السبت، 25 ديسمبر، 2010

من ارشيف المدونه علاقتى بسور المدرسه

كانت بدايه علاقتي بالسور فى مدرسه التوفيقيه عند فشل مدرس اللغه الالمانيه محمد طلعت فى اخراجنا من المدرسه من الباب حيث كانت حصته الاخيره او التى قبلها احيانا وكان يسعى الى تسريبنا لكى يمشى هو مبكرا وفى احد المرات فشل فى تخريجنا من الباب فقام باتفاق مع رئيس الفصل قائلا اذا كنتم عايزين تخرجو ا فاتصرفوا خدوا بعضكم اثنين اثنين وعلى السور فذهبنا الى السور واتصرفنا ماعدا زميلنا بيتر قرر ان يبقى فى الحوش المدرسى لانه لا يعرف ان ينط السور ولا اعرف كيف لا يعرف بالرغم من ان السور تنظر له من بعيد تلاقيه يقول لك نطني فهو به تدرجات تسمح بتسلقه والنزول من الناحيه الاخرى بسهوله ويسر يعنى باختصار قلبك يروحله المهم انه كان على زميلنا بيتر ان يتحمل المسئوليه كامله اذا ظبطه احد وكنت انا انط واروح البيت حيث لم يكن فى بالى شىء افعله عند الخروج من المدرسه مبكرا ويمكن ان يكون هذا السبب هو سبب عدم الهروب من المدرسه قبل هذا الوقت  بالرغم من كرهى لها  وكرهى لحماقات المدرسين اللى فيها ولكن وبعد ان تكررت كثيرا وبداء الفصل الاتفاق على النط مبكرا من الحصه الاولى او الثانيه فكان من الصعب ان اروح بعدها لان اهلى سيسئالون عن السبب واذا قلت السبب لم يصدقونى ولو صدقونى وحضروا الى المدرسه مشتكين الذى يحدث كنت واثق ان المدير والمدرسين هيجيبوا السبب علينا واننا طلاب فاشلون واحتمال معاقبتنا على اساس انهم لم يكتشفوا ان الفصول فارغه يوميا الا بعد الشكوى واكيد عدم اكتشافهم هذا لانهم كانوا هم ناطين السور قبلنا وكما تعودنا احترام الكبار بجعلهم الاول فى التزويغ واعلم اننا كطلاب كنا مشاركين معهم ولكن هل يريدون من الطالب ان يكون عنتر او ابو زيد الهلالى يصحح الوضع ويقف امام المدرسين رافضا التزويغ وامام الطلاب زمايله وامام نفسه الاماره بالسوء التى لا تريد هى ايضا الابقاء فى المدرسه وما بها من حمقى فاذا اعترض احد الطلاب على اتفاق المدرس فالمدرس امره سهل هيقول خليكوا قاعدين وهى ليست صحوه ضمير ابدا ولكن اعطاء الطلاب باقى الفصل الذى يصل عدده على ايامنا 50 او 60 طالب ان يردوا على اعتراض زميلهم او يقنعوه بمعنى اصح يلبسهم لبعض ليقنعوا زميلهم يا اما بالكلام او بالاساءه او الضرب ولا مسئوليه على المدرس وهو يعلم ان اى طالب لو شكا الى اى مدرس لم يصدقه احد فهل يكذبون 50 طالب ويصدقون واحد تيجى ازاى ولكن اعلم انه دائما الطلاب هم السبب فهم فاشلون ولا يحبون العلم كما يدعى بعض المدرسين فالمدرسون ملائكه ليس لهم ذنب ولا حتى كرهوا الطلاب فى العلم فالطلاب مولدين مش عايزين يتعلموا


معرفش مين اللي قال النسخه ديه من الجيل بايظه
مولوده منتهيه الصلاحية وصلت للوجود فاسده
والنسخه اللى قبلها دول جيل ملايكه
والزمن الذهبى للحب والخير والموده
ايه المنتظر من طفل يوجد وسط العبث
ايكون عالما او عابثا او يخترع جديد من العبث
مدرسين حشاشين وعايزنا نطلع منضبطين

طبعا لازم هنطلع مهيسين
وعجبى

هناك 6 تعليقات:

richardCatheart يقول...

ههههههههههههههههههههههههههههه

يا خربيت كده والله ولا بعد 100 سنه عقبال مانزيح هم اللى عملو الفئه المنيله من المدرسين

والله متفقه معاك يا عمرو المش مهندس اللى قال جيل فاشل ماكان يكمل جميله ويقول فشل ليه

بصراحه حاجه ضييييييييياع هههههههه

سندباد يقول...

الظاهر ان ارشيف المدونة مليان حاجات جميلة
ياريت تبقي تشنر لينا حاجات زي دي كتير
تقديري واحترامي

الحــب الجميـــل يقول...

ههههههههههههههه
وجهة نظرى اللى عمرها ما هتتغير فى التعليم
التعليم فى مصر ضايع وضايع من زمان اوى

اهدافه التربويه اختفت
ودا طبعا بسبب الكدر التعليمى

واهتمام المدرسين بالدروس الخصوصيه وعدم الاهتمام بالحصه فى المدرسه

فكرتنى مرة واحده بس نطيت من على سور المدرسه وانا طبعا بترعش
بس دا كان غصب عننا
اتاخرنا فى الحصه ونسونا جوا المدرسه والمدرسه معانا طبعا

اهالى المنطقه جابونا سلم وابتدينا نطلع من عليه وننط

مقولكش على اللحظه دى عمرى ما انساها
لان يوميها بابا ضربنى على تاخيرى ومكنش يعرف سبب تاخيرى ايه

بس طبعا لما عرف الوضع اختلف وراح المدرسه يشتكى من اللى حصل فينا

موضوع بعيد عن موضوعك بس افتكرته
ههههههههههه

موضوع البوست رائع وذو هدف

كل سنة وانت طيب يا عمرو
والسنه دى محقق احلامك يارب

*****

عمرو يسرى يقول...

قلب القطه
ماينفعش يقول فاشل ليه لان فى سبب فشله كارثه ايضا
شكرا ليكى
نورتينى

عمرو يسرى يقول...

سندباد
شكرا لك
اسعدنى انها عجبتك
نورتنى

عمرو يسرى يقول...

الحب الجميل
كل سنه وانتى طيبه
بصى التعليم فاشل لكثره وجود المدرسيين غير المحترمين مش لانهم مهتمين بالدردوس الخصوصيه لانى اعرف مدرسيين ملوك الدورس الخصوصيه ومحترمين فى نفس الوقت ومهتمين بالحصه فى المدرسه
شكرا ليكى
نورتينى

Follow by Email

Tetris