الأربعاء، 2 مارس، 2011

صفحات السفاله والاستعباط والاستهبال على الفيس بوك

دائما كنت اقول لنفسى ان شيئا عاديا ان يكون هناك الراى والراى الاخر يعنى ممكن ان يظهر حد ضد ثوره 25 يناير عادى او حد بيحب حسنى مبارك عادى قد تختلف الاراء بين محب و غير محب وكل واحد بيكون له راى حتى لو كان خاطئ ولكن نستغرب من اللذين يستعبطون ويستهبلون ويبدعون صفحات بجحه ومعتوه على الفيس بوك وانا بقلب على الفيس لقيت احد الاصدقاء مشير صفحه وكاتب تحذير عليها ممنوع الدخول لمرضى الضغط والقلب ...لان الصفحه مش جريئه لا..دى بجحه وغبيه ويارتنى سمعت تحذيره ومادخلت عليها ياترى الصفحه عن ايه امسكوا اعصابكم الحمله الجريئه لترشيح علاء مبارك رئيس جمهوريه مصر العربيه عااااااااااا    يانهار اسود على الاستهبال ايه العبط دا لا كمان الكبيره بيقولك قال ايه الصفحه مش عشان ترشيح علاء مبارك لا عشان الاعتذار لعم حسنى مبارك وقال ايه قال يعنى عايزين ابنه يمسك

هههههههههههه اشد فى شعرى يعنى اول مره اعرف ان الفبس بوك وصل لمستشفى الامراض العقليه والمتخلفين بقوا بيعملوا صفحات لا حول الله بقى الناس تخرج فى المظاهرات وتموت وتضرب وتشم فى قنابل وحال البلد يتلغبط عشان الحريه والمساواه وعدم التوربث وبعد ده كله يطلع متخلفين يعملوا صفحه زى ديه يعنى حتى اللى عايز يعمل نكته ويهزر بردوا لازم مايكنش نكته بايخه مش عارف انا الناس ديه عايزه ايه اللى كل شويه يتحفونا بصفحات تتعب مرارتنا صفحه لترشيح علاء مبارك  صفحه كلنا ضد ادمن صفحه خالد سعيد ايه و صفحه حملة ترشيح ماما سوزان مبارك لرئاسة الجمهورية  و مع صفحه المتخلفون  الكبيره  لا لحبس الشرفاء  وياترى  قصدهم مين بالشرفاء  حبيب العدلى والمغربى واحمد عز  عاااااااااااا  هى الناس ديه عايزه ايه عايزه تحرق دمنا ولا عايزه ايه ربنا يحرق دمهم ويفقع مرارتهم


حسبنا  الله  ونعم الوكيل


هناك 14 تعليقًا:

سواح في ملك الله- يقول...

هههههههههههه
ترشيح مين
هههههههههههه

mrmr يقول...

نكته بايخه ودمها تقيل

مها البنا يقول...

الحقيقه رغم إن فعلا هذه الصفحات يبدو فيها جلياً أنها ليست من قِبَل مفهوم (الرأى و الرأى الأخر) وإنما من باب محاوله مستميته يقوم بها معلومون لإيجاد نوع من التوازن فى الإتهامات الموجهه إليهم .. إلا أنى أعتب عليك أخى الفاضل (وبكل تقدير) من كتابتك عن هذا الموضوع و(حرق دمك ودمنا) .. فهذه الصفحات الرد الوحيد عليها تجاهلها .. فمن يرى عدد أتباع تلك الصفحات البسيط وعدم تكرار الزياره .. سيعلم مدى قبول ما تحتويه هذه الصفحات لدى الشباب.

دمت على خير

;كارولين فاروق يقول...

ههههههههه
هي نكته بايخه بس تضحك

خواطري مع الحياة يقول...

الي عايز يفك عن نفسه شوية
يدخل الفيس ويوشف زي هذه الحاجات ويضحك
يريح من هم الي بيحصصل
هههههههه
بس عايزة افهم هي عقولهم بتروح فين عشان يكتبوا الكلام ده

وردة الجنة يقول...
أزال المؤلف هذا التعليق.
وردة الجنة يقول...

بجد فعلا حسبى الله ونعم الوكيل

انا فعلا مش فاهمة ايه اللخبطة اللى احنا بقينا فيها دى تحرير واتحررنا المفروض نكمل مش مهد اللى بنيناه تانى وكاننا معملناش حاجة وكان مكانش فى بينا شهداء

بجد حسبى الله ونعم الوكيل

تقبل مرورى .........

الازهرى يقول...

يااااااااه
دا انت اعصابك خفيفة قوى يا عمور
امال لو شفت اللى انا شفته بقى هتقول ايه

يا عمنا دى حرب وبيستخدم فيها كل الوسائل
وربنا يعيننا عليهم باذن الله

يوميات شاب منوفى يقول...

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه بس ليس على المجنون حرجج

شريف صابر يقول...

الناس دى عايزه تجننا بس اطمن الناس فاهمه كل حاجهوخلاص زمن البلاله انتهى ...تحياتى لك

ندا منير يقول...

وهما دول برده اللى منهم طلع وضرب فى الابرياء فى ميدات التحرير وهما برده اللى ساعدوا اخرين فى يولعوا فى البلد
وهما برده اللى بيشاركوا فى كل البلاوى اللى بتحصل دلوقتى
وهما برده اللى طلعوا مرة بيضربوا فى الجيش عشان يتهموا فيها المواطنين

هما دول كدة وهيفضلوا كدة لحد ما يجى رئيس صح لمصر كلنا نحبه ونرشحه وساعتها هيختفوا تماما ومش هيقدروا يتكلموا نص كلمة او يعملوا اى حاجة مخالفة
هما بس فاكرين انهم يقدروا يثيروا الفتن والاضطرابات بس دا بعدهم لان مصر اقوى من ا ىشئ وشعبها احلى واجمل شعب فى العالم كله وباذن الله محدش يقدر ابدا يفرق بينهم

كل واحد بيثير الفتن دلوقتى يبقى واحد خايف من اه يتكشف من مصيبة وكارثة عملها فبيحاول يخفيها

غريب يقول...

ههههههههههه

طول بالك

الدنيا مليانه ناس عسل وناس نفاق وخلل

و لا نقول إلا
الله المستعان


لك مني محبة في الله

موجة يقول...

:))
هه هئ هئ هئ هههههه
نو كومنت

سندباد يقول...

لو طلع العيب من اهل العيب ميبقاش عيب ياصديقي

Follow by Email

Tetris