الخميس، 20 يناير، 2011

ذكرى ليله رعب


لم انسى هذه الليله التى كنت اقراء فيها احد الكتب  اللكترونيه  على الكمبيوتر  بعد منتصف الليل والكل من حولى  نائم  كان كتاب  اسمه تجربتى مع عبده الشيطان  الكتاب  بتاع  عبد الله كمال   لم اكن ابحث عن هذا الكتاب ولا اعرفه اساسا  بل كنت وقتها ابحث عن  موضوع عبده الشيطان  حيث انى  تذكرت ايام القضيه ديه عندما كنت طالبا فى المدرسه  اسمع زملائى  يحدثونى عن رقم الشيطان 7777777  او 666666  وكنت وقتها اسخر من الكلام دا   لم اكن  اعرف انه منتشر  او انه  يخص عبده الشيطان   ولكن بعدها فوجت ببرنامج  جمال الشاعر يتحدث عن الكلام الفارغ دا ليطمئن الناس   و تذكرت  ايضا  اللعبه التى كان يلعبها زملائى فى الفصل   كان احدهم ينام على ظهره   ويقف مجموعه من الزملاء  حوله  يرددون مجموعه من الكلام الغير مفهوم  فترتفع رجله  وتنزل  كنا بنقول وقتها انهم متفقين مع بعض  لايهامنا  بانهم يفعلون شيئا غريبا  وكان طبعا يتغير الفرد الذى ينام على ظهره  حتى اتى واحدا منهم فى يوم يقول ان مايفعلوه حرام   المهم  نرجع ليله الرعب    مع تذكر اللعبه والحديث عن الرقم   قمت بالبحث عن موضوع  عبده الشياطين    فوجد  هذا الكتاب  فقراته  وكان وقتها عادتى ان اقرا بعد منتصف الليل  والكل نائم ولا يوجد ضوء مع ضوء الكمبيوتر الا ضوء لمبه السهارى  واثناء وانا بقراء  هذا الكتاب  شعرت بان احد ياتى من خلفى واضعا يديه حول رقبتى يريد ان يخنقنى  فنظرت خلفى لم اجد احدا  فرجعت  اقرا من جديد فشعرت انه قادم مره اخرى فنظرت خلفى فلم اجد احدا  فقررت تغير المكان  فذهبت الى البلكونه حيث الهواء الجميل   ولكنى شعرت ايضا  بان احدا يقترب منى يريد القائى من البلكونه فنظرت خلفى فلم اجد احدا  فرجعت انظر الى الشارع فشعرت بان احد سيلقى بى من البلكونه فنظرت خلفى لم اجد احدا فذهبت الى الحمام اغسل وجهى وعندما  انا اغسل وجهى شعرت   بان احدا خلفى  يقترب منى يريد قتلى  فانظر خلفى فلم اجد احدا  ثم تملكنى احساس بالخوف وتذكرت ما يحتويه الكتاب من كلام  عن شرب الدم  وقتل القطط   و احداث اخرى   فهرولت الى غرفتى  فقلت اذا كنت ساقضى الليل فى حاله من الرعب هكذا فالنوم احسن لى  فاغلقت  الكمبيوتر  واصبح الضوء الوحيد الموجود ضوء  لمبه السهارى وذهبت الى السرير ويارتنى  ماذهبت للسرير    فوق السرير شباك شعرت ان احدا ياتى من الشباك اللى فوق السرير  يريد ان يخنقنى  وتملكنى احساس بالخوف  فسميت بالله وقرائت بعض الايات القرانيه  واستغفرت الله  فبعد عنى   ثم سكت  فشعرت  بعودته فاسمى بالله واقرا قران واستغفر الله  فيبعد  وظليت على هذه الحاله اسكت يرجع اقرا  واستغفر يبعد حتى ذهبت فى النوم لاستكمل ما كنت عليه قبل النوم فى الحلم اثناء النوم لاصحى فى اليوم الثانى ليكون الاستيقاظ من النوم  انقاذا لى من الاختناق  
وهى كانت ليله وعدت   
وبعد كده الواحد قعد فتره مايقرائش كتب من النوعيه ديه  قبل النوم  

هناك 8 تعليقات:

mrmr يقول...

اهه مره وعلمت وتحرم تقرأ كتب مرعبه تانى مادام مش قد قصص الرعب ولا افلام الرعب بتقروها ليه

بس اهم حاجه انك لحقت نفسك وقعدت تصلى وتذكر ربنا فذكر الله يهرب الشياطين

امال يا خويا انا اقعد اتفرج على افلام رعب ومصاصين الدماء وبانام ذى القتيله ليه هههههه
اسم الله عليه يا عمرو الف اسم اله

شمس النهار يقول...

يعني ليل وظلام وسهاري وعبدة الشيطان
وعايز ايه يجيلك عفريت سعاد حسني

:))

احمد ربنا انها ليلة وعدت خلاص

:))

سندباد يقول...

الغريب اني زيك معرفش اشتغل الي بعد منتصف الليل والنور مطفي والسرير بتاعي تحت الشباك الظاهر اني مش هانام النهاردة

خواطري مع الحياة يقول...

كنت زيك لما اقراءه كتاب او اتفرج فيلم رعب احسن ان حد بيتفرج علي بيبصلي
فبطلت اتفرج افلام رعب كثير بالليل
يعني مرة كل سنه بتفرج بالليل
ههههههههههه
عشان مره تانيه تبطل تقراءه كتب زي دي في وقت متأخر
ربنا يكون في عونك والكوابيس الي بتظل تجيك
هههههههههههههه
يمكن يجيك عبده العفريت
ههههههههه
سلامي ليك ولعبده العفريت.

عمرو يسرى يقول...

مرمر
ههههههه والله انا كمان بحب افلان الرعب والحاجات ديه بس معرفش ايه اللى حصل يوميها يمكن يكون عشان ارتبطت بذكريات خاصه اللعبه والكلام عن الرقم يمكن
شكرا ليكى
نورتينى

عمرو يسرى يقول...

شمس النهار
هو لو جه عفريت سعاد حسنى تبقى ليله زى الفل
شكرا ليكى
نورتينى

عمرو يسرى يقول...

سندباد
هههههههههههه
شكراليك
نورتنى

عمرو يسرى يقول...

رشا
ههههههههههههه
شكرا ليكى
نورتينى

Follow by Email

Tetris