الأربعاء، 9 نوفمبر، 2011

التصويت من الخارج


طبعا من البديهى اذا توفر لك فرصه ان تصوت فى الانتخابات وانت خارج مصر  فوجب عليك عليك ان تصوت وتكون ايجابى
لكن بصراحه انا مش مع القانون اللى بيسمح للتصويت من الخارج  طبعا هتسئل  ليه هو مش من حقه مدام انه مصرى ان يصوت فى انتخابات بلده من اى مكان فى العالم   معلش مش من حقه ليه هو مش مصرى 
ماهو مش حكايه مصرى ولا امريكى ولا اسرائيلى ولا اى جنسيه
سؤال صغير   ينفع انتخب واحد فى مجلس الشعب فى دايره فى مدينه الاسكندريه وانا فى القاهره  او ينفع انتخب رئيس امريكا وانا فى مصر  الطبيعى ان انزل المدينه واشوف مين مترشح وكلام كل واحد واكون عارف احتياج البلد  ايه فى الفتره الراهنه عشان حتى اعرف اكشف الاعيب كل واحد
واحد يقولى  ياعم الحج دا المعلومات اللى بره عننا  اصح من اللى جوه   اقوله دا كلام فارغ ما فيش كلام صح 100%  عننا بيوصل للخارج او حتى فى الداخل  وماينفعش واحد ينتخب حد عن طريق السمع من الناس او من الاخبار ماينفعش لازم ينزل المكان ويسمع الراجل بنفسه ويشوف الجو العام ايه  مش مهم  كتر اصوات وخلاص  المهم ان كل صوت يكون دارس بوعى مين اصلح للبلد عشان يصوتله 
طبعا فى ناس الظروف اجبرتها تكون خارج البلد وقت الانتخاب 
 ماشى يبقى الانتخاب من الخارج بحدود  او بشرط ان اللى ينتخب يكون اقرب زياره له لمصر لاتتعدى سنه 

هناك 4 تعليقات:

Tears يقول...

صراحة مش مقتنعة بمبرراتك و اعتقد صعب اوى تقنعنى انى منعزلة عن اخبار بلدى و الاهم ان فكرة انتخاب ممثل الدايرة محتاج معلومات عن الدائرة و ابناءها و احتياجتهم هى فكرة كان بيروجها الحزب الوطنى لان عضو مجلس الشعب مهمته تشريع قوانيين مش خدمة اهل الدائرة كما يروجوا فى الدراما لتسفيه دور النائب و انا حينما انتخب فانتخب تيار فكرى زى اللى بينتخب الاخوان هو مش عارف فرد فرد لكن عارف توجهاتهم و ح يودونا في داهية ازاى

عمرو يسرى يقول...

tears
مش حكايه منعزله ولا لا بس اللى يتابع من بعيد غير اللى عايش وسط الناس يمكن ينتخب تيار فكرى معين بس كل تيار بيختلف من بلد الى بلد على حسب اللى بينفذه يعنى احنا لما نفذنا الاشتراكيه ماكنش اشتراكيه صح ولما استخدمنا راس ماليه ماكنتش راس ماليه صح والاخوان والسلفيين اللى بيقولوا اسلاميه مالهمش فى الاسلام اصلا كمان احنا دلوقتى فى احزاب طالعه جديده هتلاقى منهم فلول حزب وطنى واخوان وسلفيين والتلاته انيل من بعض وكمان معاد الانتخابات معروف من بدرى فيها ايه لو اللى بره اخد اجازه ونزل فى مصر يتابع من نقطه قريبه وينتخب عارفه ممكن اكون متفق معاكى فى ان تصويت من الخارج بس بشرط ان اللى ينتخب يكون لم يمر سنه على اخر زياره له مصر

شهرزاد المصرية يقول...

الأخبار تصل إلى الخارج كما نعرفها نحن فى الداخل يا عزيزى
و نسبة كبيرة ممن فى الخارج من المهنيين الذين يتميزون بالوى و لا يجب حرمانهم من الإنتخاب
كما إن هذا هو النظام المتبع فى الدول الديمقراطية و نحن نحاول أن نكون مثلها أليس كذلك؟

تحياتى

عمرو يسرى يقول...

شهرزاد المصرية
لا اعتقد انها الاخبار تصل كما تصل فى الداخل ولو حتى بتصل كما فى الداخل فى فى الداخل ايضا لم تصل الحقيقه كامله ومعاكى انهم لا يجب حرمانهم لكن اذا كانوا ظروفهم جعلتهم وقت الانتخابات خارج البلاد لكن لو هما اساسا عايشيين خارج البلاد من سنيين ولم يزورها بقالهم كتير فيجب حرمانهم من التصويت

Follow by Email

Tetris