضاء والنائب العام  بالرغم من ان لما المتهمين بقتل المتظاهرين  اخدوا براءه قبل كده كان الهتاف ضد المجلس العسكرى دلوقتى بعد لما بقيت السلطه فى ايد الاخوان لما المتهمين فى موقعه الجمل اخدوا البراءه  مش عايزنا نهتف ضد الاخوان ولا مرسى   مازالنا فى حاله الكيل بمكيالين  وسط الاعيب خسيسه 
بس بصراحه كان عاجبنى الاعلام بتاع الاخوان فكرنى بذكريات  اعلام الوطنى  

هناك 3 تعليقات:

الازهرى يقول...

اهدى

الرز بيستوى

شمس النهار يقول...

ان الله غالب علي امره

وان غدا لناظره قريب

وماتعلمش بكره هيجري ايه

بس القضاه طرقعوا له :))

♥ ♥ Amira Samy ♥ ♥ يقول...

ِيفاكى متحامله اووووى على الاخوان

و الرئيس مرسى

أرجوا منك التأنى و الحكم بعدل

و عدم التصرف نتيجه عداء او كره سابق

للأخوان

تحياتى لك

أميرة

Follow by Email

Tetris