الثلاثاء، 7 ديسمبر، 2010

مجلس الشعب الوطنى الحكومى 2010

يراودى اسئله  كثيره  بخصوص مجلس الشعب الوطنى    هذا العام
اولا   هل سيعقد  فى مكانه ام سيعقد فى مقر الحزب الوطنى ؟؟
مافيش مشكله لما الحزب  الوطنى  يستضيف واحد ولا اثنين  من المعارضه عنده ويعمله  المجلس فى مقر الحزب الوطنى  بدل الشحططه ديه  ولا ايه
ثانيا  فى افلام الخيال العلمى  كنا نسمع ان بيحصل فى هذه المجالس استجواب  لبعض الوزراء مثلا لو عملوا اى حاجه فهل الوزراء  الله اعلم محترمين ولا لا  هيستجوبوا  انفسهم او زملائهم  او اى حد وطنى هيستجوب حد وطنى زيه ؟؟؟؟
غالبا سيمنعون افلام الخيال العلمى ديه
فى كتب الهلوسه اللى كنا بندرسها  درسنا ان مجلس الشعب  هو المسئول عن محاسبه الحكومه فهل الحزب الحاكم سيحاسب حكومته ام ستتغير المناهج  وتلغى كتب الهلوسه ديه ؟؟؟؟
الله اعلم
بصراحه انا مستغرب   ازاى الحزب الحاكم يرشح نفسه فى انتخابات مجلس الشعب اساسا
هو مجلس الشعب  هيبقى مجلس الحكومه   مقر الحكومه طب وظيفته هتبقى ايه طيب ؟؟؟؟
الغريب انهم يضحكون علينا  ويسمون  اللى  المفروض يعملوه   للبلد  ببرنامج  الحزب الوطنى  فى الانتخابات
مسخره
والغريب  ايضا فى برنامج  مناظره  الاحزاب اللى كان بيجى كل واحد واحد بيقول برنامجه الانتخابى  وعم بطرس غالى وزير الماليه بيقول  انتخبوا اللى عنده برنامج ويقدر ينفذه   وكان نفسى اسئلهم فلوس الحزب الوطنى اصلها منين اللى بيتم بيها تنفيذ البرنامج بتاعه وفلوس الاحزاب الاخرى منين اللى تنفذ البرنامج بتاعهم
الحزب الوطنى ياخذ من الشعب  لينفذ مشاريع  يزعم انها انجازات الحزب   بالرغم ان الحكومه مسئوله تنفذ المشاريع ديه لحفظ ماء وجهها بعد  جمع الامواله من الشعب   المناظره ديه تنفع لو هى كانت انتخابات رئاسيه  مش مجلس شعب
بالمناسبه بعد المهزله بتاعه الانتخابات ديه  مين  عنده شرعيه  ال 5%   من المقاعد فى الشعب والشورى والمحلى   الجزء بتاع ماده 76 ده عشان يرشح حد فى انتخابات الرئاسه القادمه  اه صحيح مافيش غير الحزن الوطنى  يعنى المحروس بتاع الحزن الوطنى هينجح بالتذكيه  اهلا بالحزب الحاكم   ربنا ياخذهم  جميعا 
صحيح بالمناسبه صاحبى  محمد ابر اهيم اللى كان راح انتخب بيعتقد ان الاحكام الصادره   ببطلان الانتخابات هتنفذ بس بعد ما جمال مبارك يمسك الحكم  عشان الناس تقول انه  بيحب الديمقراطيه وانه راجل صح   عشان هو هيحتاج فى بدايه حكمه حاجه زى كده زى ما كل رئيس  بيحتاج اول ما يمسك انه يفرج عن المعتقلين السياسيين   عشان الناس تصقف  له  وتقول انه راجل بتاع ديمقراطيه وطبعا فى نهايه حكمه بيبقى فى معتقليين بردوه عشان اللى بعده يفرج عنهم  هى وجهه نظر  بردوه بس ما لو كان  كده  طب يعنى هى المعتقلات فاضيه ولا ايه  ولا عشان هو ابن الرئيس  محتاج حاجه تانيه  زياده عشان الناس تصقف له    يعنى  ديمقراطيه كماله   زى الكشرى يمكن   الله اعلم  اهى كلها وجهات نظر

سوال اخير سئله صاحبى محمد  ومعرفتش ارد عليه   هى القوانين اللى هيقرها المجلس  فى الفتره بتاعته ديه اى هيكون موقفها والمجلس باطل اساسا  ؟؟
حد عارف  حاجه ؟؟؟؟؟؟؟؟؟


هناك 14 تعليقًا:

سندباد يقول...

لا طبعا محدش لاننا في مصر

محمد الجرايحى يقول...

أخى الكريم : عمرو يسرى
السلام عليكم ورحمة الله وبركاته
ماحدث مهزلة بكل المقاييس ، وما سوف يحدث
فضيحة سوف تتغنى بها الركبان فى الصحارى والوديان....
لاأعرف لماذا تترد فى مسامعى هذه الأيام هتاف فيلم شىء من الخوف ..زواج عتريس من فؤاده باطل باطل باطل....
وكل الخوف أن يحدث مثل ماحدث فى نهاية الفيلم.....!!!!

يمين فى يمين يقول...

عمرو يسرى

على فكرة ممكن ماتعرفنيش

بس انا فضلت اعلق عند على مدونة تانية وفى اخر التعليق ااقول شكرا ليك عمرو يسرى

وفى الاخر ماطلعش انت


عموما انا سعيد بمرورى فى هذة المدونة

وبقولك ياعمور

احنا فى مصر ام الدنيا لا تقلق

تقبل مرورى

ودى واحترامى

حلم يقول...

اسئلة فعلا محيرة لكن للاسف هي صورة تتشابه في كثيرمن البلدان
اشكر اخي على الطرح المميز

سلسبيل يقول...

طبعاً مش عارفين حاجة
صحيح حيعملوااية فى كتب الهلوسة
الى بنخدها دى
و مراقبة الحكومة و غيرها
حسبنا الله و نعم الوكيل

aemo يقول...

ممتاز طبعا استاذ عمرو و اللى متعرفوش تكملة لفصول المهزلة انه تم تزوير من الوطنى اصالح التجمع و ضد احد افراد الحزب حتى لا يكون المجلس الموقر الموافقون دائما بدون معارضة تخيل المهزلة حتى الوفد و الاخوان انسحبوا حتى تظهر الحقيقة عارية فما كان منهم الا ان اسقطوا مرشحهم لصالح احد افراد المعارضة و بقى كله سمك لبن تمر هندى و موضوع نهاية فيلم عتريس دى يا استاذ محمد لا اعتقد ستفلح عندنا لانها مش هاتتحرك بره عقولنا و احلامنا و على فكرة و بجد محدش يعرف الجاى شكله ايه على الاقل ده احنا عارفينه و لو علمتم الغيب لاخترتم الواقع

عمرو يسرى يقول...

سندباد
ليه الياس دا
نورتنى

عمرو يسرى يقول...

محمد الجرايحى
ربنا يستر
نورتنى

عمرو يسرى يقول...

يمين فى يمين
شكرا ليك
نورتنى

عمرو يسرى يقول...

حلم
شكرا لكى
نورتينى

عمرو يسرى يقول...

سلسبيل
امين يارب
نورتينى

عمرو يسرى يقول...

aemo
عندك حق مهزله بكل المقاييس
نورتنى

ماجد القاضي يقول...

السلام عليكم أخي عمرو

أعجبني طريقتك في العرض.. طبعا الهم يصيبنا جميعا مما حدث، ولولا أني مشفق على زوار مدونتي لاستمررت في الكتابة عن مأساة الاتخابات عدة بوستات أخرى..

شرفتي التعرف على مدونتك.. إن شاء الله سيكون هناك المزيد من التواصل.
تحياتي أخي الكريم.

عمرو يسرى يقول...

ا/ ماجد القاضي
شكرا لك
نورتنى

Follow by Email

Tetris