الاثنين، 9 أبريل، 2012

حريه الالحاد بدايه الهدايه والتشدد بدايه الالحاد


صفحه غريبه على الفيس طلب منى احد الاصدقاء الدخول عليها وعمل ريبورت ليها   صفحه صاحبها ملحد اساسا متقمص دور الشيطان  يسب الله والرسل وامهات المؤمنين  ويكتب كلام قبيح على شكل القران  والصفحه مليئه  بالكلمات الابيحه واقذر الشتائم لله والرسول وامهات المسلمين  والاديان  ممكن نكون اتعودنا على كدا  كل شويا يطلع علينا حد يفتكس حاجه مره عبده شيطان ومره المهدى المنتظر ومره تعرى علياء المهدى وقبلها الفنانه التشكيليه هال الفيصل  و قبلهم  ظهورالبهائيين وملحدين  واخيرا وليس اخرا الشيطان الوسواس الخناس  الغريبه انهم كلهم بيستخدموا  كلام بعض الشيوخ او ما اطلقوا عليهم شيوخ  ليعيبوا فى الاسلام فى صفحه الشيطان الوسواس الخناس يقول اركان الاسلام الخمسة :الغزو السبي السطو المسلح النكاح طلب معونة الكفار لمن استطاع إليهم سبيلا وطبعا هما مش كده  بس ماهو شيطان بقى واحد وملحد
 وعلياء المهدى لما اعابت على الدين  عابت عليه لقهره المراه
و  عندما وضعت صور المحجبات الذين خلعوا الحجاب   كانت من وجهه نظر ان المجتمع هو اللى فرض عليهم الحجاب باسم الدين  حتى كريم عامر صديقها كانت وضع له صورتين صوره وهو سلفى بذقن وصوره بعد ما ترك  السلفيين 
وطبعا الاسلام برئ مما يدعونه 
اللى بيستفزنى مش الحادهم ولكن اللى بيستفزنى الرد على الملحدين  عندما يظهر ملحد  نتهمه بانه عايزز يظهر وعايز يكون تحت الاضواء  او ان فى حد مسيطر عليه  الغريبه ان فعلا الملحد بيكون فى حد مسيطر عليه  الحد دا هو المسلمين نفسهم  لانى لما اكون ملحد ويجيى مسلم يشتمنى عشان انا ملحد طب يعنى انا كده هسلم  ما انا شايف المسلم زباله  ان كان الملحد الحد اساسا لما نظر الى مجتمعه فلقى شيخ بيقوله معرفش مين شربت بول الرسول  و خطب على عذاب القبر وحجاب والمراه المتبركه  و شيوخ زواج المتعه وقصصه والذين يستغلون التعدد ويفسرونه على مزاجهم بحجج غيبه  واحنا شعب اساسا لا يقرا القران اصلا الا القليل او فى رمضان ولا نعلم عن الدين الا القليل وبالتالى ما نسمعه من جعجعت انصاف الشيوخ   قد تجعل من بعض الناس يبلحدون وبعد ذلك نتهم الملحدون بانهم يطلبون شهره بالرغم من ان هذا الاتهام يسئ لنا فهل نحن و دوله مثل دولتنا  لا يشتهر فيها احد الا اذا الحد او خرج عن المالوف يالها من مسخره عندما يصل الى الاجيال القادمه باننا دوله لاننجم فيها احد الا ان كان فاسدا  او ملحدا  وهو يشتهر ونحن نسب  فهل السب يهدى احدا هل عندما نشتم احد سيرجع عن الحاده  لا اعلم لماذا اتوقع ان حريه الالحاد هو بدايه  الهدايه والتشدد بدايه الالحاد  اتركك تلحد واحاورك  بالمنطق لا بالسب لتعلم الدين صحيحا  ليس الدين الذى يتلاعب بيه المتأسلمون  ونصحح مايرسلونه المتأسلمون من رسائل  خاطئه عن الاسلام بدون قصد ولا اثبت لك فكرك الفاسد عن الاسلام 
فان كنت غليظا لانفض الناس من حولك  هذا هو الدين ولكننا  الان غلظاء وباكثر من وجهه نسئ الى الدين  ثم نهاجم من يلحد بالدين الذى نشوهه بدون قصد لحملنا لاكثر من وجه نربى  عند الملحد صوره سيئه عن  الدين والمسلمين وعندما يلحد  نشتمه ونسبه وكأننا نريد   اثبات ما شوهناه
الى اين نحن ذاهبوان  

هناك 12 تعليقًا:

سواح في ملك اللــــــــــــــــــه- يقول...

لاتقرأ هذه الصفحات ياعمرو فهي لاتستحق عناء قراءتها

تحيتي ياعمرو

شمس النهار يقول...

ونرجع ونقول
السبب الخطاب الديني

واننا سايبين الدين لمن هم ليسوا اهل له
وان انفصل السلوك عن العقيدة تماما
دينا سلوك وعبادة

ونسينا الدين الصحيح

Noha Saleh يقول...

الصفحات دى الناس بتتعامل معاها غلط المفروض يعملوا لها ريبورت وخلاص لكن اللى بيحصل انهم بيشتركوا فيها ويزودوا عدد معجبيها وده غلط جدا

نور القمر يقول...

لا حول ولا قوه الا بالله .. لا تعليق الصراحه
مع تحياتى لك
..
نور

re7ab.sale7 يقول...

انا مع سواح ف ملك الله ان الصفحات دي لا تستحق عناء فتحها لا قراأتها وحست
وانا مع ان المفروض تاكلم مع الاشخاص دي بالعقل وبالاقناع وبالادله
لأنهم بيكونوا مغيبين
والصراحة انا مش بدخل في جدال غير لما يكون عندي الدليل المقنع
عشان اعرف اجادل الاشخاص دي
وبقابل منهم كتير
والحمد لله اني وسط بين كل شيء

مساءك بنفسج
وسعيدة اني شوفتك في لقاء اسكندرية

انت مكتبتش لية عنه؟

entrümpelung wien يقول...

هو افضل حل
انك اصلا ما تتدخلش عيها خالص لانو بيظهر له عدد الزيارات
ودة بيحسس بأهمية الصفحة ااقصد Admin
ولا تشتم ولا تدخل عليها خالص
لانو خير الرد على السفيه تجنبا

عمرو يسرى يقول...

سواح فى ملك الله
هى صحيح صفحات لا تستحق القراءه لكن وجودها وكثرتها تستحق الدراسه
تحياتى لك

عمرو يسرى يقول...

شمس النهار
هو السبب مش الخطاب الدينى فقط بل جميع الخطابات دينى وغير دينى
تحياتى

عمرو يسرى يقول...

نهى صالح
المشكله ان الناس بنشروها اكتر بدعوه عمل ريبورت لها
تحياتى

عمرو يسرى يقول...

نور القمر
تحياتى

عمرو يسرى يقول...

رحاب صالح
وانا اتفق معاكى
وانا الاسعد بلقاءك فى تجمع الاسكندريه 3
وبخصوص اللقاء كل ما افكر اكتب عنه من جماله بتضيع منى الكلمات
تحياتى

عمرو يسرى يقول...

entrümpelung wien
هو مش محتاجين انى ادخلهم فهم لهم مؤيدين كتير
تحياتى

Follow by Email

Tetris