الجمعة، 28 سبتمبر، 2012

احنا مجتمع متدين بطبعه

احنا  مجتمع متدين بطبعه 
 فينا المرتشى المثالى اللى بيرتشى عشان المرتب مش مكفى  لكنه بضمير عالى  مرتشى عنده مبداء و اخلاق  مرتشى متدين بطبع

وفينا الحرامى اللى بيسرق عشان ياكل  ويصعب على الناس والناس المتدينه  بطبعها تصرخ وتقول  بتحاسبوا الحرامى الصغير وسايبين الحرامى الكبير  طب دا الحرامى الصغير حرامى مثالى  حرامى  متدين بطبعه
فينا المتحرش المثالى  اللى بيتحرش بالمنحلين بس اللى هما بردوه منحلين متديين بطبعهم زى ماهو متحرش متدين بطبعه
وفينا المتدينين بطبعهم  فى المترو يستغربوا ويندهشوا من  السيدات  اللى راكبين العربيه العاديه وسايبين عربيه السيدات   ومابيستغربوش من الرجاله اللى راكبين فى عربيات السيدات   وكله متدين بطبعه
فينا المتدين بطبعه اللى بيستنكر من   سيده مش عاجبها ان راجل كبير عايز يركب فى عربيه السيدات  ويقعد يقول دا راجل كبير لازم يكون فيه  استثناء   مع ان الراجل الكبير  الحيوان هو اللى غلطان بس احنا مجتمع متدين بطبعه بيحترم الصيع لما يكبروا فى السن لانهم كصيع متدينين بطبعهم
وفينا  اللى يحلل كل قذر لانه بردوه متدين بطبعه
وعشان احنا متدينين بطبعنا بقى كتير من قنوات اللى بيقولوا عليها دينيه بتكلم فى السياسه وهيكلموا ليه فى الدين ان كنا مجتمع متدين بطبعه
احنا مجتمع متدين بطبعه بيحب يسمع الشيوخ اللى بتشتم وتسب فى الفنانين او غيرهم  امثال  وجدى غنيم  وعبدالله بدر   يعنى لو اعتبرنا ان دول شيوخ   لان واضح ان الشتيمه بطبعها متدينه
احنا مجتمع متدين بطبعه  ندخل على المواقع الابيحه نتفرج ونستمتع وبعدين نستنكر ونشجب ونشتم ابطالها   واللى رافعين محتوها وبعدين  نذكر اللى رافعين محتوها بالنار وجهنم لان واضح ان المواقع الابيحه متدينه بطبعها
بصراحه احنا شعب بنستعبط بطبعنا  
احنا مجتمع عاملين عبط بطبعنا 

هناك 5 تعليقات:

;كارولين فاروق يقول...

انت فكرتني باللي بيشتم الهام شاهين
ويذكر لها مشاهد في افلامها بعينها
وبعدين اقول ايه بيني وبين نفسي
طب ما انت بتتفرج اهو
وبعدين تشتمها
بلد مليئه بالتناقضات
موضوع جميله بجد جدا
تحياتي

محمد الجرايحى يقول...

ومع كل الأسف هذه هى الحقيقة المؤلمة

AHMED SAMIR يقول...

احنا مجتمع عنده انفصام في الشخصية
انفصام هو نتيجة طبيعية تماما ل ٦٠ سنة من حكم العسكر

كريمة سندي يقول...

الحكومات كان لها الأثر الكبر في انفصامنا

مصطفى سيف الدين يقول...

كلامك صح و جاب من الآخر

Follow by Email

Tetris