السبت، 28 أبريل، 2012

ازدراء الاديان


كتير سمعنا عن  قضايا ازدراء الاديان  لمشاهير كتير  اخرهم عادل امام  وقبله  نجيب ساويرس  وقبلهم ياما اتكفر ناس  ومش فاكر مين قبل كده فرقوا بينه وبين مراته  لاتهامه بقضيه مشابه وبيبقى اللى رافعها محامى مانسمعش عنه قبل كده او بيبقى محامى بنحفظ اسمه فيما بعد لكثرت رفعه القضايا اللى من نفس النوع ده  اللى انا عايز اعرفه مين بيحاسب مين مين يقدر يجزم بان فلان بيذدر الاديان  و مين اللى يحاسب  ويحكم   استرجعت احداث ماضيه وتذكرت ان الدنيا اتقلبت لما يحيى الجمل نائب رئيس الوزراء السابق قال  ان لو ربنا اتعمل عليه استفتاء  وخد 70 %  يحمد ربنا    وازاى يقول كده دا تطاول على الذات الالهيه  وطالبوه بالاعتذار   ساعتها تسائلت يعتذر لمين هنقول انه غلط فى ربنا  وعايز يتوب يبقى هيستغفر  انما هيعتذر للشعب ليه هو الشعب ربنا  طب ليه قولنا على يحيى الجمل  انه  تطاول على ربنا وماقولناش على  من طلب منه ان يعتذر انه تطاول على ربنا على اساس انه هو مش ربنا عشان الراجل يعتذر له لما يغلط فى ربنا  ليه اتهمنا دا ولم نتهم دا هو حتى فى دا كوسه  رجعت بيا الذكريات اكتر ان الدنيا اتقلبت على يوسف شاهين لما عمل المهاجر ازاى يعمل فيلم عن سيدنا يوسف  واتقلبت الدنيا  كمان على قناه ميلودى لما عرضت مسلسل عن السيده مريم   ومسلسل سيدنا يوسف ازاى ومش ازاى والدنيا اتقلبت اكتر من مره عشان عمل فيلم او مسلسل  عن رسول او صحابى   والامثله كتير من ايام فيلم الرساله وقبلها وبعدها   والمهم ان  الدنيا لم تنقلب  على الاخوان ولا حد اتهمهم بازدراء الاديان لما شبهوا خيرت الشاطر بسيدنا يوسف  و مرسى بلقمان  لاحد اتهمهم بازدراء الاديان ولا حتى حد اتهمهم بالتطاول على الرسل والانبياء ايه  مستنينهم  لما يطلعوا واحد يقولوا عليه سيدنا محمد ولا ايه  المحامى النزيه ده  اللى كان بيطلع ويرفع القضايا راح فين نايم ولا ايه  ولا شايف ان دا امر عادى ولا هى القضايا امزجه ولا ايه نكفر اللى على مزاجنا  ونشبه الرسل بالناس اللى على مزاجنا   وبيقولولك  الاسلام  هو الحل  اسلام مين اللى بتكلم عليه  اسلام دا واحد صحبهم ولا ايه    بس الموضوع عدى  يادوب شويه سخريه من معارضيهم سياسيا   وخلاص انما كدينيا  ولا كأن حصل حاجه ايه   دا مافيش حد حتى طالبهم باعتذار ايه هو دين الشعب واخد ترمادول ولا ايه   معلش يعنى لو هنرفع قضايا نتهم بعض فيها باذراء الاديان   يبقى فى مساواه بقى  يعنى مانرفعش على ناس وناس لا وكل واحد شايف حد مزدر دينه يرفع عليه قضيه صحيح احنا كده البلد كلها هتبقى فى المحاكم  بس نعمل ايه بقى لازم المساواه والحريه
انتهى  

هناك 8 تعليقات:

سواح في ملك اللــــــــــــــــــه- يقول...

الموضوع شائك ياعمرو

مصطفى سيف الدين يقول...

هل الاسلاميين يريدون الانتقام؟
هل هو مجرد انتقام للانتقام
لو بدئنا عصر انتقامات جديد و تصفية حسابات قديمة لن ننتهي ابدا و لتحولت مصر لساحة حروب اهلية
ما حدث مع عادل امام يجب الوقوف عنده لأنه يعني ان حرية الرأي التي كانت ثورتنا من اجلها اصبحت هباء منثورا
تحياتي

Räumung wien يقول...

شكراً لكم ع الموضوعات المتنوعة ...

Übersiedlung Wien يقول...

لو كانت قضية فعلا .. لكانت رفعت قبل هذة الاونة ولكنها تصفية حسابات

Zwangsräumung يقول...

هو شيىء مشين
و انا كشخص مسلم اؤمن بالقرآن
تعلمت منه فى سورة الكافرون " لكم دينكم ولى دين "

Firmenumzug Wien يقول...

شيىء مؤسف

Entsorgung يقول...

اتمنى تحديث الموضوعاااااااااات

Entsorgung Wien يقول...

فين الموضوعات الجديدة .. ؟؟

Follow by Email

Tetris