الثلاثاء، 17 يوليو، 2012

الصدفه الغريبه


نفسى اعرف تفسير للصدفه   وتكررها  يعنى ايه واحد صاحبى  دائما يحكيلى ان كل ما يتعرف على حد فى غرف الشات بتاع الياهو  يطلع جاره   وكتير لما يتعرف على ناس يطلعوا يعرفوا حد يعرفه   صحيح الدنيا ضيقه  بس تكررها بيكون غريب   انا حصلت معايا   صدفه اتكررت كتير مش فاهم حصلت معايا ليه  فى يوم من ثلاثه سنين  خطر على بالى دكتور مصطفى محمود  بحثت عنه على الانترنت كان يومها يوم ما توفى   صدفه  عاديه بتحصل  تمر الايام واقلب فى النت عن ورده الجزائريه  اقراء خبر وفاتها ولم تكن توفيت  تانى يوم  يتنشر خبر وفاتها صباح اليوم   عادى صدفه   امبارح اكتب بوست عن   حاله واحد بيموت  اصحى الصبح على خبر وفاه واحد قريبنا    ايه  حكايه الصدفه ديه مش فاهمها الموضوع كده خرج من دائره الصدفه  الواحد ممكن يحصل معاه صدفه بالشكل دا مره  واحده مثلا زى زميلتى فى الشغل مثلا اللى خطر على بالها الفنان يوسف داود تانى يوم مات  صدفه مكررتش تانى  او حتى لو اتكررت تتكرر مره تانيه انما معايا كده اوفر يعنى  ليه كده تتكرر بالشكل دا وليه فى الموت بالذات  وماذا تعنى تكرار هذه الصدفه  يا ترى ايه التفسير وماذا تعنى هذه الصدف  ربنا يستر    ياريت كانت الصدف اللى بتحصلى كانت زى صاحبى اللى بيتعرف على جيرانه من خلال الياهو صدفه   مش الصدف بتاعتى ديه كفايه كده صدف من النوع دا كفايه 

هناك 7 تعليقات:

غير معرف يقول...

said for yourself and ur colleague
it's over
its over
over ;'(

الازهرى يقول...

عموره حبيبي
مهما تلاقينى غبت

أبوس إيدك بلاش تدور على

أنا هأظهر فى يوم ما
فى حالة ما

بس سيبنى لما أظهر من نفسى

ريـــمـــاس يقول...

صباح الغاردينيا عمرو
وانا كمان مع الازهري لو غبت اوعى تفتكرني ابداً والله لسى عاوزة اعيش ":)
بهزر معاك طبعاً بجد ياعمرو سبحان الله بتحصل صدف زي دي وماتعرفش ايه تفسيرها ماتخافش انت بس بطل تدور على حد عشان ماتتعبش بس هههههه"
؛؛
؛
لروحك عبق الغاردينيا
كانت هنا
reemaas

مصطفى سيف الدين يقول...

سيبك منهم
يا ريت تفتكرني و اخطر على بالك دايما :)
بركاتك يا شيخ عمرو
واضح انك ولي :)

re7ab.sale7 يقول...

هههههههههههههههه
وانا أؤيد دكتور مصطفي وبشدة
يظهر اننا متفقين الايام دي كتير سوا يا مصطفي يا خوفي الا نموت انا وانت ف يوم واحد وساعتها المدونين يحتاروا يروحوا يعزوا ف مين بس اكيد هيجوا عندي لاني اسهل ف الموصلات من قنا ههههههه

أحمد أحمد صالح يقول...

بصراحة يا عمرو موضوع الصدف اللي كلها مرتبطة بالموت دي تخوف !!
...لا بجد بقي يا عمرو ما تخليش الموضوع ده يتحول لهاجس يقلقك و يشغلك طول الوقت،انت نفسك بتقول صدفة،و في النهاية كل حاجة بإيد ربنا..
ألا يا عمرو..سؤال أخوي كدة، انت علقت عندي امبارح..انت كنت ناوي تيجي و تعلق ولا كانت صدفة؟ أرجوك يا صاحبي عاوز الصدق عشان لو كانت صدفة أعمل حسابي و أشتري الكفن !!
هههههههههههه
..

غير معرف يقول...

هو أنا ممكن افضفض عندكوا عادي يعني ولا أجي أعلق فقط لاغير ؟؟؟؟
مستعجلين علي الاجابة لو سمحتم :p

Follow by Email

Tetris