الخميس، 21 يونيو، 2012

كل يوم فى جديد


دخلنا فى اليوم التانى من الدعوه  وبما انى كنت مشغول النهارده ومالحتقش ارد على التعليقات  فهيكون البوست دا تعليقا على المعلقين عندى بالبوست بتاع امس
نبدائهم بالترتيب 
 بكلام فيلسوفنا الكبير  احمد احمد صالح  صاحب مدونه وجع الفلسفه وبالمناسبه  هو اخو  المدونه رحاب صالح  صاحبه مدونه حياتى مش حره فيها   وليهم  اخت تانيه شرين واللى عايزين ننشطها شويه لانها مابتكتبش بقالها كتير وهى   صاحبه مدونه  مذكرات مدرسه مطحونه http://shahd-diariesofateacher.blogspot.com/   يعنى اسره تدوينيه متكامله   المهم  خلاصنا  التشريد  ندخل فى  تعليقه الجميل   استوقفنى جمله  ان مافيش يوم من غير جديد   وبالتفحص فها رايت ان فعلا لايوجد يوم بدون جديد  حتى ولو انك نزلت من بيتك ومشيت فى نفس الشارع وركبت نفس الميكروباص  ولقيت نفس الناس اللى بتركب معاك الميكروباص كل يوم ان لم تتغير انت فاحد منهم سيتغير ويؤثر فيك فتتغير او ان تشعر بان يومك جديد بنكته جديده  او خوار جديد حتى ولو تكلم فى نفس حوار امس هتلاقى فىموقف كان ناسيه فبالنسبالك هيكون جديد   فكل يوم جديد بيه شئ جديد تصنعه انت او تتاثر بيه  عن طريق حالتك او الموقف اما  ان تحبط او انك تحصل على شعاع امل ام من صنعك ام من صنع غير وتتاثر بيه  وهذا  الامل هو ما عبرت  عنه  
 الاستاذه اسماء على فى تعليقها  الجميل هى محاوله ممكن نقدر   تعليق جميل يشع بالامل فى النجاح  والاجمل انك تلاقى اللى بيفكر زيك لعل نجد نتيجه مع بعضا  ودا كان دور
 قلب القطه فى تعليقها  لما كشفت انها كانت بتفكر فى نفس كلامى  امبارح وانا بفكر فيه واعطتنى فكره جميله اننا ختى لو هندخل السرور ولو للحظه فهو شئ مفيد وهذا ما اكدته 
  الاستاذه كارمن فى تعليقها الرائع   ان مش مهم مانكتب المهم اننا نتواصل   ودا بالبطع  حقيقى  لان التواصل فى حد ذاته قيمه  لانه يجعلنا نتعلم من بعض عندما نتواصل وننقل لبعض تجاربنا السابقه  لبعض وهذا ما فعلته بالفعل 
استاذتنا  شمس النهار  عندما اعطتنى روشته رائعه فى تعليقها   نقلا عن دكتور كان بيدرسلها فى الجامعه  وهى ان  الابداع يحتاج الي استمرار ومداومة حتي لو مالكش مزاج مجرد ماهتمسك القلم هتنط في راسك فكرة تصميم  وهذه  مقوله رائعه  اشكرها عليها واشكر استاذها  ايضا  واخير الشكر كل من شرفنى بزيارده  وارد عليكم ان نسائلتم انا ليه رديت على التعليقات فى بوست اقولكم لانى رايت ان التعليقات  جميله ورائعه ويمكن ان تكون التعليقات فى محل بوست  مضاف اليه   عفوا  ايه الاعراب دا واحنا فى حصه نحو  تضيف الى قراء المدونه  وصاحب المدونه ايضا
وسبب خبيث بينى وبينكم  انى مكسل اكتب بوست جديد  نيههاهها   ضحكات شريره متقطعه 

هناك 5 تعليقات:

أحمد أحمد صالح يقول...

هأبص إزاي أنا في المراية دلوقت يا أستاذ عمرو بعد ما صنعت مني فيلسوف..لأ و كبير كمان !!!
..طبعا أشكرك شكرا جزيلا على كلماتك الجميلة في حقي و في حق كل أصدقاءك الذين يتابعونك،وأيضا على اهتمامك بتعليقتنا و جعلك من ردك عليها تدوينة جميلة بهذا الشكل..
جميعنا نصاب بالكسل،و انا كسول جدا،و لكن الأكيد فعلا أنك عندما تبدأ الكتابة لا تتوقف الا و قد وصلت للنهاية،طبعا يحتاج الامر الى تدقيق و مراجعة و اضافة لأننا جميعا قد ننسى الكثير في غمرة تدفق الأفكار،و لكن الأكيد أيضا أن ما نخرجه أيا كان هو شئ نعتز به و نحترم جدا من يقدره..كل الشكر و في انتظار تدوينة تخصك..يعني من الأخر..ما تكلش عيش على قفانا !!
هههههه..طبعا باهزر-هذا ان قبلت هزاري طبعا..و اذا ما قبلتش انت حر !!-هههه..كل الشكر و التحية أستاذ عمرو.

مصطفى سيف الدين يقول...

على فكرة يا عمرو انت من الناس اللي يدخلوا القلب و يتحبوا بسرعة جدا , ربنا يسعدك و يهنيك دايما
هاستنى باقي الشهر متكسلش ادينا اهوه بنتعكز على بعض :)

richardCatheart يقول...

صبااااااااااااح الفل :)

Carmen يقول...

اشكرك كثيرا على ردك الرقيق وفعلا لازلت عند رايى المهم اننا مع بعض من جديد لان فعلا كان فى ناس كتير بطلت تكتب الا كل فين وفين وانا كنت واحدة منهم
تحياتى لك :)

re7ab.sale7 يقول...

ههههههههههه
يا سلام عليك
والله انت بجد تجنن ياعمرو
يا عم اقولك انا تكتب عن اية وبلاش تكتب عن العائلة الكريمة بتاعتنا
اكتب عن الشريفين ووشكوكي نحوهما
هاهاها
ميرسي اووي يا عمرو علي كلامك
عني انا واخواتي

Follow by Email

Tetris