الأحد، 8 يوليو، 2012

الفضيله العاهره



استوقفنى فى حادث مقتل الشاب على ايدى المتخلفون بتوع الامر بالمعروف والنهى عن المنكر  ليس الحادث نفسه ولا الشاب ولاالدم ولا اى حاجه  الا الحجج التى ظهرت بعد ذلك  اصل الشاب خارج مع خطبته فى وقت متاخر او كانوا فى وضع معرفش ايه   طب وايه يعنى هما مالهم كانوا قرايب  خطيبته مثلا ولا ايه  يعنى معلوماتى القليله فى الدين  ماهو انا معرفش فى الدين كتير بصراحه  بتقول ان عشان  تنفذ حد الزنا مثلا اهو مافيش اقذر من كده   لازم يكون فى اربع شهود  ومش الشهود  هما اللى بينفذوا اساسا ماينفعش  ماينفعش اكون شاهد وقاضى ومنفذ احكام  ولا هى العمليه سمك لبن تمرهندى  ولا ايه   يعنى مهما كانوا عملوا  خلوه بقى وقت متاخر  اتنيلوا مع بعض مافيش حجه لضربهم وقتل الشاب   يعنى المفروض البلطجيه اللى قتلوا الشاب  يعدموا  فى  ميدان عام  بالرغم انى اتمنى حرقهم بجاز وسخ اوى بس يعنى نمشيها اعدام فى ميدان عام
كنت اتمنى اننا بعد الثوره مانسمعش عن الحجج ديه تانى ونقعد نحلل للمجرم جريمته   بس  هو دا اللى بقى بينغرس فى الناس من اول ما الصيع بداءوا يعاكسوا ويتحرشوا  لابسين  عباءه الدفاع عن الاخلاق والاخلاق بقيت طين  تسئل اللى بيعاكسوا يقول لك ماهى مش لابسه ولا لابسه  لبس مش محترم  طيب وانت  تصرفك  محترم   هل بالعهر تطلب الفضيله من هو صاحب الفضيله من يغض البصر ام الاعمى   وان كنت ترى  بان مصدر الفساد تعرى النساء فاطلب من ربك العمى  حتى لا تراهه ولكنك لن تطلب لانك بنظرك الذى انعم الله بك بيه انت اعمى
من اول ما اصبح الصيع والبلطجيه  يريدون فرض الفضيله  بالتحرش او الضرب  على الناس وتبرير عهرهم  بعدم فضيله المتبلطج عليه   حتى وصلت انى اسمع شيخ جامع بيتحدث عن التحرش يتهم النساء وملابسهم ولا يتكلم بشئ للشباب   اصبحت الفضيله عاهره 
فالفضيله التى لم تاتى من صاحبها ليست فضيله  ولو  فرضت   الفضيله على ايدى  البلطجيه  فهى ليست فضيله 

هناك 4 تعليقات:

ليلى الصباحى.. lolocat يقول...

انا لله وانا اليه راجعون
الامر بالمعروف والنهى عن المنكر واجب على كل مسلم ومسلمة
لكن بالتى هى احسن وحسب سنة الرسول الحبيب الذى كانت اخلاقه عليه السلام كما قالت عائشة رضى الله عنها ( كان خلقه القرآن )
ما حدث مهزلة بكل معنى ولا يقبله اى مسلم صادق
ربما يكونوا بلطجية ومأجورين
ربما يكونوا بالفعل افراد من جماعات اسلامية وفاهمين الدين حسب عقولهم
ربما يكونوا اى شىء
لكن مستحيل يكونوا مسلمين اسوياء

ويجب ان نكررها للمرة الألف ان الامر بالمعروف والنهى عن المنكر واجب كل مسلم ومسلمة ( كنتم خير امة اخرجت للنا تأمرون بالمعروف وتنهون عن المنكر )
لكن ايضا واجب علينا قبل ان ننفذ احكام حسب اهواءنا يكون الاهم ان ننشر تعاليم الاسلام كما يجب ونكون قدوة لغيرنا بأخلاقنا وعلمنا ..

لاحول ولاقوة الا بالله
اللهم انا نسألك الهدى والتقى واصلح اللهم حال امتنا


تحياتى وتقديرى

ريـــمـــاس يقول...

صباح الغاردينيا أستاذ عمرو
من أمتى كانت الدعوة للفضيلة بالقتل والضرب والسب والشتم بجد مستغربة من الي بيحصل في مصر لكن صدقني في ناس بتبقى هدفها تفرق بينكم وتثير أفكار سيئة عن الدين عمر الامر بالمعروف مايكونش بالشكل دا ولا حتى التشدد في الدين طيب عارف ساعات الناس المتشددة جداً في الدين تبقى فاهمة الدين غلط لكن الي بيحصل دلوقتي في مصر طبيعي لأنكم في مرحلة إنتقالية ولازم يظهر ناس تستغل الأوضاع الملخبطة دلوقتي "
؛؛
؛
مش حقول غير ربنا يحميكم ويحفظ مصر من شر الفتن والمكائد "
؛؛
؛
لروحك عبق الغاردينيا
كانت هنا
reemaas

richardCatheart يقول...

للاسف يا عمر كان فى حاجات كتير بنتمناها بعد الثورة بس هياه هنعمل اية


اناكمان رائى انهم يتعدموا فى ميدان عام علشان الكل يعتبر ان النفس مش لعبة واقسملك بالله ان لو محصلش كدا هنشرب فى الجاى زفت والاشكال الوسخة دى هتعتبرها جهاد انت عارف الجهل غاااااااااااااارز

جميل بوستك اشطة عليك :)

هبة فاروق يقول...

انا مش فاهمه يعنى ايه واحد يتدخل فى لبسك وقاعدتك وحياتك وكلامك ومظهرك
وازاى يصدر قرار ويامر ويتأمر بأى حق
لا شرعا ولا قانونا مين أمره بكده
بجد الناس دى لازم عقابها يبقى عسير
حتى لا يحتذى الاخرون بهم
وتتحول الحياه الى غابه لا قانون ولا شرع يحكمها
بوست راق لى كثيرا

Follow by Email

Tetris