الجمعة، 22 يونيو، 2012

سبحه وسيجاره


 طبعا دا عنوان احد قصص الكاتبه شرين سامى فى كتابها بنكهه مصر 
 سبحه وسيجاره  نعكس الحاله اللى عند الشعب كله  حاله التناقض الداخليه للانسان اللى عايز يحاول يجمع بين الاثنين  عايز يعصى الله فيما لا يخالف شرع الله تيجى ازاى معرفش يمكن هو دا الصراع الدائم الداخلى  للانسان من اول سيدنا ادم الذى  اراد ان ياخذ من الشجره المحرمه وفى نفس الوقت يظل فى الجنه ولكن ماينفعش  .
وهذا الصراع الداخلى للانسان مابين شهواته  ورغبته فى دخول الجنه  هو الذى نزل بسببه الاديان للتنسيق مابينها وترويض الشهوات   ولكننا فى هذا العصر ظهر شيوخ مزاجهم عالى فنراى مثلا الشيخ الذى قال ان السيجاره لاتفطر فى رمضان فتوى لا تنسى من  فتاوى المزاج العالى مما يجعلنا نرى فى يوم الايام فى رمضان واحد فى الجامع فى ايده سبحه وفى التانيه سيجاره واذا كان ظهر هذا فيما نطلق عليهم شيوخ هذا الفكر فنتوقع بعدها اى شئ يحدث بين الناس 
بالامس قابلت واحد مدخن يريد ان يمتنع عن التدخين ولكنه منتظر الاخوان يمسكوا  ليمنعوا التدخين ولذلك انتخبهم   ان سمعت كلامه تذكرت عنوان القصه سبحه وسيجاره ماشيه عليه اوى   وتسائلت هل نحن لازم حد يمنعنا او يقف لينا بالجرباج  وهو بردوا زى من يدخل افلام فى السينما للمراهقين ويخرج يقولك البلد محتاجه دين  فيذهب يرشح الاخوان هل الدين بالاكراه او ان لازم حد يجيلنا عشان يزرع فينا الدين ولا يجب علينا نحن ان  نزرعه  فى داخلنا نحن شعب اصبحنا نعشق السيجاره ولكننا نتمنى من ياتى لنا ليجعلنا نستبدل السيجاره بالسبحه فنلجاء الى اى حد ليعطينا السبحه  حتى وان لم يكن بتاع سبح لعلنا نبطل تدخين 
انتهى      

هناك 10 تعليقات:

شمس النهار يقول...

:))

ده واحد دماغه زي الفل
دي نظرية الكرباج
عايز حد يجبره علي انه يتغير
وبالطريقة دي هيدخن برضوا في وجود الاخوان علشان الممنوع مرغوب

اذا كان في السعودية الناس بتدخن:)

يستحضرني اغنية احمد سعد سألت نفسي كتير

أحمد أحمد صالح يقول...

اذا أجبرت على الرذيلة قد لا يحاسبك الله عليها حساب السيئات،أما أن أجبرت على الفضيلة فلن تحاسب أبدا عليها بالحسنات !!
موضوع غاية في الأهمية أستاذ عمرو لأنه يمس واقعنا الذي أمتلأ و فاض بالمتناقضات،حتى جاء من يبررها !!
نحتاج ثورة على النفوس لأسترجاع الاخلاق لمكانها فيها..تحياتي

مصطفى سيف الدين يقول...

اصعب الجهاد جهاد النفس و قمعها مش بسهولة ابدا
يعني حتى لو منع نفسه لو ارادته مش قوية هيرجع تاني هو محتاج شيء محفز (عكاز يساعده على مواصلة طريقه ) علشان كده شايف ان المنع لما الاخوان يوصلوا هو المحفز ده

مها البنا يقول...

ده فكر من أراد ان يعيش عبدا لغير الله .. عبدا للنزوات

موافقه حضرتك على كل كلمه

تحياتى

richardCatheart يقول...

ههههههه انت هااااااايل شوفت طبعا انا قريت دا فى كتاب شيرى وفعلا من الحاجات اللى عجبتنى فى الفكرة والثرد جدا


تعليقى عليك هيكون من جزئين

الاول هذا الصراع الداخلى بين شهوات النفس وما امر به الله عز وجل اجمل ما فينا نحن البشر واعظم منح ربنا لينا

ربنا عز وجل لو ماكنش عايزنا نعصى كان خلقن ملائكه لكن هو رحيم منع عنا الشهوات ولم يتقتلها بداخلنا ادنا فرصه الاستمتاع بالمعصيه وبرحمته ادانا فرصه الرجوع والتوبه والاستمتاع بردو بالرجوع والتوبه وجود هذا الصراع معناه وجود ضمير حى وماننكرش ان فى بشر بيموت عندها هذا الصراح ولو لفترة طويله بئا قصيرة هو نصيبه


الشق التانى الشيوخ عااااااااااااادى مايغلطوا ويهبلوا براحتهم ماهم بشر بس يااااااااااااريت الناس ننعامل معاهم على انهم بشر مش الهه معصومه من الخطاء وياريت لما نأخذ منهم ونرد بما اخذنا مايطلعلناش 100 واحد يكفر ابونا وكأننا بنغلط فى الذات السكريه اما عن اللى مستنى الاخوان يمسكو علشان ينصلح حاله فكرنى بواحد بنته مقضيها وراح انتخب الاخوان ياعم انتخبتهم ليه قال علشان يلموها هههههههههههه تفتكر ان الانسان اللى مصمم يهين نفسه حتى النهايه مليون كرباج هيعدله مأظنش هيدور على الزفت وهيعمله بردو والا كان الكرباج عمل شىء على مر السنين


جميل بوستك اوى يا عمرو صباحك فل :)

شيرين سامي يقول...

لفت نظري الإسم قلت توارد خواطر :)

للأسف يا عمرو دي بقت سمة العصر
وللأسف كمان اللي جاي هيكون مناسب تماماً للطبع ده عشان هو عايز حد يمنعه من التدخين علنياً لكن في الغرف المغلقه يقدر يدخن عادي جداً..و السبحة قدامالناس عادي جداً..

بوست جميل ومهم

تحياتي ليك عمرو

eng_semsem يقول...

في جزء داخل كل واحد فينا بيحاول يدفعه للخير والتمسك بالاخلاق واحيانا بتكون الظروف اللي حواليه حافز ليه على انه يمشي في الطريق الصح اما قصة الاجبار ده اكيد شئ صعب يتحقق سواء الاخوان او غيرهم لان دايما في حلول بديله
تحياتي لموضوعك القيم

رؤى عليوة يقول...

الغريب فعلا اننا دايما نستنى احداث واوقات معينه لنرجع لله تعالى

كنت بستغرب جدا لما بنت تقول هتحجب بس لما اتجوز هههه طب ما هو اللى هيتجوزك وانتى كاشفه شعرك ممكن ميرضاش بالحجات

المهم التناقضات اصبحت شئ اساى فى حياتنا

تلاقى الواحد ماسك المصحف طول النهار وبس حد يكلمه تسمع الفاظ ..

ربنا يسترها معانا ماهو اللى احنا فيه مش من شوية

دمت بخير

Carmen يقول...

كل واحد جواه الخير والشر ودايما فى صراع

لفتة رائعة
تسلم ايدك

تحياتى

Haytham Alsayes يقول...

ان الله لا يغير ما بقوم حتي يغيروا ما بأنفسهم
صدق الله العظيم


تحياتي
:)

Follow by Email

Tetris