الثلاثاء، 29 مايو، 2012

الاخوان وشفيق وويكا


اولا بشكر الاخ ويكا او وئام محمد النجار صاحب مدونه بصراحه   الذى لولا حركته السخيفه واسلوبه الرخيص   ماكنت فكرت انى ارجع ادون تانى بعد ماكنت قد اغلقت جميع مدوناتى  خلال الايام الماضيه  وعزمت عن الرحيل عن عالم  التدوين  ولكن حركته السخيفه هى التى جعلتنى اعود الى مدونتى فضفضه لكى افضفض فيها   لا انوى الاساء له  فمن انا لكى اسئ لاحد  ولا اكتب هذا البوست  لغرض الاساءه له ولكن هى مجرد فضففضه    
ثانيا الفضفضه
من وقت ما حدث الانتخابات ةبداءت المؤشرات ترجح انه ستتم الاعاده بين مرسى وشغيق  وانا مثلى مثل كل الناس  حزين لاننا وقعنا  فى الاختيار مابين سئ واسوء   شفيق ومرسى فلول واخوان غضبان من الذين يريدون من الناس ان يختاروا مرسى بالغصب حتى لايختاروا شفيق بالرغم اننى لست مع شفيق  فلا يعقل باننا نرفع من شان المجارى والبلوعات  لاننا وقعنا بين الاختيار بين المجارى والزباله  ماينفعش لان كلاهما رائحتهم قذره  عندما كانت تصلنى الدعوات للنزول فى مظاهرات ضد شفيق كنت دائما اكتب على الايفنت ياريت تكون كمان ضد الاخوان  وكنت اندهش ممن ينتقدون من انتخب شفيق ولا ينتقدون من انتخب الاخوان بالرغم ان كلاهما اوقعونا فى هذا الفخ لان اى مرشح فى الاعاده  قدام شفيق غير المرسى كنا هننتخبه واحنا مرتاحيين  واى مرشح مع مرسى غير شفيق كنا هننتخبه عن طيب خاطر  فالذين انتخبوا شفيق والذين انتخبوا مرسى كلهم باعوا الثوره والثوار  لان احدهم انتخب من لم يحاسب من قتل الثوار فى الثوره والاخر انتخب من باع الثوره واتفق مع العسكرى واتهم الثوار فى محمد محمود وفى مجلس الوزراء بنفس تهم النظام السابق وانتخب اللى اول ما مسكوا مجلس الشعب فكروا يعملو لينا قانون منع التظاهر
 المهم جائتنى على الفيس بوك  دعوه او ايفنت من الاخ وئام محمد النجار  المعروف بويكا  للتظاهر ضد شفيق بطبعى المخنوق من الاخوان  كتبتله ان ياريت تكون كمان الدعوه ضد الاخوان سئلنى هتنتخب مين قلت له انا مقاطع سئلنى يعنى بالمقاطعه هتسقط شفيق ومرسى قلتله ما انا اقاطع احسن ما اروح انتخب شفيق لانى مهما حصل لا يمكن انتخب الاخوان  لحد الكلام دا كان بيرد عليا بادب بعد كده لقيته واضع فى الايفنت  الكلام دا

عمرو بعد تعليقاتك السلبيه على الامر واختيارك الاعتراض على اسقاط شفيق ...... هستأذنك اعمل ديكلاين واترك الانفيتيشن من قبل قمة بمهاجمة الثوار ومهاجمه شباب العباسية و قلت انهم يستحقوا الذبح .... والان تقف امام اسقاط شفيق مما يعنى دعمه ...... انا اسف ....... ارجوا مغادرتك

من غير ما اشتم كنت عايز اعرف  احنا ماكلمناش اصلا عن شباب العباسيه  وانا اصلا بالرغم من اننى كنت معارضا لمن نزل فى العباسيه وكنت اتكلم عنهم ببرود شديد وكنت غاضب منهم وكان لى اسبابى وقناعتى  وقد اكون على خطا  لاكننى لم اقل عليهم ابدا انهم يستحقوا الذبح فمن اين اتى بهذا الكلام على لسانى  والغريب اننى كل ماقلته له اننى اريد  ان يضع فى الايفنت مع اسقاط شفيق اسقاط الاخوان كمان  فكيف ترجمها اننى اعارض على اسقاط شفيق  فلوكنت من مؤيدى شفيق ماكنتش انتخبت حمدين  
الاختلاف فى الراى عادى حتى  لما بتتحول الى خنقات وشتائم  بردوا خلاص اتعودنا ان اختلاف فى الرى بيفسد العلاقات مافيش مشكله  ولكن انك تجئ  تقول كلام على لسانى لم اقوله فى دا اللى مش عادى  ومش تصرفات حد محترم  عايزنى اخرج من الايفنت ماعنديش مشكله بس بلاش تقول كلام على لسانى ماقولتوش بلاش الاسلوب الرخيص دا
احترم من نزل التحرير اليوم معترض على شفيق ومرسى معا  مع انى معترض على الاعتراض على نتيجه الانتخابات  والتحدث  عن التزوير بعد معرفه النتيجه اصل المخالفات والتزوير  بتتعرف وقتها مش بعد صدور النتيجه او بعد معرفه المؤشرات  واحترم من سيقاطع الانتخابات لانى مش مجبر انى اختار مابين اثنين مش عجبنى 
 واختلف كثيرا جدا  مع كل من سينتخب الاخوان حتى لا ينجح شفيق   فلا  تنتخب المجارى هربا من الزباله فكلامها مقرف

 ولويكا حق الرد مكفول

الجمعة، 18 مايو، 2012

ديمقراطيه بلا ديمقراطيه


الثوره قامت لان الاغلبيه كانت غاضبه  فقامت بالثوره و اجبرت مبارك على التنحى   والناس لما نزلت ماحدش اجبرها على النزول  الايام عدت و قربت الانتخابات الرئاسيه  عادى اننا نختلف اللى يشوف  محمد مرسى   الانسب واللى يشوف ابو الفتوح واللى يشوف العوا واللى يشوف شفيق او موسى   او بسطويسى او حمدين  او  ابو العز او غيرهم كل واحد بيشوف الانسب من وجهه نظره  ودا طبيعى الديممقراطيه دايما بتعبر عن راى الاعلبيه  وليس  تدل عن الاجماع دا اللى انا عارفه يمكن اكون جاهل واللى اعرفه غلط   عادى ما هو انا مش مثقف ولا انا محلل استيراتيجى  لكن الحاجه اللى بتفرسنى ديكتاتوريه المناديين بالديمقراطيه  جعلتنى اتسائل سؤال  هل الديمقراطيه  تفرض بالعافيه ؟او بقله الادب ؟ مسخره الفيس بوك لما تلاقى واحد كاتبلك اللى هيرشح شفيق او موسى هعمله بلوك  ويقعد يشتم  بيكون نفسى اقوله طظ  فيك  فى داهيه اعمل بلوك مين انت اساسا  ولا اللى يقولك اصلهم عبيد   وهيفضلوا طول عمرهم  عبيد  طيب هو عشان مايبقاش عبد  لنظام مبارك يتحول عبد للثورجيين  بيفكرونى لما حد يحب يفرض رايه على   حد  من خلالك  يعقد يشحن فيك ويقولك فى الاخر لازم يكون لك راى بعد مايقنعك ان رايك هو رايه ولازم تنفذه  خنقنى اوى ان يكون كل اعتراضك على شفيق وموسى انهم فلول النظام  ويكون اعتراضك على مرسى  عشان استبن او معندوش كاريزما او ان عشان السلطه  كلها ماتكونش فى ايد واحده  نفسى ان يكون الاعتراضات اعتراضك عن وجهه نظر انت مختلف مع المرشح فيها صحيح دا بيحصل وفى ناس كتير بتختار مرشحها لتوافق افكارها معاه بس نسبه بسيطه او اللى انا شايفهم مش كتير لان اللى شايفهم اللى قاعدين يسخروا ويهرجوا فى انتقادهم للناس واللى ياخدوا بعض كلمات المرشح ويلعبوا بيها ويغيروا معناها اللى كان قصده  وحاجه تقرف  وبصراحه الواحد بداء يقرف من المرشحين نفسهم اللى ساعات يشعر انهم بيراضوا الناس وخلاص  غير بقى الحاجه اللى بقيت تقرف استغلال دم الشهداء وحقهم  لدرجه انهم  كرهونى فى الشهداء نفسهم ومن طريقه الثورجيين على الفيس هيخلونى انتخب الفلول  وفى مره طلعت فى دماغى اخنق عليهم واضع لهم صوره مبارك فى البروفيل  ومعاه واحد مطلع لهم لسانه   بس قلت بلاش مشاكل  ومن طريقه المرشحين نفسهم  اتخنقت وكل ما اتفرج على مرشح اعمل عليه كنسل
فى الاول كنت هرشح ابو الفتوح اتفرجتله على لقاء على CBC   على ما اعتقد بعض اراءه  معجبتنيش ونرفزتنى  قلت خلاص كنسل ابو الفتوح و  حمدين صباحى  كويس  رغم اختلافى معاه فى انه ناصرى  بس عادى تمر الايام واشوفله  برنامج امبارح معجبنيش فىه بعض  كلامه فى حكايه انه هيدعوا للمظاهرات لو نجح الفلول لانها هتكون مزوره  ولو كانت مش مزوره هنزل مع الشعب لانه مش هيحقق مطالب الثوره بصراحه حسيت بكلامه بحاجه مش عجبانى  غير انى فى بعض حوراته قبل كدا بحس بحاجات كتير مابتعجبنيش  بس يعنى مافيش رئيس ملاك  هو لحد دلوقتى ماعملتش عليه كنسل بس الله اعلم يمكن اكنسله   بس بصراحه يمكن ينكسل وعمرو موسى عندى انا متنكسل اصلا  ربنا يسهل فى الباقى ادعولى انى موصلش انى اقاطع اصلا لعدم وجود المناسب 
وبصراحه بطريقه المرشحين وانصارهم هيخلونى اقاطع او انتخبلهم فلول  لان مش هنخرج من نظام ديكتاتورى لندخل لتكتاتوريه الثورجيين نفسهم  الديمقراطيه  لا تفرض  بالديكتاتوريه 
   

الأربعاء، 16 مايو، 2012

معارضه هشه


 درسنا زمان ان محمد على لما اراد ان يستقل بالحكم  عمل مذبحه القلعه للتخلص من المعارضه بعد مانفى عمر مكرم وقضى على الزعامه الشعبيه  هى كمان    ومبارك كمان لما كان هيورث الحكم لجمال كان بردوا لان المعارضه هشه وضعيفه ويقدر يلعب بيها  والان بعد الثوره نظل  فى عصر مبارك  لان المعارضه الهشه  والواحد بيتفرج على نفسه وعلى الناس يعقد يضحك ليه لان  لما نيجى نعارض  احد المرشحين  نلاقى مثلا نعارض الفريق  احمد شفيق بتريقه على البلوفر  بتريقه على  غلطه  لسانه بتاعه قتلت واتقتلت  على جمله كنت فى الميدان 850 يوم اللى لما نركز فى معناها فى الحوار نلاقيها انه لا يقصد ايام الثوره ولكن يقصد عمره اللى قضاه فى عمله    لكن احنا نقعد نتريق على اتفه الاشياء وخلاص  ونفس الوضع فى عمرو موسى نقعد نتريق على ذله لسانه بتاعه ان ايران دوله عربيه  بالرغم ان المناظره فيها حاجات كتير تنقض فيها موسى لكن احنا نيجى للهيفه ونتريق   عارف انكم بتقولوا عليا فلول  عشان اكلمت عن الفلول ماشى ندخل على مابعد الفلول  نمسك مرسى  كل نقضنا عليه انه استبن  وانه مش كاريزما وكل دا  عشان اتخنقا من الاخوان  قليل اوى اللى بينتقد مرسى علشان مرسى وبرنامج مرسى   كله بيتريق وخلاص يمكن النقض المفيد الوحيد اللى كويس هو توضيح انه لايصح ان تكون السلطات كلها فى يد حزب واحد حتى لانعيد الحزب الوطنى من جديد وردا  على  الكلام الفكسان بتاع الاخوانجيه اللى يقولك شوف تركيا والكلام الحمضان دا ماينفعش ناخد الاستثناء ونعممه  ازاى انا اكون الحاكم والمراقب فى نفس الوقت ايه الهبل دا طب فين المعارضه طيب  طبعا مش هكلم عن معارضين ابو الفتوح لان معارضينه لسه بيظهروا  ولا معارضين  محمد سليم  العوا  ولا خالد على  لان ماظهرلهمش  معارضين  يادوب لسه المؤيدين بيزرعوا اصلا  ولا حمدين صباحى   بالرغم ان ظهرت له معرضه لكنها ايضا هشه يعنى ايه  اعارض واحد واقول عليه اخره وزير  ديه معرضه ديه   وطبعا باقى المرشحين بقى بسطويسى وابو العز  وغيرهم لانهم ماظهرش لهم مؤيدين اصلا عشان يطلع لهم معارضين لانهم مابيظهروش الا كل فين وفين
 و بالرغم اننا الان يجب علينا ان نختار الرئيس القادم  لكن معرفش ليه ينتابنى احساس باننا الان  يجب عليا ان نختار نظام  المعارضه  اولا   حتى لا نصنع مبارك اخر  فالرئيس الفاسد   تصنعه المعارضه الفاسده او الهشه  المثل بيقول يافرعون ايه فرعنك قال مالقتش حد يلمنى   يعنى المعارضه القويه افيد بكتير من الرئيس القوى  احترمت البرادعى لما قرر يعمل حزب واتمنى ان يكون حزب قوى واتمنى غيره يقوم بانشاء احزاب اخرى اقوى بدلا من الاحزاب الهشه اللى كانت فى عصر مبارك
  قانون عزل الفول الذين افسدوا الحياه السياسيه  اويدوه ولكن من هم الفلول الذين افسدوا الحياه السياسيه  ليسوا من كان يشتغل مع النظام السابق   ولكن المعرضين الضعفاء للنظام السابق   و  كل من  شارك فى الحياه السياسيه بفسادها فى النظام السابق معرضين قبل المؤيدين   ولذلك احترمت الدكتور البردعى لما  تذكرت انه رفض الانضمام لاى حزب ايام عصر مبارك  ايام ماكان لجنه الاحزاب فى الحزب الوطنى بمعنى انه رفض ان  يعارض تحت ايد اللى بيعارضه  كل المعارضين  الضعفاء ايام مبارك ليس لهم الحق ان يشاركوا فى الحياه السياسيه ولكن الذين لهم الحق ان يشاركوا فى الحياه السياسيه بجد هو كل  من دعى ليوم 25 يناير 2011  اللى  كنا بنتريق عليهم ونقول عليهم متامرين وهبل لما حددوا الموعد   لانهم  هم الى كانوا المعارضين الاقوياء 
واخير  مشهد سخيف لما الاقى انصار كل مرشح يعارض المرشح الاخر بشويه تريقه  شئ لايبشر بمعارضه قويه ولكنه يبشر بمعارضه هشه ورئيس  يحلم بالتوريث
    

الثلاثاء، 1 مايو، 2012

خطاريف وهلوسه

من زمان  وفى ناس بتقولك الانجيل اتحرف من زمان والتوراء اتحرف  وكلام بيجر كلام عن تحريف  الكتب السماويه و يجى حد يقولك لو هنفكر ايه الدين اللى سليم ومين اللى متحرفش ونسئل ايه اللى يضمن ان القران لم يحرف بعد يرد واحد يقولك ربنا اتوعد بذلك فى القران بقوله تعالى ان انزلنا الذكر وان له لحافظون   طيب ماشى بس نرجع لما نيجى نقراء عن الصحابه وكتاب الوحى نلاقى ان عبد الله ابن ابى السرح  ارتد عن الاسلام  لانه كان يحرفه  ويحكى ان عندما نزلت  سورة المؤمنون وكان عبد الله بن أبى السرح يكتُب، فكان النبى يتلوا ايات خلق الإنسان من السورة  لقد خلقنا الإنسان من سلالة من طين... إلى اخر  الأية  ولما انتهى النبى من تلاوة الأيات وتوقف عند قوله (ثم أنشأناه خلقا آخر) عِجب عبد الله  ابن ابى السرح  من تفصيل خلق الإنسان فقال " تبارك الله أحسن الخالقين " فقال له النبى أكتُبها فهكذا أوحيت إلي  فشك عبد الله ابن ابى السرح  في نبوة مُحمد وقال إن كان صادقاً فقد أوحى إلي مثلما يوحى إليه، وإن كان كاذباً فإنما أقول مثلما يقول  فعزِم عبد الله على التأكُد مما وصل إليه من نتائج فأستغل ثقة النبى به والمكانة التي وضعه النبى فيها بشكل سئ  فقام بتحريف الوحى أثناء كتابته  فكان النبى إذا أملى عليه (إن الله كان سميعاً عليماً) يكتُبها عبد الله (إن الله كان عليماً حكيماً) ولما لم يكتشف النبى ذلك التحريف، تبين لـ عبدُ الله كِذب نبوة مُحمد وترك المدينة المنورة هارباً سراً إلى مكة ليلاً، وعند وصوله إلى مكة أعلن عودته إلى ديانة العرب وأنه اكتشف كذب نبوة مُحمد وروى قصته مع تحريف القران     وتمر الايام  ويعود الى الاسلام مره اخرى   طيب لما اقرا  انا هذا الكلام  كيف  اصدق ان القران لم يحرف بعد  ازاى  وان كان ارتد  احد كتاب الوحى فكيف نحاسب احد على كفره او الحاده فى هذا العصر عصر الفتن  الغريب ان كل دين بيه جزء  لايقبله العقل بالمنطق كل الاديان  توراء انجيل قران  كله فى جزء نسميه غيبيات  سواء صلب المسيح وتعذيبه وقصته  او عندنا مثلا الاسراء والمعراج او فى التوراء  معرفش ايه كله فيه جزء لا يمنطق باى منطق  فكيف نؤمن بالاديان  ونحن نريد ان نمنطق كل شئ  الله اعلم ممكن يكون  د/  مصطفى محمود  منطق الكثير فى كتابه لرحلتى من الشك لليقين ولكن كان اليقين الذى يبحث عنه هل الله موجود اساسا  ام لا  لكن وجود الله امر لا يشك فيه احد ان كان مسلم ولا مسيحى ولا يهودى  دا حتى  البهائىين  والفراعنه  كانوا مقتنعين بوجود الله يعنى غالبا اللى لا يؤمن بوجود الله  اساسا بدعوى نظريه الصدفه  والوجود كان موجود  ديه قله مندسه عن البشريه  ولو تعمقت فى الكون لوصلت لليقين الذى وصل له عالمنا الجليل بوجود الله  لكن اختيار الدين بقى اصلا  سواء مسلم او مسيحى او يهودى كيف تقتنع بالاديان اساسا وكل دين له غيبياته  الغير منطقيه  يمكن دا  اللى بيخلينا على الدين اللى اتولدنا لقينا اهلنا عليه  يادوب بنقتنع بوجود الله سبحانه وتعالى  فبنرضى بغيبيات دينا   وعلى راى المثل اللى يشوف غيبيات دين غيره يؤمن بغيبيات دينه  ماهى كلها غيبيات   
انتهى  

Follow by Email

Tetris