الجمعة، 6 يوليو، 2012

تفتكروا كان امن دوله


بعد ظهور جماعه الامر بالمعروف والنهى عن المنكر والجريمه التى حدثت  وتفكير البعض انها مؤامره من امن الدوله لبث كره الاخوان والسلفيين  فى قلوب الناس والمحاوله على تاكيد ذلك والكلام العبيط دا  افتكرت موقف حدث لى ايام مبارك يعنى ماكنش لسه فى مؤامرات لتشويه حد والافلام الحمضانه بتاعه الاخوان والسلفيين   كنت ماشى انا واحد صاحبى مشغلين اغانى بالسماعات  وبندندن معاها  فى الشارع وفجاه ظهرلنا واحد مش بدقن عشان محدش يقول عليه سلفى او اخوانى    بيسئلنا صليتوا العشاء ولا لا  وبعد كده سئلنا اليس كلام الله اولى  وقعد يدينا درس فى الدين على الواقف كده فى السريع  ياترى دا كان امن دوله ولا ايه  والراجل مش بذقن كمان اهو ماهو الاخوان ماكانوش بيربوا  ذقنهم اصلا طبعا مش كلهم  اكيد كان امن دوله بس هو كان عارف الليله كلها وان فى ثوره هتحصل  فكان بداء خطه التشويه اكيد صح ماهو  اى حاجه بيعملوها الاخوان او السلفيين  او اتباعهم بقيت بتلصق فى امن الدوله   يعنى حاجه فى منتهى الاستعباط  ومش معنى كلامى ان بقول ان جماعه الامر بالمعروف والنهى عن المكر انهم تبع الاخوان او السلفيين او بتنظيم منهم  بالعكس هى ممكن تكون حالات فرديه كمان بس هما مجموعه متاثريين بشيوخ الاجرام بتوعهم ولو رجعنا بالزمن هتلاقى ان الجرائم اللى حدثت  لبعض المشاهير مش لازم بيكون القاتل اخوانى او سلفى ممكن يكون يادوب سمع خطبه لاى حيوان من شيوخهم وقام منفذ على طول فكثير من شيوخهم لا يستحقوا ان يكونوا شيوخ من اول المجرم وجدى غنيم الى الراقصه صفوت حجازى  بس عجبانى دماغهم فعلا ايه حاجه بتحصل الناس تغضب منها دا ترتيب امن الدوله  يارتنى كنت رئيس المرحله ديه كنت هاكل عيش كتير على اقفا امن الدوله يابختك يامرسى انت وجماعتك   
انتهى

هناك 6 تعليقات:

ريـــمـــاس يقول...

صباح الغاردينيا عمرو
مش حتكلم عن أمن دوله ولا سلفين أو أخوان لكن حقول ربنا يحفظ نصر من شر الفتن "
؛؛
؛
لروحك عبق الغاردينيا
كانت هنا
reemaas

مصطفى سيف الدين يقول...

اكبر ضرر على الاسلام هم المتأسلمين بالجهل
يمكن الناس دي تبع امن الدولة فعلا بس ميمنعش في زيهم كتير مش تبع امن الدولة و بيحملوا نفس الفكر و نفس التطبيق
ارجع بذاكرتك لبعد الانتخابات البرلمانية مكنش وقتها حد بيقول امن دولة على اللي نزلوا في بور فؤاد بعصيهم الكهربية و ضربوا الحلاقين و امروهم ميحلقوش الدقون
الأزهر الضامن الوحيد لوسطية مصر و مرسي لم يحترم الأزهر و بالتالي لا شيء مضمون في تلك البلد في ظل حكم مرسي

wessam يقول...

هقزلك اتكلمت كتيير مع ناس فى الموضوعده وبالعقل كده قلت لهم المفروض والمعروف ان البلاد وقرى الفلاحيين اكثر التزاماً واكثر تديناً ليس من المنطقى انى اظهر فيهم مادام انا عارف ان فى اماكن ثانيه محتاجه توجيه لقيت الرد ازاى
ان اساسا القرى اللى ظهرت فيها الحاجات دى اساسا معقل للسلفيين وهما بيدأو واحده واحده يعنى العمليه منظمه ومش زى مابيقولو امن دوله
لان خلاص الرئيس مرسى بقا واقع والعجيب ان فعلا الناس بتتحرك لوحدها يعنى هيكون ضررها اكبر ربنا يحمى مصر دايماً

eng_semsem يقول...

بغض النظر عن رايك الشخصي وان كان اللي وقفك ما استخدمش الضرب او القتل عشان يقنع الناس بالصلاه بس زعلان جدا من كلمة حيوان من شيوخهم
الامر بالمعروف والنهي عن المنكر امر وارد في القران الكريم ولكن بالترغيب مش بالترهيب وانا ما سمعتش شيخ بيقول اقتل او اضرب عشان واحد يصلي او واحده تلبس حجاب وان كان خرج منهم يشذ عن ذلك اظن ضعف في المتعلم مش العالم وانا اؤيد جدا كلام الدكتور مصطفى وجود منبر زي الازهر هيحمي الوسطيه
وربنا يصلح بلدنا ونعيش كلنا فيها بسلام مسلمين ومسيحين
تحياتي

كريمة سندي يقول...

اتفق مع ما قاله زميلي العزيز مصطفى سيف .. فالجهل نقمة وليس نعمة .. ونحن الآن في عنق الزجاجة والأمر قد يأخذ بعض الوقت للخروج منها تحياتي

beautiful mind يقول...

استاذ عمرو هذا اول تعليق لي عندك
واول زيارة لي وان شاء الله ربنا يديم التواصل
لكني رأيتك متحامل جدا علي المتدينين ووصفتهم بأوصاف شنيعه جدا مع انهم والله يعلم ناس محترمين
العيب مش فيهم العيب في الجهال اللي مش بيفهموا كلامهم كويس
لكن الايام ستثبت كلامي انهم محترمين
تحياتي

Follow by Email

Tetris