الأربعاء، 5 يناير، 2011

الجبن سيد الاخلاق

 شبكه المجاهديين اللكترونيه    
موقع يوكد ان الجبن سيد الاخلاق  اه والله  
 قبل حادث كنيسه القديسين بالاسكندريه  كنت تدخل على الموقع  تلاقى موضوع  عن انهم عايزين يفجروا الكنائس  وناشرين  اسماء الكنائس واماكنها  ومواضيع ازاى تعمل قنبله   ويعلموا  الناس ازاى يكونوا مجرمين  يعنى ماشاء الله عليه كان موقع الاجرام الاول   وطبعا لازم عشان يغطى على افعاله  يكلم شويا عن الاسلام  وانه بيعمل الجرائم ديه من اجل الاسلام  مش عارف ازاى   بيقنعوا انفسهم بالكلام الفارغ دا   وطبعا دا كلام   بعيد عن الاسلام ويدل على  ان القائمين عليه مجموعه من الجهلاء المتخلفيين  ولا اعرف لماذا  يريدون ان  يفجروا الكنائس  يعنى لو عندهم الاجرام  واخد حقه معاهم   وعايزين يشتغلوا حبه اجرام باسم الدين كان ممكن يشتغلوا  فى مولد ابو حصيره مثلا  هيعملوا شغل عالى   او يلعبوا مع اسرائيل شويا  اهو بردوا تبقى فرصه الناس تصقف لهم شويا  بدل الهبل اللى ببيعملوه دا  اللى بيكشفهم امام الناس  ويخلى الناس تتف علىهم
بعد الحادث  بشويه  كنت تلاقى  موضوع يقولك اول الغيث قطره  وكلام  تشجيع على الاجرام بردوا باسم الدين وبعد شويه اكتر  بداؤا فى استخدام نظريه  الجبن سيد الاخلاق  تخش عليهم تلاقى بيقولك  الموقع برئ  مما حدث فى الاسكندريه  والله امال اللى كنتوا بتنشروه  دا ايه هزار  دردشه  مش فاهم   ايه كنتوا بتعلموا الناس  تعمل بمب العيد  ياولاد التيييييت   طب ما كان من الاول تحترموا نفسكم ياولاد التيييييت  لازم الهبل بتاعكم دا    والله انا خايف ادخل على الموقع دا  تانى الاقى الموقع  بقى موقع اباحى ولا حاجه  اه   ما الموقع دا شغال حسب الحاجه شكله كده  ماهو اصلا  شبكه المستعبطين اللكترونيه
  اللى ماتعرفلهم  بتوع ايه  فتنه ولا اباحه  ولا اى هبل وخلاص   ولا بيتاجروا فى السلاح ولا ايه   ناس واطيه  واطيه
لاتعرفلهم مله ولا دين  
منهم لله ربنا يخدهم جميعا
يارب انتقم منهم

هناك 14 تعليقًا:

richardCatheart يقول...

والله يا عمرو العيب مش عليهم

العيب على الامن التتتتتتتتتتت لامؤخزه اللى فيه مباحث نت وعاملين نفسهم ملوك علوم الفضاء

وسيبنهم بدل مايقفلو الفضئيات اللى كانت بطلع صوت الناس
كانو يقفلو ام المواقع دى اللى هما عارفنها كويس اوى وسيبنها لهدف وسخ فى دماغهم

للاسف الموضوع متشعب اوى
والشعب مسحين ومسلمين هما الضحيه بس مافيش غيرهم

الحــب الجميـــل يقول...

معاك حق والله يا عمرو
حسبى الله ونعم الوكيل

سندباد يقول...

ربنا سبحانه وتعالي يرحمنا ويعفو عنا ويبعد عننا السوء
البلد مش ناقصة صراحة

شيرين سامي يقول...

أنا مش فاهمه ازاي سايبين مواقع زي دي ده تخلف عقلي لما يقفلوا مواقع و مدونات عشان أمنهم هما و يسيبوا مواقع بالتخلف ده
تحياتي لك و شكراً على المعلومه

شهر زاد يقول...

الاعلام أصبح سايب مش لاقي ليحكمو ولا يزجرو بودي عقول الناس شمال ويمين
ربنا يبعدنا عنهم
تحياتي

re7ab.sale7 يقول...

والله انا بجد مش عارفة اقول اية ....
الاسلام قال كدة ....الاسم بريء من كل اللي بيقولوه ده طبعا
وكفاية نقرا سيرة الرسول الكريم وصحابته ونري ماذا كانوا يفعلون ....
انا اصلا معرفش ازاي مفيش رقابة علي الموقع دي ...زي قنوات تليفزيونية برضه عليها بلاوي ....
الامن بس مش فاضي غير للمتظاهرين

عمرو يسرى يقول...

قلب القطه
ممكن يكون فى تقصيرى امنى بعض الشئ
بس الموقع بيغلق كل فتره ويرجع تانى
يعنى بردوا اللى عاملين الموقع اساتذه اكيد لهم طريقتهم بردوا

نورتينى

عمرو يسرى يقول...

الحب الجميل
شكرا ليكى نورتينى

عمرو يسرى يقول...

سندباد
عتدك حق
شكرا لك
نورتنى

عمرو يسرى يقول...

شيرين سامي
الموقع بيغلق كل فتره ويرجع تانى
يعنى بردوا اللى عاملين الموقع اساتذه اكيد لهم طريقتهم بردوا

شكرا ليكى
نورتينى

عمرو يسرى يقول...

شهرزاد
امين يارب
شكرا ليكى
نورتينى

عمرو يسرى يقول...

رحاب صالح
الموقع اعتقد انه مراقب والموقع بيغلق وبيرجع تانى وممكن هتلاقى زيه كتير الحل ان الناس اللى افكارها عدوانيه كده تتحاكم
شكرا ليكى
نورتينى

Noha Saleh يقول...

معاك حق ياعمرو
والعيب مش عليهم فعلا

عمرو يسرى يقول...

نهى صالح
شكرا ليكى
نورتينى

Follow by Email

Tetris