الخميس، 5 يناير، 2012

من سيكتب التاريخ



فى الفتره الاخيره قبل الثوره والى الان ظهرت ناس كتير بتترحم على ايام الملك فاروق وتقول الاقتصاد ايامه كان قوى   واتفرج على افلام اسماعيل يس  القديمه  تعرف ان الدولار كان بريال   والتاريخ كمان بيقولك ان بريطانيا كانت مديونه  لمصر رغم احتلالها    ولا  انسى الفنان حسين فهمى لما تحدث  فى برنامج  هاله سرحان وقال ان حلون كانت بتاعته والملك كان بيقوله يامولانا  معرفش ليه انتابنى سؤال  ماذا سيقال عن مبارك فيما بعد هل مانتحدث بيه عنه من فساد وظلم هل سيقال عنه  فاسد ام سيقال عنه كانت ايامه  ايام عز مارينا وساحل شمالى  وحفلات التليفزيون  اللى كان بيروحها الشباب  البسيط الغلبان   فى مارينا والساحل الشمالى ولا الانترنت  والقنوات الكتير المفتوحه وحريه التعبير التى  قضت عليه فى الاخر وانه كان سايب الناس تتكلم بحريه  ولا هيتقال  ايه
ابناء الملك  تكلموا بعد اكثر من خمسين سنه وجعلوا الكثير يتكلمون مثلهم   فماذا سيفعل ابناء مبارك  الذين  ظهروا من اول لحظه سقوط مبارك ماذا سيقولون بعد خمسين سنه
ابناء الملك او بتوع احنا اسفين ياملك بداءو يفهموا الناس من فتره بان  ماحدث فى يوليو 52  انقلاب  وليس ثوره  انقلاب عمله الجيش بعض الناس قالت انقلاب تحول الى ثوره عندما ايده الشعب  وهذا صحيح   والبعض الاخر قال لا مازال انقلاب لان لم يؤيده الشعب لان اللى كان يعارض نظام عبد الناصر كان بيبقى مصيره السجن او المعتقل وكثير من الافلام تكلموا عن زوار الفجر فى المرحله الناصريه وقد يدهش الكثير من  المرحله الناصريه  ويتسائل  لماذا كانوا  يحبون  عبد الناصر  ومن يحبه الى الان بالرغم من  زوار الفجر اين كانت الحريه فى هذا العصر بالطبع كل واحد احب حاكم   كانت له وجهه نظر وجهه نظر من احب الملك قال  الاقتصاد على ايامه والحياه والعيشه بالرغم انه ماكنش عايش ايام الملك واللى كان عايش ايام الملك وبيحبه غالبا كان من الاقطاعيين   ومن احب عبد الناصر  اكيد كان من الغلابه   اللى يهمهم  اكل العيش وبس  ولا يهمهم سياسه ولا اى حاجه  وبالتالى  لم يحتك بزوار الفجر  وكمان لم ينضر بقوانينه لان عبد الناصر كان قرارته مع  طبقه الناس الغلابه اللى هو منهم   لكى يصعدوا  الى  اعلى  على حساب   طبقه الاقطاعيين   والناس اللى معاها فلوس   اللى جعلهم غلابه فيما بعد  وظلم الكثير منهم   ولن اتكلم على السادات  لان من احب السادات او كرهه  كان عن اختلاف فى وجهه نظر سياسيه اما عن السلام مع اسرائيل او عن  ترك الاخوان يلعبون  لان فترته كانت فتره استرداد ارض  يعنى ملحقش يعمل حاجه   فى الشعب  الا قليل   
ولكن يظل السؤال من سيكتب التاريخ  الناس الغلابه  ولا الطبقه الراسماليه   و لا القوى السياسيه   اللى ليهم مصالح خاصه  ولا مين  كل قرار بيتخذ فى اى عصر من العصور  له مؤيدون ومعارضون ومستفدين ومتضررين  فمن يحكم على القرار ومن  يؤكد ان هذا القرار فى مصلحه البلد او  ضد مصلحه البلد
وماهى مصلحه البلد  هل هى مع القرارات التى تخدم الغلابه ولا التى تخدم الراسماليين  الذين يعملون المشاريع الاقتصاديه  التى  تنعش اقتصاد البلد   هل كانت مصلحه البلد مع الاقطاعيين  ايام الملك والمحتكريين ايام مبارك  ام الغلابه فى العصريين  ومتى  ياتى الحاكم  التى يستشعر بان مصلحه البلد فى القرار اللى يخدم الاثنين  وهل يوجد  قرار  يمكن يخدم الاثنين معا بدون التجنى على احد  منهم  ولو وجد هل سيقتنع الاثنين  بان القرار فى صالحهم

هناك 11 تعليقًا:

سواح في ملك اللــــــــــــــــــه- يقول...

للا سف لايوجد من هو محايد يكتب مالك وماعليك

فكل يكتب من وجهة نطره سواء كان كارها او محبا

تحيتي

شمس النهار يقول...

التاريخ يجب ان يكتب من شخص محايد لايوجد هذا الشخص اصلاااااااا

انما هناك انجازات علي ارض الواقع تقول ده وماحدش يقدر ينكرها مهما زايد عليها
وفي بوست انا كتبته وفي التعليقات سألتني قوس قزح ليه الناس حبت عبد الناصر رغم النكسة وزوار الفجر وحاجات كتير غرقت البلد نعاني منها الي الان اولها ان طلق ايد العسكر في البلد فاخربوها
وجه السادات كان عنده تركة جامدة اهمها استرداد الارض علشان ماينفعش نعمل اي حاجة ورقبتنا مكسورة ومحتلين
الرجل عملها بطريقته وقناعته
ايه اللي حصل ولا ماخصلش المهم الارض رجعت وفي كل الاحوال مابتعرفش ترضي حد
اتهموه بالخيانة وهم دول اللي بعد كده قعدوا مع الصهاينة ورضيوا بالقيلي
ماعلينا
التاريخ عمره ماهيتكتب صح

شمس النهار يقول...

ده لينك البوست هتلاقي الاجابة في تعليقي علي قوس قزح

http://shams-elnahar.blogspot.com/2010/10/blog-post.html

♥نبع الغرام♥♪≈ يقول...

للاسف مافيش حد كويس وأهل للثقه كله كلام كدب فى كدب

بتمنا من الله يحفظ شعبنا وخلاص من اى شر

sony2000 يقول...

والله هنشوف

حتا لو في ظلم
بس فالاخر
الحقيقه بتتكشف

الموجى يقول...

سواح فى ملك الله
وهذه هى المشكله التى تجعل كتاب التاريخ دائما كتاب كاذب

الموجى يقول...

شمس النهار
هذه هى المشكله التى تجعل كتاب التاريخ دائما كتاب كاذب

الموجى يقول...

شمس النهار
قرائته واستفد منه
تحياتى

الموجى يقول...

نبع الغرام

يارب
عندك حق

الموجى يقول...

سونى
خلى عندك امل
الحقيقه عمرها ماهتنكشف حتى لو اراد اصحابها نفسهم فالحقيقه لها اوجه كثيره تحولها لسراب
وهنشوف وهنعرف ان الاسود لم ياتى بعد بكل تفائل

اخبار فنية يقول...

لن تظهر الحقيقة الا بعد اعواااااااااام
وغير منصف ابدا كتابته الان ...

Follow by Email

Tetris