الخميس، 2 ديسمبر، 2010

اسئله وافكار راودنى قبل الانتخابات عن نتائج الانتخابات اعتقد انها صدقت


كانت فى دماغى اسئله وافكار واستنتاج  عن الانتخابات البرلمانيه قبل الانتخاب واعتقد انها صدقت
اولا
لماذا لم يظهر اعلانات  مدفوعه الاجر  لباقى الاحزاب  فى التلفزيون مثل  حزب الوفد  و حزب الوطنى  هل باقى الاحزاب كانت فقيره  ليس لديها من الاموال ما يجعلها تعلن عن نفسها فى التلفزيون   هل ليس لها رغبه  فى الاعلان تلفزيونيا  لا اعلم  جايز     ولا  احتمال  ان يكون انتخابات مجلس الشعب  لا يوجد بها احزاب غير الوطنى والوفد    وباقى الاحزاب مش مشاركه  جايز
قد يقول  احد الناس  كان فى برنامج حوار للاحزاب     الاحزاب يتحاورا مع بعض فيه    طبعا عارفه شوفت حلقه منه  وكانوا جايبين اربع احزاب  وطنى ووفد وتجمع وناصرى  واين الباقى الله اعلم  ممكن يكونوا   ماكنوش  مشاركين  فى الحلقه اللى انا اتفرجت عليها ويكونوا شاركوا  فى حلقات اخرى جايز  او مش مشاركين  فى الانتخابات كلها  جايز
ثانيا هجوم على الاخوان وحركات قبض عليهم  حتى تساءلت   وتساءل  احد اصدقائى  هما الاخوان مابيخلصوش  ولا ايه  مالهم نهايه  اعلم ان القبض عليهم عادى  بس لما يبقى متكرر كتير وقبل الانتخابات  يبقى مش عادى  وخصوصا لا يوجد سبب  واضح   تفجيرات  او تجمعات غريبه  مثلا اى قضيه يتهموا فيها قدام الراى العام    
وبلاغ ضد  مرشحيين الاخوان  لانهم نازلين مستقلين وهما مش مستقلين   طب ماهما كل  مره  بيعملوا كدا   

لكل الاسئله السابقه  توقعت ان  الحكومه تريد تغيير اللعبه  بدل ما كانت تجيد اللعب مع الاخوان  قررت ان تلعب مع الوفد وتخرج الاخوان من اللعبه  لاسبابها الحكوميه
و جاءت النتائج  للمرحله الاولى توكد لى هذه الفكره
اكتساح  وطنى  متوقع  والكل عارف ليه 
ولا يوجد مقعد للاخوان    ملامح  شكى   ظهرت
يوجد  مقاعد للوفد  اكبر عدد معارضه رغم ضئالته
 ملامح شكى  اصبح كامل العدد  
 يالا هنشوف ايه اللى هيحصل فى  جوله الاعاده
 لعل تهدم ظنى  تماما    وخصوصا اننى مش متخصص ولكن مواطن يفكر احيانا فيما يجرى حوله   وقد يكون تفكيره خطاء

هناك 8 تعليقات:

سواح في ملك الله- يقول...

كلايحصده ياعمرو
كنت متوقع اكتر منه بكتير
بس الحمد لله
ربنا ستر
رسيت علي 16 قتيل بس

سندباد يقول...

اتمني ربنا يخلف ظنك بس مش هايحصل
لان الاحتلال الحاكم اقصد النظام الحاكم معندوش استعداد انه يفرط في حاجة دلوقتي لانه قرب علي نهايته فبيحاول ياخد اي حاجة وكل حاجة قبل ما يروح في داهية
تحياتي

mrmr يقول...

كلنا نامل خير باذن الله

أحمد محمد شمسان يقول...

واااااااااامصراااااااااه

من ثمانية و ثمانين إلى صفر

إنها انتحابات و ليس انتخابات


تقبل مروري أخي العزيز

عمرو يسرى يقول...

سواح في ملك الله
ههههههه
الحمد لله ان ربنا ستر
نورتنى

عمرو يسرى يقول...

سندباد
ومين قال ان هيفرض بس هيلعب بطريقه جديده بس
نورتنى

عمرو يسرى يقول...

مرمر
يارب
نورتينى

عمرو يسرى يقول...

أحمد محمد شمسان
عندك حق
نورتنى

Follow by Email

Tetris