الأربعاء، 18 أبريل، 2012

اما انا او الفوضى


 كلمه قالها المخلوع  عليكم الاختيار بينى وبين الفوضى  الكل قال هو اللى صانع الفوضى واتفقنا ان  كان حب السلطه  له ولابنه  وراء جملته وتهديده مرت الايام  واحنا بنتفرج على الوجوه التى ارادت السلطه او من وجهه نظرهم يريدون خدمه الوطن  خدمه مصر  ولكن كان ينقصهم الكرسى لكى يمتلكون زمام الامور ويقدرون العمل من اجل مصر  موافقين تمر الايام ويستبعد مجموعه من المرشحيين للرئاسه  فنرى من يقول سننزل الميدان ونرى من نزل بالفعل انصاره للميدان ويتهمون المجلس بالتزوير وكانهم يقولون نفس جمله المخلوع يا انا يا الفوضى  بس السؤال هل هؤلاء يؤيدون مصلحه مصر بجد ام مصلحتهم الشخصيه   وفقط 
وهل مصلحه  البلد فى السلطه ولا فى المعارضه  تراودني اسئله كثيره منذ ان فتحت الاخوان فرع الحزب الوطنى معاملات اسلاميه   اغلبيه مجلس الشعب  ومرشحين كمان للرئاسه ويعملوا الدستور  ومش بعيد حزب الحريه والعداله يعمل لجنه الاحزاب فى الحزب  ويبقى السلطه والمعارضه ايد وحده مثل ماكانت عليه
احترمت البرادعى عندما انسحب  اى كان السبب بالرغم اننى لم اكن اؤيده من الاول  واحترمته اكثر عندما سمعت انه هينضم او هيكون وكيلا لموسيسين حزب الثوره لانه شايفه بداء يحاول يصنع معارضه بجد  مش شكليه  فوجود  معارضه  قويه مراقبه للنظام   لايقل اهميه للبلاد  عن وجود سلطه تسعى لعمل شئ كويس لمصر  بل بالعكس المعارضه المراقبه للنظام  اهم من النظام نفسه   ولكن  مايحدث ممن غاضبون باستبعادهم من الترشح واتهام الجهات بالتزوير  او ترك الانصار  يتصرفون حتى يعود للمنصب  او ينزل للميدان   يوضح انهم طالبين سلطه وفقط  واذا لم يحصلوا على سلطه فسيتحولون الى معارضه فاسده تسعى الى  الحصول على السلطه  وتلعب على اّلاّم الناس  للوصول الى السلطه وليس لمصلحه الناس او البلد  فهولاء شعارهم  نفس  شعار المخلوع  اما هما او الفوضى  فهم اوجه لمبارك  ومن نظام مبارك  فليس فقط من كان يحكم ويزرع الفساد  يحسب على النظام  لكن  المعارضيين الفاسدين ايضا الذين يريدون الحصول على السلطه ويستخدمون فساد النظام وسيله  للوصول الى اهدافهم فهؤلاء ايضا  يحسبون على النظام وليس الثوره  فكلهم شعارهم اما انا او الفوضى  
 اتمنى من المستبعدين من الترشح ان يبداؤا المراقبه على النظام  ويكون هدفهم مصلحه البلد اولا مش يراقبوه تصيد اخطاء انتقاما  واتمنى ان كل مرشح يلم انصاره ويفكروا معهم مره لمصلحه البلد لا فى مصلحتهم الشخصيه  اتمنى ذلك من المستبعدين وايضا الذين لن ينجحوا فى الانتخابات القادمه

هناك 5 تعليقات:

ehab bomman يقول...

علشان يحصل ده لازم يكون الناس دي اصلا هدفها الأول هو مصلحة البلد فعلا مش مجرد طمع في السلطه
لكن للأسف بريق الكرسي غير نفوس ناس كتير كنا متخيلينهم فرسان الحق واتغيروابمجرد ما قربوا من الكرسي العالي
مقدرش الومهم قوي لأني مجربتش جايز يكون الأغراء قوي بجد وكلنا ضعاف النفوس لكن السؤال بقى مادمنا كلنا ضعاف كده قدام اغراءات السلطه يبقى ايه اللي يميزك عننا علشان تتقدم للمكان ده

تحياتي اخي العزيز

شمس النهار يقول...

قال حاجتين
ياانا ياالفوضي
والمافيا بتوعه شغالين في البلد
واخر حاجة حريق السويس المدبر
والحاجة التانية خاليهم يتسلوا
ومن يومها وخلق الله بتتسلي علينا

مصطفى سيف الدين يقول...

للاسف نحن من صنعنا الفوضى كشعب بتعصبنا الزائد
التعصب هو من اضاع ثورتنا

غير معرف يقول...

للاسف لم يقل مبارك هذا الكلام ياريت تسمع كويس او تقرا كويس والله واضح اننا فعلا اصبحنا في زمن الرويبضة كما قال رسول الله

Zwangsräumung يقول...

كل حاجة فيها حاجة

Follow by Email

Tetris