الأحد، 25 ديسمبر، 2011

هل عادت النخوه للمصريين تانى ام هى استغلال موقف ام هى نخوه ثوريه فقط ؟



لما بداءت الصوره تنتشر بتاعه البنت اللى اضربت وتعرت  حاولت  استغل  الموقف و العب مع صاحبى اللى بعتلى الخبر اول مره  على الشات  لعبه   فرديت عليه رد قليل الادب يسىء للبنت  فغضب وقالى ماتقولش عليها كده  استمريت  فى ردى الابيح   فغضب وانفعل و قالى ديه احسن مننا  ديه نزلت واحنا لا    فسكت وعندما قابلته قولت له  احسن حاجه حصلت فى الموضوع  دا ان النخوه رجعيت للشعب المصرى  وليك على كده مش هتقعد تعلق على اى واحده رايحه ولا جايه وتعاكس  قام  قايلى لا الوضع مختلف   حاولت اعرف مختلف فى ايه  اللى انضربت واتعرت  بنت  واللى ماشيه فى الشارع بنت  يقولى لا ديه محترمه لابسه عبايه  وواحده ايجابيه ولها موقف وتقابلت  بعنف  انما اللى ماشين فى الشارع شوف لبسهم ايه    طب ايه  ارد عليه بكلمه ابيحه بقى ولا ايه  ومين قال لك ان البنات اللى بتكلم عليهم و على ملابسهم مش محترميين  ولهم مواقف ايجابييه   ايه التناقض دا
لذلك لم استغرب من توفيق عكاشه  لما  اتكلم بطريقه سيئه على البنت وقال ايه البنت اللى لابسه عبايه على اللحم ديه  من امتى البنات بيلبسوا  العبايه على العرى  لان مازال المجتمع متناقض  ينفعل بموقف  ساعه ثوره وهو اصلا معندوش المبداء  دا بس  هى لحظه  تعاطف مع البنت   وخلاص  وطبعا البعض  استغلالها  لكسب  ارض جديده   فى اللعبه السياسيه يعنى اصلا لاكان عنده نخوه ولا حتى رجعتله   والبعض كانت مجرد عنده نخوه ثوريه وفقط   اتمنى ان  حادث البنت  التى ضربت وتعرت ان يكون  عوده للنخوه التى ضاعت منذ سنيين  و التى تسائلنا عنها عندما حدث اكبر تحرش  فى وسط البلد 
وبكررها وسط البلد  فاكرينه وقت عرض فيلم  بتاع سعد الصغير ودينا   وظهر الكثير يتكلم عن ملابس البنات فى العيد  وهو مايحدث كثير عندما تسئل شخصا يعاكس  قيرد عليك يقولك انت مش شايف هى لبسه ايه ليحلل لنفسه المعاكسه  والتحرش  مسخره  حتى احد الشيوخ لما تكلم على التحرش  وقتها  كان يقول البنات هى اللى بتتحرش بينا بملابسهم  الفاضحه ولم يعيب على الشاب فى اى كلمه من كلامه   طيب اقول ايه  مافيش كلام يتقال غير كلام ابيح بصراحه 
  طب ليه الناس دلوقتى واخدها الجلاله عشان اللى ضرب  عسكر مش حراميه  ولا ايه 
  طيب الفديو دا بيقول ان اللى ضرب  وتحرش كمان  ثوار مش عسكر ولا حراميه 
وده كمان


كانت فين النخوه وقتها  ولا  النخوه تظهر ساعت المصلحه وبس ننشر الفديوهات  الناس   اللى فى البيت تغضب وتثور لمصالحنا الشخصيه وبس   نخوه ثوريه واحنا نكسب  مصالح سياسيه وفقط


اتمنى ان الموضوع  مايكنش نخوه ثوريه وفقط   و تكون النخوه رجعت بجد تانى  للمصريين  وهيكون دا اول حاجه  جميله تعملها الثوره   عوده النخوه   لكن للاسف الحقيقه  لسه النخوه غايبه  والناس   بتستغل الموقف  وبس  ياريت  تهدى الناس  شويه  وتريح نفسها  البلد مش ناقصه  

هناك 4 تعليقات:

سواح في ملك اللــــــــــــــــــه- يقول...

تاتي النخوة حين يريدوا النخوة

قصدي النخبة

mrmr يقول...

النخوه موجوده بس للى دمه حامى
والتحرش موجود واتمنى يكون اقليه
وعلشان نقضى على السلبيات بالايجابيات لازم الكل يحاسب نفسه ويرجع لربه ويشوف تعاليم الدين بتقول ايه ويلتزم بيها

وربنا يهدى عبيده

الموجى يقول...

سواح فى ملك الله
عندك حق

الموجى يقول...

مرمر
امين
النخوه موجوده بس اللى دمه حامى معاكى لكن ساعات كتير بشوف انهم قله والتحرش والمعاكسات موجوده انا بشوفهم اغلبيه للاسف
وعشان نقضى على السلبيات بالايجابيات لازم الكل يحاسب نفسه اولا ويرجع لربه ويشوف تعاليم دينه بتقول ايه معاكى بس ياترى مين بيسمع واللى بيسمع كام واحد فيهم بيلتزم

Follow by Email

Tetris