الاثنين، 10 يناير، 2011

كلمه


كلمه قالها احمق لم تكن موجهه لى بغرض النصيحه ولم تكن موجهه لى اساسا ولكنها كانت عليا فاتت عليها سنين مش عارف ليه افتكرتها فى لحظه  و لا اعرف هل انى عشت فيها ام هى عاشت فيا ام ان هذا الاحمق الذى قالها قد كان عنده بعد نظر ورؤيه لما ستدور عليه حياتى ام انا الذى تاثرت بالكلمه ام اننى اوهم نفسى فى لحظه اكتئاب باننى عيشت داخل هذه الكلمه حتى اصبحت هذه الكلمه تعبر عنى او اننى فلحظه اكتئاب شعرت انها عبرت عن حياتى السابقه خلال ما مضى من عمرى لا اعلم هل انا افتكرتها فى هذه اللحظه ام اننى لم انساها من وقتها كنا اطفال مش اطفال اوى يعنى فى المرحله الابتدائيه وكنت انا وزميلى نحمل نفس الاسم انا كنت للاسف هادى شويه كتير وزميلى كان شقى بعد الشئ مثل اى طفل ودخل علينا الاحمق فى احدى حصصه المدرسيه وللاسف كنا اطفالا فكنا نقول له استاذ لا اتذكر اسمه بالظبط عنتر او اكرم مش فاكر انهى واحد فيهم كلهم كانوا ولاد تييت ههههههه ماعلينا المهم دخل الفصل هذا الاحمق ولا اعلم هل كان يريد من زميلى السكوت ام كان يطلب منى انا ان اقوم بالضوضاء مع زميلى اتجه الى زميلى ليسكته وبكل حماقه وغباء قال له انت ايه حكايتك ما تسكت واشار عليا وقال ماهو عمرو بردوا اهو قاعد زى الكرسى
لا اعلم هل كان هذا الاحمق يريد اسكات زميلى ولحماقته جرحنى بكلمته ولكنى للاسف كانت غلطتى فى صغرى اننى احترمت الاغبياء الحمقى فجلست كما كنت جالسا هادئا حامل الكلمه فى قلبى لياتى اليوم  الذى اشعر فيه اننى لم اكن يومها قاعد زى الكرسى بل عشت حياتى السابقه كلها مثل الكرسى واهى   كلمه


انتهى


هناك 20 تعليقًا:

سندباد يقول...

كلمة تتقال من احمق او من صديق او حتي من حبيب بقصد او بدون قصد ممكن تغير مجري حياتنا كلها وسبحان الله
واضح انك ملئ بالذكريات الكتيرة مع ولاد التييت
تقديري واحترامي

شمس النهار يقول...

هو قالها علي اساس اضرب المربوط يخاف السايب
:))

re7ab.sale7 يقول...

احيانا ....
بتكون الكلمة حقيقة
واحيانا بتكون لاء
بس احنا الي بنحس بيها زي ما احنا عايزين
طيب انا كنت هادية جدا بره البيت وجوة...ف المدرسة ...وزي الكرسي بس عشان انا اتربيت علي احترام الصغير والكبير مش عشان انا خوافة او زي الكرسي...
كنت شقية جدا ومحدش يبص لي ويصدق اني الهادية دي شقية كدة وشعنونة....وهو انا كنت لمضة...؟
مش عارفة...
بس تصدق ان كل كلمة هتتقال ليك ....هتغير فيك للأحسن

walaa tulip rose يقول...

هههههههههه
زمان لما كنا نرجع لامهاتنا بكلمة زي دي وتبقي وجعانا اوي ... كانت الام تقول الاستاذ بيحبك وبيضرب بيك المثل لانك مؤدب وبتعد ساكت وشطور في الفصل ....
لكن لا احنا ولا امهاتنا عرفنا معنى الكلمات دي غير لما بتعدي علينا السنين وتبدأ حياتنا كلها تجرح فينا فيخرج الجرح الصغنون القديم اللي سكتنا عليه وعشان كرامتنا تبدأ تبطل نأح علينا صدقنا اننا شطورين ومؤدبين
لكن الايام بتعرفنا انا مؤدبين في زمن مفهوش ادب
ومحترمين مع ناس مش محترمه اصلا
الله يرحم الايام والكلمات وعبث الامهات في تضميد جراحنا بتسكين عقولنا
تحياتي

الشوكه الناعمه يقول...

زمان كانوا بيقولوا كلمه بجد حقيقيه
كانوا بيقولوا اللى فى عقل العيال مابيروحش
وده اللى حصل معاك تعرف انا فى حاجات وكلام سمعته وانا صغيره اوى اوى لسه محفور فى ذاكرتى ومش عارفه انساه مهما الايام تلف بلاقينى فاكراه
بس ايه المشكله انك كنت هادى ولا انت تقصد انك محلك سر
فى الحاله دى او دى ياعمر الكلمه زى ماتكون عملت لك قيد نفسى اتمرد عليه
كون بخير
تحياتى

خواطري مع الحياة يقول...

السلام عليكم
يووووووووووووووووووة كام قولوي هذه الكلمه
كم سمعتها من اساتذه وطلبه
بس لما الان اتكلمت انت عليها خلتني افكر
هم كانوا قاصدين ان مؤدبه مااعمل فوضى بالصف
او كان قصدهم اني هبلة وماانفع اعيش بالدنيا دي
والله ماني عارفة كيف الناس تفكر
ماتفكر ان يمك هذه الكلمه تجرح الطالب
يلا ربنا كريم وهو عارف فينا وحاسس بينا
تقبل مروري
سلامي ليك اخي.

richardCatheart يقول...

هههههههههههههههههههههههههههه

ولنفرض ايه ياعنى حصل ايه


ديما عندنا فرصه نغير ونتغير المهم نكون عايزين او حاسين ا

ثم انه حمار علشان ماشفش فيك الخلق الكريم والادب شاف صمتك بس

حمار ياعم ماتخلهوش يعقدك

الحــب الجميـــل يقول...

ههههههههههههههه
فكرتنى بنفسى
كانت بتتقالى
بس والدى
ههههههههههههه
كرسى قاعد على كرسى
اصلى مكنتش بنطق

:))

فشكووول يقول...

السلام عليكم عمرو
تحياتى
اصل المدرس اللى بتقول عليه واثر فيك كدا هو نفسه عايز يتعلم ازاى يبقى مدرس
جابوا لنا ناس بيغلطوا فى الاملاء وعملوهم مدرسين عشان يعلموا ولادنا الجهل
دا التعليم الموجود فى مصر حاليا
تحياتى

mrmr يقول...

فى مثل بيقول
حبيبك يبلعلك الزلط وعدوك يتمنى لك الغلط
وانت واضح انك كنت مش بتحبه علشان كده لسه فاكر الكلمه واتأثرت بيها لكن ذى ما ذكرت انه فعلا احمق لانه مشفش فيك الهدوء والوداعه اللى تتسم بها
احترامى لشخص كلها وداعه وطيبه

عمرو يسرى يقول...

سندباد
ههههههههههههه
اعمل ايه ماهما كانوا كتير بالنسبه للمحترمين

شكرا لك
نورتنى

عمرو يسرى يقول...

شمس النهار
يمكن بس هذا لاينكر انه كان احمق حين قالها
شكرا لكى
نورتينى

عمرو يسرى يقول...

رحاب صالح
كلامك حكم مااقدرش اقول حاجه بعدها
شكرا ليكى
نورتينى

عمرو يسرى يقول...

walaa tulip rose

كلامك حكم ما اقدرش اقول حاجه عنه
شكرا ليكى
نورتينى

عمرو يسرى يقول...

الشوكه الناعمه
عندك حق ولله فعلا اللى فى عقل العيال مابيروحش الواحد فاكر زمان وهو صغير اكتر من الامس القريب
شكرا ليكى
نورتينى

عمرو يسرى يقول...

رشا
شكرا ليكى
نورتينى

عمرو يسرى يقول...

قلب القطه
هههههه
عندك حق
شكرا على كلامك الجميل
نورتينى

عمرو يسرى يقول...

الحب الجميل
هههههههههههههه
تعيشى وتفتكرى
شكرا ليكى
نورتينى

عمرو يسرى يقول...

فشكووول
لا ماهو الكائنات ديه ماتعتبرش مدرسين اصلا وديه المشكله اللى مخليه التعليم بايظ المدرس بجد هكلم عليه فى البوست الجاى
شكرا لك
نورتنى

عمرو يسرى يقول...

مرمر
انا فعلا عمرى ماحبيت التعليم والمدرسين الا نادرا جدا
شكرا على كلامك الجميل
نورتينى

Follow by Email

Tetris