الخميس، 5 يوليو، 2012

الانسان واصله


على مر العصور بيطلع ناس كتير بتحاول معرفه ماهو الانسان  مره طلع علينا قرد متحول وقال ان الانسان اصله قرد ودا طبعا كان بيتكلم عن اصله هو 
وناس طلعت وقالت ان الانسان حيوان  ناطق وبعدها قالوا لا الانسان حيوان مفكر او متعقل الى اخر الحديث   بس كلهم  اتفقوا على انهم حيوانات مش بشر  لكن السؤال  الناس اللى فكرت كده مافكرتش ليه فى اصل الحيوان نفسه  يعنى ان كان الانسان حيوان ناطق او مفكر او اى حاجه فما هو الحيوان  خشب متحرك مثلا  والقرد اللى قال ان الانسان اصله قرد طب اصل القرد ايه ومع كل الخرافات ديه والفلسفات قررت اتفلسف انا كمان يعنى هى جت عليا يعنى  وبدايه الفلسفه  سابدها من المقوله الشعبيه الناس معادن  ايه رايكوا بقى  طب يعنى ايه ان الناس معادن  معرفش لكن كل شويه الناس بتوع برامج الاكل والتغذيه يقولك لازم تاكل معرفش ايه عشان فى حديد ومعرفش ايه عشان الفسفور هو احنا مخلقويين من ايه  ياترى   ماعلينا  ندخل على  فلسفتى ايام الثانويه العامه ودراسه الكيمياء  كانت ايام  الناس فلزات ولا فلزات واشباه فلزات وخوامل   ودا ترتيب الجدول بتاع العناصر الكيميائيه  وهى ديه خواص العناصر الكيميائه  التى تشبه خصائص البشر فهناك من يبداء  الكلام مع الناس وهناك من  ينتظر حد ينكشه وهناك من يجمع بين الاثنين وهناك خوامل لا يتم التعامل معها الا تحت ظروف خاصه  مثل العناصر الكيميائيه فلزات ولا فلزات واشباه فلزات وخوامل  وطبعا فى بعض الناس سريعه الاشتعال وهى اللى بتغضب بسرعه وناس بتساعد على الاشتعال  ودول اللى بيهدوا النفوس  وفى ناس اتجهاتها كيمياء عضويه وتفاعلاتها كتير ومعادلاتها منيله بطين  لما بنمسك معادله كيميائيه ودرسنا خصائص العناصر المشاركه فى المعادله و خصائص العناصر الخارجه من المعادله هنلاقيها  معادله بشريه فلو اتينا ببشر لهم نفس الخصائص لنتج عنهم نفس الخصائص بتاعت المواد الخارجه عن التفاعل الكيميائى حتى ولو كانت غازات او ترسيب  ونفسها هى هي  النظريه تمشى على الحيوان وعلى كل شئ خلقه الله فالاصل فى المخلوقات هى الخصائص التى خلقها الله فى العناصر الكيميائيه  سواء كانت فى ذرات او كروموسومات تحمل خصائص الانسان  او النبات او اى شئ   ثم خلق منها الباقى متشابهات وغير متشابهات  كما قال  فى كتابه الكريم متشابهات وغير متشابهات وطبعا كل  اللى انا قلته ده  كان هلوسه  لانى لست بعالم  ولا رجل دين  بس بجيب حبه من هنا على حبه من هنا وبعمل نظريه و اهى  نظريه  حد عنده اعتراض نيهاههها
انتهى    

هناك 6 تعليقات:

re7ab.sale7 يقول...

اه
انا بعترض ...
عندك مانع.....؟

عمرو يسرى يقول...

رحاب صالح
وماهو اعتراضك

شمس النهار يقول...

:))
بس دي كده مش فلسفة
دي كيمياء
:))

مصطفى سيف الدين يقول...

ايوة هات الحلوة من هنا و الحلوة من هنا و اضربهم في خلاط و اعملهم احلى شوب فخفخينا

الفلسفة بتاعتك سليمة
حلو التفكير العلمي و الخلط بين الفلسفة و الكيمياء

richardCatheart يقول...

ههههههههههههههههه عجبتنى حصة العلوم اوووووووووووى

وجة نظرك والربط جمميل يا عمر وصح كتير

أحمد أحمد صالح يقول...

أنا لولا عارف أني مخبط على الباب صح و داخل الباب الصح كنت شكيت اني زرت الدكتور مصطفى محمود الله يرحمه !!
...
لأ بجد بقى، لو بصيت في كتاب اسمه رسائل اخوان الصفا و خلان الوفا هتلاقي في جزء منه كلام يشبه كلامك ده جدا يا عمرو، فالأنسان هو روح من علم ربي و عناصر بيدرسها العلم زي ما بيدرس عناصر و مكونات الارض و الكون بشكل عام..
على فكرة لو تعمقت في الموضوع ده شوية هتوصل لحاجات رهيبة..
تحياتي

Follow by Email

Tetris