السبت، 17 سبتمبر، 2011

الجيش والشعب ايد واحده

 شعار جميل ظهر ايام الثوره بعد اختفاء الشرطه ونزول الجيش  بالرغم بانى مكنتش فهمه اوى لما طلع ومكنتش مصدقه اوى  اصل ازاى الجيش والشعب ايد واحده  ان كان اغلب الشباب مافيش حد فيهم عايز يدخل الجيش واللى بيلبس فى الجيش بيزعل وبيقول ايه القرف دا  ماهى ناقصه سنه تضيع فى الجيش من غير لازمه  وواحد داخل قبلى بكام يوم يعيش عليا الدور وكلام من دا كتير ويمكن الغالبيه  بتتمنى تاخد اعفى او تاجيل وفى ناس بتهرب من الجيش كان اشهرهم اخيرا المغنى المعروف اللى لما  حاول  يدافع عن نفسه كان بيدافع انه مش مسئول عن التزوير لانه ليه هيزور وهو خلاص قرب على سن الثلاثين يعنى هيدفع البدل وخلاص يعنى دافع انه ماكنش هيزور مش انه ماكنش عايز يهرب من الجيش رغم انه قاعد يغنى اغانى وطنيه ولو كنا بنحبها وكلام كتير بتاع اغانى  يمكن لانه شايف ان الكل عايز يهرب من الجيش يعنى الهروب من الجيش شئ عادى   والافيه الجامد زميلنا احمد  صاحب مدونه اسير الجراح اللى عمل مدونته وسماها اسير الجراح   اول ما خرج من الجيش  واضح ان الجيش اثر فيه اوى   بس بداءت اصدق الشعار دا لما فى احدى المرات لقيت صاحبى كريم  ايام الثوره  ونزول الجيش بيقولى الواحد كان نفسه يكون فى الجيش فى الايام ديه  صحيح هو بعد احداث  السفاره لما حبيت اهزر معاه وقولتله  شكلها هتقوم حرب وهيستدعوك  قالى بعد الشر  وربنا يستر  مش عشان البلد مش جاهزه لحرب ولا حاجه لا خوفا من انهم يستدعوه  لكن تراجع بعدها  وقالى والله لو ليا فايده فى الجيش  معنديش مانع  ووقتها تاكدت من ان الجيش والشعب ايد وحده  بس وقت الازمات  لان المصرى ماعندوش مانع من انه يدخل الجيش لو له قيمه وفائده داخله انما فى الوقت السلم  او فى الوقت اللى يحس ان وجوده فى الجيش مالوش لازمه  او على راى الفنان اشرف عبد الباقى فى فيلم الارهاب والكباب  انه يكون فى خدمه سياده اللواء واسرته  مش فى خدمه الوطن او انه مش هيستفاد حتى من وجوده فى الجيش  بيكون الجيش والشعب  مايعرفوش بعض   انما  ساعه الازمات وساعه لما الفرد بيكون وجوده فى الجيش له فائده وضرورى بيكونوا ايد واحده

هناك 4 تعليقات:

شمس النهار يقول...

انت عارف اللي اجندوا في 66 و67 علي انها سنة خرجوا امتي اخر 74 و75 وماكانوش زعلانين
بالعكس لما تقعد مع حد منهم تلاقيه فخور جداااااااااا
انه كان عسكري او ظابط احتياط ساعتها

AHMED SAMIR يقول...

رغم ككل شيء يبقى التجنيد شرف
تحياتي

sony2000 يقول...

علي فكره نفس الجمله اتقالتلي
(والله لو حصل حاجه وجت حرب لهدافع عن بلدي حتا لو فايدي سكينه)

ودا كلام من مواطن مصري فالجيش اعرفوا
ربي يحمي جيشنا يارب

منجي باكير يقول...

تحياتي و اعجابي بما تقدمه

مدونة الزمن الجميل يسعدها دعوتك إلى جديدها !


~

Follow by Email

Tetris