الجمعة، 13 يوليو، 2012

نتائج عبر التليفون


بيستفزنى الاعلان على معرفه نتائج الثانويه العامه  او اى نتائج عموما  بالتليفون وعشان تعرف نتيجتك اتصل بالرقم  الفلانى  والدقيقه بجنيه ونصف  بالرغم انها قد تكون مفيده انك بدل ماتنزل  وتروح تشوف  النتيجه  تتصل  بالرقم وتعرف  فهى خدمه اضافيه  تخدم الطلاب وتسهل عليهم  مش عارف مابيعجبنيش الاعلان ليه يمكن لانى عارف انها تجاره  وانهم مش عاملينها  لتسهيل على الطلبه معرفه نتائجهم   وخلاص   يعنى احترم اللى عاملين الخدمه ديه لو النتيجه ظهرت فى المدارس فى نفس وقت ظهورها على  التليفونات   اللى عايز يشوفها فى المدرسه  ينزل يشوفها  واللى عايز يعرفها بالتليفون يعرفها  تظهر فى الاثنين فى نفس الوقت   مش بعدها بيومين او اكثر  زى مكان بيحصل على ايامنا فى المدارس والجامعات   ايام ما النظام  القديم كان مخلينا اى نفس ناخده ندفع عليه   لدرجه انه جعل  احمد ذكى بدر وزير تعليم  بعد ما خلص على جامعه عين شمس وماعملش حاجه الا لما تدفع عليها فلوس  حتى النتيجه  عبر النت كان عاملها بفلوس  ماهو كان كلب فلوس بس نفد بعد الثوره وماحدش قاله  هتتحاسب على افعالك   وفلت   يمكن  الخلفيه السابقه عن التجاره بنتيجه الطلاب هى اللى بتضايقنى لما اشوف اعلانات الخدمه ديه بعد الثوره اتمنى انها بعد الثوره تكون خدمه اضافيه عملاها الوزاره وليس تجاره عملاها الوزاره كما كان يحدث  كفايه متاجره  بينا وباولادنا    يعنى  زمان كان يتجاروا بينا  وبنتائجنا   ويقولوا اللى مش عاجبه النتيجه  ينتظر لما النتيجه تنزل فى المدارس يعنى  هنستغلك ولو مش عاجبك تسلح بالبرود  حاجه كانت مسخره واعتقد انها مازالت مسخره  ياترى  بعد الثوره  الوضع اتغير ولا لسه و متى ستتحول من تجاره الى خدمه 
انتهى

هناك 3 تعليقات:

الازهرى يقول...

أنا بقى إن شاء الله هأمسكوزارة التدوين
وهأخلى كل تدوينة تتنشر يدفع عليها فلوس


إيه رأيك ؟؟؟؟

عمرو يسرى يقول...

الازهرى
هههههههههههههههه
وانا موافق معاك
بس هخليه كمان كل تعليق خليك ناصح ماتسبش حاجه تعدى
من تحت ايدك
تحياتى

مصطفى سيف الدين يقول...

فيها لاخفيها :)
كله بقى تجارة يا عمرو كله بيتاجر في كله

Follow by Email

Tetris