الأحد، 26 ديسمبر، 2010

مقابله مع كائن كان بيدرسلنا

كنت واقف فى طابور  دفع فواتير التليفون  وفجاه رايت  كائن  اعتقد انه  كان بيدرسلنا ماده العلوم على ما  اتذكر   ايوه دا البتاع دا الللى اسمه  محمود صح   فقلت لنفسى اروح اسلم عليه  اهو الواحد يتسلى لحد  مايجى دوره فى الطابور
يابنى انت ازاى بتكلم عن مدرس كان بيدرسلك بالشكل  دا  كائن  والبتاع دا  ايه مافيش احترام  شكلك انسان مش محترم
طب اعمل ايه ان كان المدرس ابن تييت  مش محترم
هههههههههه شكله كان بيضربك
 ماكنش ليا علاقه بيه اساسا ولكنى مازلت اتذكر وجه زميلنا محمد يوسف   وهو محمر  من قبضه هذا الحشره على رقبته
اكيد محمد  يوسف دا عمل كارثه
ابدا  كل الحكايه ان البتاع دا اللى اسمه محمود اللى كان بيدرسلنا  فى احدى حصصه حب يعيش فى الدور  فقعد يسئل اسئله من خارج المنهج وقاعد يهزر  مع الطلبه وبيقول اعقد ولا لا  ويقول همر على واحد واحد  واللى يقولى عقد هسئله سوال لو ماجاوبش عليه هينضرب  فطبعا الكل بيريح دماغه وياخده على اد عقله   وبيقوله بلاش  الا زميلنا  محمد يوسف قاله عقد  اه ماهو محمد كان متفوق وقتها
فقام  المدرس محمود المحروس من العين بمسك محمد  من رقبته ويسئله اعقد  ويرد محمد ويقول   اه   ويتكرر السوال  وتتكرر الاجابه  وفى كل مره يضغط على رقبته حتى احمر وجه محمد يوسف زميلنا  مدرس غبى ابن تييت
المهم نرجع للمقابله  عارف توهته منى ههههه
روحت للمدرس اسلم  عليه وطبعا انا عارف انه اكيد مش هيفتكرنى  اساسا
 و فعلا ماكنش عرفنى  طبيعى  ولكن تفاجت من تصرف المدرس الذى شعرت منه انه قرفان  معرفش او  خجلان من ان طالب عنده بيكلمه مش عارف  ليه مع انى كلمته باحترام  وكانه واحد محترم    وبيسئلنى  انت  كملت صنايع   و قتها قلت لنفسى بينى وبين نفسى وانا شكلى متبهدل اوى كدا ولا ايه   ولا هو عارف ان اى حد  هو بيدرسله بيدخل صنايع  او مابيكملش  طبعا  يعنى  امثاله  هيطلعوا مين   ما علينا  انا ايه اللى خلانى اروح اسلم على الاشكال ديه  ديه اشكال عايز الحرق   ما انا كنت واقف احسن فى دورى  لازم اروح  اسلم يعنى     اقوله ازيك   وحضرتك  تقولى  انت كملت صنايع  ولامكملتش  صنايع يابن تييييييييييييييييت

هناك 20 تعليقًا:

sony2000 يقول...

هههههههههههه
هو انتا بعد البوست بتاعي قررت تعمل عكسي ولا ايه؟؟

عمرو يسرى يقول...

ما هى مقابله بردوا ومع مدرس ايضا

الحــب الجميـــل يقول...

هههههههههههههههه
والله ما يستاهل انك تعبره اصلا
ولا تسلم عليه

تخاريف مترجــِــمة يقول...

بصراحه فيه مدرسين ميستاهلوش الواحد يكون من ضمن تلاميذهم أصلاً ..!

شفت انا نماذج زي دي كتير للأسف :)

بعد كده مش تروح تسلم على حد ( مش كويس ) ^ــ^

خواطري مع الحياة يقول...

ههههههههههههههه
هههههههههههه
شكله الكأئن ده قصدي المدرس عبيط
عشان مره تانيه لو شفت مدرس لاتسلم عليك
مهم كلهم كده
تقبل مروري
سلامي ليك اخي.

richardCatheart يقول...

هههههههههههههههههههههههههههههه

ياعنى عقدك فى الاول والاخر

ههههههههههههههههههههههه

سندباد يقول...

الدنيا ياما شايلة ياصديقي ولسه ياما هانشوف
تحياتي

شهر زاد يقول...

كل مدرس درس لنا ولوه ذكرى عندنا وأجمل حاجة ان االذكرى دي تكون جميلة
االتدريس مش ساهل دا فن قبل ماايكون مهنة ومش اي واحد يقدر ينجح في الميدان دا
تحياتي

موناليزا يقول...

هو انا تعليقى على كلمة "عقد" و"أعقد" أنا بصراحة مش فاهمة
هى الكلمة دى معناها مثلا انها تديله الحق فى انه يضغط على رقبة التلميذ ولا ايه؟؟

مها البنا يقول...

المشكله ان فيه مدرسين بيتمتعوا بدرجه من الساديه لا بأس بها

عموما انا ذكرياتى مع المدرسين نوعين

نوع لسه على تواصل معاه حتى الأن رغم انى سبت الدراسه من قديم الأزل وأغلبهم أصبح على المعاش او توفاه الله

ونوع بشوفه وبفتكره .. وبكلمه باحترام لو قابلته .. لكن داخلى لا اكن له الشعور بأى فضل .. وإحترامى بيكون من باب كبر سنهم مش أكتر

بوست يحمل رساله لكل معلم

انه الطالب او الطالبه الذين تحت يديه الأن .. لن يظلوا أبد الدهر كذلك

فحبذا لو تركوا بصمات من نور بدلا من تلك الخدوش والخربشات عديمة المعنى فى نفوسهم

تقبل تحياتى واحترامى على البوست

والرساله وصلت

Rosie يقول...

أدى أخرة الطوابيرززاحسن نظرية عن تجربة..حد ما بتطقوهشززيبقى علطول كأنك مش شايفه تستريح علطول..أصل فى ناس كلامهم ماشاء الله...عبيييييييط

عمرو يسرى يقول...

الحب الجميل
عندك حق طبعا
كائن غريب جدا
نورتينى

عمرو يسرى يقول...

تخاريف مترجــِــمة
اكيد طبعا هى غلطتى فى الاول وفى الاخر انى روحت سلمت عليه لانه هو فعلا مايستاهل
نورتينى

عمرو يسرى يقول...

رشا
لا بردوا لسه فى مدرسين محترمين
نورتينى

عمرو يسرى يقول...

قلب القطه
لا مش دا اللى يعقدنى
ههههههههههه
فى غيره كتير دا يعتبر من المدرسين اللى على وش سله المهملات فى مدرسين فى القاع يغقدوا اكتر
هههه
نورتينى

عمرو يسرى يقول...

سندباد
ربنا يستر
نورتنى

عمرو يسرى يقول...

شهر زاد
عند حق
وللاسف نسبه كبير من المدرسين الحاليين فشلوا فى دا
نورتينى

عمرو يسرى يقول...

موناليزا
كائن غبى مش مكانه اساسا انه يكون مدرس
مش عارف مين اللى بيعين الاشكال ديه
نورتينى

عمرو يسرى يقول...

مها البنا
شكرا ليكى
نورتينى

عمرو يسرى يقول...

Rosie
هههههههههههههه
نظريه صحيحه 100%
نورتينى

Follow by Email

Tetris