الثلاثاء، 3 يوليو، 2012

العلاوه بين مبارك ومرسى


 لما مرسى قال على العلاوه فى ناس قالت واو  الرئيس بداء يشتغل ويدخلنا فى ايام العز  وناس قالت اخص كنا عايزنها 30% مش 15 % وكمان اخص  دا من الاساسى اللى بيكون اى كلام اصلا  سواء كده اوكده فلم اشعر بالجديد فمن ايام مبارك  كل سنه فى  شهر سبعه مع بدايه السنه الماليه الجديده  لازم كان الرئيس يتكلم فى العلاوه الجديده   وبالتالى حتى الان لم يحدث جديد فهل ياترى سيحدث جديد  عن عصر مبارك وكيف  دائما لما بيحصل ونتكلم فى علاوه بنتكلم فى  زياده فى الاسعار  حتى كنا قد وصلنا الى حاله من التشائم من العلاوات الجديده فهل  علاوه مرسى لن  يصاحبها زياده فى الاسعار  فى ناس هتقولك ماهو هيظبط البلد وهيراقب على التجار شئ جميل بس احنا ايام ماكنا بندرس اقتصاد كانوا   بيكلمونا عن السياسه الماليه والنقديه  والنظريه الكلاسيكيه قالت  و النظريه  الكنزيه اكدت  ومعرفش ايه فى ايه المهم كانت الخلاص ان لو هدخل نقديه سواء باصدار نقود جديد او اقتراض هيحصل تضخم  و الاسعار هتزيد  مادام ان دخول النقديه لم ياتى عن طريق الانتاج  تمام  طيب هل فى انتاج فى البلد ظهر جديد والعمليه الانتاجيه  بدات تتحرك وتنتج  لا اعتقد . فى واحد هيقولى  ايوه بس دلوقتى مش هيكون فى سرقه  والفلوس  هترجع للشعب احنا دوله غنيه مش فقيره   معاك  بس مهما كنا دوله غنيه ولها موارد كثيره قناه السويس وغيره  فى مثل بيقولك خد من التل  يختل  سواء اخذت منه بسرقه ولا من غير سرقه  مهما كان لازم ننتج ونحرك البلد شويه   يرد واحد يقولك مين قالك ان احنا مش بننتج اقولك ان فى انتاج اه لكن مافيش جوده ومعروف ان الانتاج المصرى مشكلته فى التقفيل  وبيكون لايقدر على المنافسه غير انه مش كتير لدرجه ان فى المعرض الذى اقيم بعد الثوره فى ارض المعارض بعنوان اشترى مصرى كان فى منتجات صنع فى مصر ودا الطبيعى  ولكن كان موجود فى المعرض اللى هو اسمه اشترى مصرى منتجات صنع فى الصين تيجى ازاى الله اعلم ممكن يكون الصين اصبحت  من مصر ولا حاجه يمكن  لكن النتيجه ان انتاجنا مش كتير وجودته مش بدرجه تنافسيه الا القليل منه  يعنى القليل من القليل اصلا طيب والنتيجه معرفش انا مش محلل اقتصادى  لكن تستوقفنى بعض علامات الاستفهام  تجعلنى اتسائل هل العلاوه هذه المره لن يصاحبها زياده فى الاسعار  كيف وازاى  هل سيصاحبها انتاج  ام  سيصاحبها شئ اخر يغطى التضخم وزياده الاسعار ويوجل المشكله مؤقتا  لا اعلم و انا لست خبير اقتصادى ولكنى اتسائل  يا ايتها العلاوه الجديد  هل ستاتى بشئ جديد ام ماذا سيحدث
انتهى 

هناك تعليقان (2):

مصطفى سيف الدين يقول...

حكاية العلاوة و ميزانية السنة الجديدة اصلا متظبطة من قبل مرسي و استهبال من الاخوان انهم ينسبوله العلاوة
بس مش عايز ابقى مجحف و اتكلم عن مرسي و هل هيبقي في فرق او مفيش فرق عن اللي فات لازم ياخد فرصته و بعدين ننتقده

إيمي يقول...

انت جبت المفيد هنا و لو اني بصعوبة فهمت بعض الحجات لاني مليس في الاقتصاد من ايام ثانوي يعني

لسة لغاية دلوقت مفيش فرق بين مرسي و مبارك
بس أتمنى أصحى في يوم و يقولولي إن الفرق وصل :D

سلامي

Follow by Email

Tetris