السبت، 20 نوفمبر، 2010

اللوحات الارشاديه فى محطات المترو للفاهمين فقط

دائما كنت امر على اللوحات الارشاديه  التى بها ترتيب محطات المترو ولا ارى مشكله فيها   او كنت لا اعطى اهتمام لها  بالرغم انها كانت تثير انتبهاهى ببعض الاشياء فيها   فكنت عندما اقرء اللوحه اللى على الحائط انتبه ان محطه محمد نجيب  مكتوب مكانها عابدين   ومحطه  الاوبرا  مكتوب  مكانها الجزيره    وعندما اقرء المحطات من الورقه التى فى سقف القطار  ارى ان محطه محمد نجيب مكتوب عليها محمد نجيب ومحطه الاوبرا  مكتوب عليها الاوبرا  قد اكون لعدم وجود مشاوير فى هذين المحطتين لم اهتم بهذا الشئ الغريب او ممكن لمعرفتى ان محطه محمد نجيب هى  عابدين   وان محطه الاوبرا  هى الجزيره  كان الامرعادى بالنسبه لى   ولكن عندما  كان عندى مشوار  فى محطه ساقيه مكى  وبتابع فاضل كام محطه  وبحسب الجيزه  وضواحى الجيزه  وبعدها ساقيه مكى  فبعد محطه الجيزه انا كنت  متوقع ان اللى بعدها  محطه ضواحى الجيزه  فى اللوحه الارشاديه  اللى على الحائط مكتوبه ان المحطه اللى بعد الجيزه  اسمها  ضواحى الجيزه  وفى الورقه اللى فى سقف  عربه المترو  مكتوب المحطه اللى بعد الجيزه اسمها  ضواحى الجيزه وبعد  ما المترو تحرك من محطه الجيزه  ان متصور بسذاجه  بالغه  ان المحطه القادمه اسمها  ضواحى الجيزه  زى اللى مكتوب  اتارى المفاجاه الكبرى  ان  المحطه  اللى بعد الجيزه  اسمها     محطه ام المصريين     ايه  ايون اسمها محطه ام المصريين  مكتوب عليها كده  ايه دا مين  ام المصريين ديه اهل ياست  الحاجه  ايه ده هو انا ركبت اتجاه غلط  ولا ايه   لا الاتجاه صح ولكن المحطه اللى مكتوبه فى كل اللوحات الارشاديه   فى المترو ضواحى الجيزه  اسمها   ام المصريين  ياحلاوه  ياجدعان  هى اللوحات الارشاديه اللى مكتوب فيها اسماء المحطات  بتاعت المترو معموله للى فاهمين  وعارفين  ولا لارشاد الناس اللى مش عارفين   الغريب انى اعتقد  او احيانا بشوف ناس كتير ماتعرفش ان محطه محمد نجيب هى  عابدين   و بالرغم من كده  بتوع اللوحات الارشاديه مره يكتبوها كده ومره كده  ولا اعتقد ان الناس عارفه ان ضواحى الجيزه  اسمها ام المصريين  عشان فى كل اللوحات الارشاديه  بيكتبوها  ضواحى الجيزه وهى محطه ام المصريين فهل اللوحات الارشاديه  ديه معموله للفاهمين فقط  و الحافظين اوالعارفين  ولا للارشاد  ولا منظره  ولا ايه   يعنى انا كنت عارف ان لما المكان يكون له اكثر من اسم  يكتبه اسمه وبين قوسين يكتبوا اسمه الثانى  يعنى يكتبوا فى اللوحات محطه محمد نجيب بين قوسين  عابدين انما   فى لوحه يكتبوا فيها  عابدين وفى لوحه تانيه  يكتبوا  محمد نجيب  هى الناس ناقصه لغبطه   والغريب ان المحطات المشهوره واكثر استخداما مش عاملين فيها كده يعنى مافيش لوحه مكتوبه عليها مثلا  محطه حسنى مبارك  ولوحه تانيه  مكتوب عليها رمسيس  بالرغم ان كل الناس عارفه ان محطه حسنى مبارك هى محطه رمسيس     والسادات تحرير  وبالرغم انهم معروفين بالاسمين ولكن  كل اللوحات مكتوبه باسم واحد للمحطه   حاجه غريبه المحطات اللى معروفه باكثر من اسم  مكتوبه باسم واحد  فى كل اللوحات والمحطات اللى مش معروفه مكتوبه فى كل لوحه باسم  شكل   والمحطه اللى مكتوبه  فى كل اللوحات الارشاديه باسم ضواحى الجيزه    هى اسمها  ام المصريين   هو اللوحات الارشاديه ديه بترشد مين ايه الهدف منها بالضبط  ومعموله لمين   حاجه تجنن   
كام واحد  فيكم عارف ان محطه ضواحى الجيزه اسمها الحقيقى ام المصريين  وليس اسمها ضواحى الجيزه
دلع امهات ياجدع

هناك 14 تعليقًا:

محمود(باحث عن حب) يقول...

هههههههههههه
بقولك ايه
فى محل مستلزمات طبيه
فى سوق المسلتزمات فى ام المصريين فاتحه اخويا عصام ربنا يشفيه وانا كنت واقف فيه وكل واحد من زملائى اللى جايين زى حضرتك كده
يفوتوا المحطه
اعتبارا انهم مستنين ام المصريين
وهى مكتوبه ضواحى
وكنت بتقى حوسه
وفين وفين لما افهم ياجماعه الضواحى هى المصريين زى التحرير هى السادات زى مبارك هى رمسيس
وهكذا يلعبوا معنا
لعبه السودوكو ياعم عمور

سندباد يقول...

شوف ياصديقي
انا عندي راي في هذا الموضوع
اي شئ يعكنن ويتعب الشعب لازم تعموله وباخلاص
دي اوامر ونصائح السيد الرئيس لاتباعه ومريديه
الكلام ده موثوق منه ومن مصدره
انا مروح بقي وربنا يستر

قول ياااارب يقول...

ههههههههه فكرتنى بموقف لما نزلت مره ف احدى زياراتى لقاهرة المعز كنت عاوزة اروح كوبرى قصر النيل المهم كنت تقريبا ف محطة سعد زغلول او السادات مش فاكره المهم عاوزة اخرج من اقرب مكان للكوبرى فضلنا نسال العساكر اللى هما موجودين ديكور للمحطات كل واحد يطلعلى بمكان شكل ويقولك اخرج منها ولا هما فاهمين حاجه اصلا يعنى من الاخر اللوحات الارشاديه والعساكر دول ديكور وجهه للبلد والحكومه معتمده ان الشعب بيستخدم الذكاء المصرى
ولكى الله يامصر

richardCatheart يقول...

هههههههههههههههههههه

زيها زى اى حاجه فى بلدنا للى فاهمين فقط

دى سياسه ومنظومه يا عمرو

مها البنا يقول...

بما انى اسكندرانيه فمعرفتى بالقاهره ضحله جدا .. لكن افتكر انى مره كنت بقول لصديقه ليا انى فى حال نزولى القاهره هقابلها فى مجطة رمسيس باذن الله .. وطبعا هى قالتلى ان مفيش محطه بالاسم ده ولما وصفتهالها قالتلى انها اسمها مبارك .. بس انا اعتبرت الأمر جهل منى لأنى معرفش فى القاهره كتير وعدد مرات زيارتى ليها تعد على الأصابع

سؤال بقى على الماشى


هو يعنى حضرتك شايف الحال مستقيم فى مصر وهى دى اللى اعوجت منهم؟؟

لنا الله

وكفى

mrmr يقول...

مساءك فل
وانت جبت النهايه
اللى فاهمين

عمرو يسرى يقول...

محمود
هههههههههههههههههههه
انت بعد كده قولهم مالكمش دعوه باللوحه اللى داخل القطار وركزوا على اسماء المحطات فى كل محطه وهيوصلوا ان شاء الله

نورتنى

عمرو يسرى يقول...

سندباد
طب كويس ان السيد الرئيس فاكرنا اصلا فى تقدم الحمد لله
نورتنى

عمرو يسرى يقول...

قول يارب
لا بس احيانا العساكر بيبقوا مش ديكور لانى انا فاكر مره سالت واحد منهم وجاوب صح ف ديه حكايه حظوظ
يارب يجعل دايما حظك حلو ويبعد عنك الديكورات ديه
نورتينى

عمرو يسرى يقول...

richardCatheart
عندك حق وهو احنا بقينا بلد الفهلوه من شويه
نورتينى

عمرو يسرى يقول...

مها البنا
صحبتك ديه غريبه جاىه تغلط فى اشهر المحطات اللى باكثر من اسم
بالنسبه لسوائل
طبعا عارف انى فى حاجات عوجه كتير مش ديه بس بس الواحد بيستغرب لو الانعواج يكون فى حاجات صغيره اوى كده مش صعبه ولا محتاجه خطط خمسيه ولا محتاجه تجارب خارجيه
وفعلا زى ماقولتى لنا الله
نورتينى

عمرو يسرى يقول...

مرمر
مساءك زى العسل
شكرا ليكى
نورتينى

re7ab.sale7 يقول...

هههههههههههه
انا كنت اول مرة اركب مترو اتلغبطت لخبطات جامدة جدا
ويعني اتجاة الجيزة مش اتجاه شبرا والمرج مش عارف اية وحلوان ...ولما تسأل حد يقولك شوف الارشادات واللوح يا انسةهو انت مبتعرفيش تقري والا متشيكة كدة ع الفاضي ....بعدها بدأت اتعود واعرف وافهم الاسماء اللي بتكون ف غالب الاحيان كل محطة لها اسمين .....زي الناس زمان يعني
وبما اني مش من القاهرة ...فالتوهان وارد جدا جدا جدا
بلاش تقول تاني ارشادات ولوح وكلام من ده ...ده كله كلام فاضي

عمرو يسرى يقول...

رحاب صالح
بكره تتعودى
شكرا ليكى
نورتينى

Follow by Email

Tetris