السبت، 7 يوليو، 2012

اسمى بالكامل


زمان وانا صغير  كانوا لما يسئلونى  اسمك ايه  اقولا عمرو  يقولولى اسمك بالكامل اكون مطالب ان اقول اسمى واسم ابويا وجدى وجد  جدى يعنى حوالى سته او سبح اسماء اللى  هما حافظينهم من اسماء الاجداد ولكنى استوقفتنى حكايه اسمى بالكامل فى احد المرات  متسائلا هو احنا مش من بنى ادم  من اولاد  سيدنا ادم يعنى لما نقول اسمنا بالكامل لازم هنوصل الى  سيدنا ادم فى الاخر   وقبليه  هابيل او ققابيل او شيت  قعد يدور فى زهنى السؤال فسئلت واحد صاحبى هو ليه  ماحدش حافظ اسمه  بالكامل لحد سيدنا ادم  رد عليا  بالقران والايه اللى بتقول كنت ناسيا منسيا  مقدرتش اجادله بعدها ولكن كان بيدور فى دماغى سؤال احنا ليه بنكون حافظين قصص متدواله بين الناس من  الاف السنين  ومش حافظين اسمنا  بالكامل ولا فاكريينه  فافتكرت ان حل الفزوره بتاعت حاجه تمتلكها وغيرك اللى بيستخدمها  كان اسمى  فاسمى  انا مابستخدموش كتير زى غيرى   قلت ما علينا بس الواحد بردوا لازم يكون عارف اصله وفصله قالوا لى  روح ماعرفش فين هيقولولك انت اصلك ايه والغريب ان كل اللى بيروح يعرف اصله ايه بيرجع يقولك احنا من الاشراف  وعندنا قرابه من سيدنا الحسين   ومافيش حد كان يقرب لاخوه سيدنا الحسن معرفش ليه  غالبا ماخلفش هو كمان  مع انه خلف احدى عشر  ماعلينا  تمر الايام وواحد من العائله يروح يكشف عن اصول العائله يلاقى فتحى سرور بتاع مجلس الشعب السابق من العائله فطبعا قولناله ماتكملش يابنى كفايه كده   ليطلع ابو لهب من العيله كمان واحنا منعرفش  هو ايه اللى انا بكلم فيه دا   ايه الفراغ اللى الواحد فيه دا ناس فاضيه  صحيح عالم فاضيه

هناك 9 تعليقات:

Bent Men ElZman Da !! يقول...

ههههههههههههههههههه

انا فعلا اعرف ناس كانوا مهتمين اوووى بحكايه اصل العيله دى
لحد ما جابوا شهاده انهم من الاشراف
وبقوا مبروزين الورقه اللى بتثبت ده ومعلقنها فى البيت :D

مصطفى سيف الدين يقول...

تعالى بقى عندنا في الصعيد و كل واحد هنا عارف نسبه واصل لفين و جاي منين علشان كلنا عرب هنا و زي العرب بنتفاخر بالانساب
يمكن ساعتها هتعرف اسمك لحد آدم

مصطفى سيف الدين يقول...

على فكرة نسيت استنى اوريك واحد من اجدادي و هناك هتلاقي النسب بس هو كان عايش ايام بيبرس و في احدى حروب بيبرس طلبمنه يخلفه في حكم مصر لكن جدي رفض فخلع عليه بيبرس لقب سلطان و شفت الفرمان ده بنفسي http://www.b7st.com/vb/threads/83515

الازهرى يقول...

أنا بقى جدى راجل برنس وفلاح

قبله بنفرين
ولا اعرف عنهم اى حاجة

تعالى ذكريات ضرورى

محمد الجرايحى يقول...

آآآآآآآآه من الفراغ فعلاً يؤدى لنتائج غريبة ....
والحمد لله إنك لم تكمل واكتفيت بفتحى سرور
مين عارف على رأيك يمكن يكون فى شجرة العيلة مالا يحمد عقباه .

بوست رائع فى فكرته وتناوله
أحييك

كريمة سندي يقول...

والله شجرات العوائل تعرف جذورها التاريخية إلى رسول الله أما نحن فلم يكتب لنا ذلك والمهم أننا جميعا ننسب لآدم وحواء عليهما السلام وهذا أهم ما في الموضوع فهما ليس لهما أسماء أجداد

هبة فاروق يقول...

تصدق استوقفنى الموضوع ده قبل كده ويادوب جبت اربع اسماء لاجدادى وكان نفسى اعرف الباقى الواحد مفروض يرسم شجره للعائله ويكتب عليها الاسماء
ولا اقولك زى بيت الشعر اللى بيقول
أصل الفتى ما قد حصل
حيهمنا ايه بقى من اللى فات المهم احنا حنعمل ايه ونحقق ايه
تدوينه دمها خفيف استمتعت هنا جدااا

شمس النهار يقول...

:)))

صحيح ماتسألوش علي المستخبي
:))

beautiful mind يقول...

جميل جدا ان الانسان يعرف اصله وفصله
بس صدقني احيانا كتير جدا ان الاحسن اننا مندورش في الماضي
عشان منلاقيش اللي يزعلنا
تحياتي
بس موضوع جميل

Follow by Email

Tetris