الثلاثاء، 11 أكتوبر، 2011

(انترنت بلا فتنه) فاكرينها

 فى هذه الظروف التى تمر بها البلاد   اعتقد اننا محتاجين جدا لعوده حمله انترنت بلا فتنه 
فاكرينها 
 ياريت كل واحد  قبل ما يشير خبر على الفيس او على تويتر  يتاكد منه ولو الخبر فيه ضرر  ياجله  بلاش منه دلوقتى 
وياريت نبعد عن النكت اللى ممكن تعمل ازمه  سواء  ازمه بين المسلمين والمسحيين  او زياده الازمه بين الشعب والجيش 
ايوه بنعترض على سياسه المجلس العسكرى  وانا ساعات بتهمه بانه بيعمل الاعيب كتيره  بس  ماينفعش تزيد الازمه بين الجيش والشعب  مهما فعل الجيش  قبل انتقال السلطه الى رئيس جمهوريه  جديد .
  اللى نزل جمعه استرداد الثوره  وشاف ازاى منصتين فى الميدان بيتخانقه على قياده الميدان هيعرف  او يستنتج اهميه دور المجلس فى الفتره الانتقاليه و ايه المشاكل اللى هتحصل فى الانتخابات  القادمه  فاتمنى اننا نوفر مجهودنا للى هيحصل فى الانتخابات وبعدها وبعد انتقال السلطه نبداء نحاسب المجلس  على مافعله من اخطاء فى الفتره الانتقاليه  لكن دلوقتى مانذودش الازمه بين الشعب والجيش ونحاول الا نقع فى فتنه سواء فتنه بين مسلمين ومسحيين او بين الشعب وجيشه  نعم  قد يكون حدث خطاء من الجيش فى الاحداث بل بالتاكيد حدث خطاء  منه  او خطاء من احد المتظاهرين بل بالتاكيد حدث خطاء من  احد المتظاهريين  ايضا  لان الزحام بيصدر منه اخطاء لانك لايمكن تتحكم فى كل هذا العدد  لكن علينا الان نطالب بالتحقيق فيما حدث  وفى نفس الوقت بضبط  النفس  لان ارواح المصريين مسلمين ومسيحين  ليست رخيصه فيجب محاسبه المخطئ  وايضا فى نفس الوقت  لاداعى لزياده  الدماء 
 رحم الله شهداء البلاد  







هناك 5 تعليقات:

AHMED SAMIR يقول...

هنا القضية الجدلية الشهيرة
هل حجب معلومات او اخبار بغرض الخوف من حدوث فتنة يتعارض مع حرية الرأي و التعبير و حق الناس في المعرفة و لا لأ...؟!!

عمرو يسرى يقول...

AHMED SAMIR

الناس اكيد من حقها تعرف الحقيقه كامله بس مش وقت الاشتعال بعد ما الاشتعال يهداء وينتهى ممكن يعرف وقت الاشتعال نص الحقيقه والباقى بعد الهدوء وخصوصا لو كان الباقى دا مش هو اساس المشكله او كان حدوثه مبنى على حدوث المشكله لكن اساس المشكله يجب ان الناس كلها تعرفه وقت المشكله عشان مايتظلم حد فى المشكله وتوضح الرؤيه

وجع البنفسج يقول...

فعلا كلامك احنا بحاجة لعودة تلك الحملة لعل وعسى ..

""""
اللهم أنى أستودعتك مصر..♥ رجالها و شبابها .♥.

نساءها و فتياتها .♥. أطفالها و شيوخها .♥.

اللهم أنى أستودعتك ممتلكاتها و مبانيها و منشآتها .♥.

اللهم أنى أستودعتك نيلها و اراضيها و خيراتها .♥.

اللهم أنى أستودعتك أمنها و أمانها و أرزاق اهلها .♥.

اللهم أنى أستودعتك حدودها و بحورها و جنودها .♥.

فأحفظهم بحفظك يا من لا تضيع عنده الودائع و أنت خير الحافظين .

hana يقول...

كلام بناء فعلاً إحنا محتاجين كدة

وربنا يحمي مصر وشعبها من شر الفتن

الفتنة أكبر نار ممكن تحل على شعب

حمى الله مصر وشعبها وأرضها آآآمين

beautiful mind يقول...

اكيد يا استاذ عمرو كلامك كويس جدا
حالة البلد مش ناقصه
عارف احنا محتاجين ايه.
كحتاجين كل واحد يتقي ربنا ويراعي ضميره وكفايه بقي جهل وتخلف
ربنا يتولانا احنا والبلد

Follow by Email

Tetris