الأحد، 7 نوفمبر، 2010

اغتصاب تلميذ فى المدرسه التطور الطبيعى لكشف الحمامه والايحاءت الجنسيه للمدرسين والهزار الجنسى

فى البدايه اعتذر على العنوان الصريح  وانصح السيدات  بعدم تكمله البوست وانصح  الذين عمرهم  اقل من 16 سنه ايضا عدم تكملت البوست  بما فيه من كلام  خارج شويه
ظهرت فى الايام الماضيه  اخبار عن اغتصاب طفل فى المدرسه استدرج للحمامات  واغتصبوه  و بعدها سمعنا عن اغتصاب اخر والتحقيق مازال يجرى فى القضيتين
لا اعلم لماذا  توقعت ان يكون احداث الاغتصاب  هو التطور الطبيعى  لكشف الحمامه  والهزار الجنسى
ايه هو كشف الحمامه ده  وايه حكايته
حكايته ان الشباب المراهق او المنحل فى بعض المدارس الداعره  تكتف  احدهم  وتفتح سوسته البنطلون بتاعته وتكشف عورته  وهذا يحدث للاسف فى بعض المدارس الحكوميه وبين بعض الشباب المنحل  منها مايكون هزار ولا يستكمل بمعنى لايصل لكشف العوره ومنها ما يصل بل بالعكس منها لايستدعى  التكتيف  فانا اتذكر ان احد الطلاب فى الفصول المجاوره لفصلى فى المدرسه الثانويه رائيته   عندما   قال واحد كشف حمامه  عليه  ولسه هيتجمعوا قالهم اهو واخرج عورته وكان داخل المدرسه بل داخل الفصل الدراسى  والكلام ده من حوالى   7 او 8 سنين  فمن الطبيعى ان يصل الامر بعد هذه السنين الى اغتصاب  وقد يسئل احد الناس ولماذا لم يشتكى احد من الطلاب وقتها  اقول و ارد لان الشخص الذى   يحدث  له هذا  كان هو يفعلها فى غيره وفى من فعلوها فيه  بمعنى اصح كانت المدرسه بلطجه دعاريه  ولكن لم تكن توصل لحد الاغتصاب  كانت يادوب بتقف عند التحرشات  المصيبه الاكثر ان المدرسين انفسهم كانوا  فى الفصول اثناء الحصص  يقول كلام بيه ايحاءات جنسيه
يعنى اتذكر مدرس فى الثانويه  عندما كان مطلع الطالب هيثم المشاغب وبيقوله اقلع البنطلون عشان اعبطك ويقوله  اقلع  عايز اشرح  وكثير من الايحاءات مثل ذلك  بشكل سيئ جدا    وطبعا هتقولى وهيثم دا ما عملش شكوى فى المدرس ليه  اقولكم لان هيثم ده كان من اوسخ الطلاب  اصلا  ولو اشتكى  ملفاته المستخبيه  هتظهر   والشهود هتطلع  والشهود لم يكونوا زور  لانه هو  زباله اصلا    طبعا هتقولولى  طب ماهى الزباله وقعت مع بعض اقولكم بس لما تكون  الزباله ديه تحدث فى المدارس وفى الفصول الدراسيه  تكون كارثه  والنتيجه ظهرت بعد 7 او8  سنين بجالات تحرش المدرسين  واغتصاب طالب   ولسه  ان القادم اوسخ   لان المدارس من زمان  وهى فى حاله  فاسده   فانا اتذكر هيثم الذى  يخرج عورته   ويمارس العاده السريه فى الفصل ولكن طبعا كان  لا يكملها  للاخر   واتذكر ايضا زميل لنا كان يتبول  وراء باب الفصل
 ماذا يتوقعون بعد كل هذا   وفى النهايه اقول  عندما تناقشت مع اصحابى فى كتابه هذا البوست  كريم  كان مستغرب  لانه كان متوقع ان كشوف الحمامه كلها  لم تستكمل وبتقف على انها هزار  لانه كان  فى مدرسه مختلطه  وتجريبيه  ومحترمه بعض الشئ   اما  احمد ابوبكر  فقال ان الاغتصاب اللى حصل ده اصلا نفسه مش جديد  وكان بيحصل قبل كده فى مدرسته الذى كان المودب هو الذى اقل صياع وسفاله  يعنى يعتبر من  حوالى  9 او 10 سنين اصل  احمد ابو بكر  اكبر مننا شويه     اما  محمد ابراهيم  استغرب من كلام احمد ابو بكر  وقال انا كنت اسمع انه بيحصل بس ماشفتش   وكان يقصد انه سمع ماشفش على الاغتصاب او التعامل بالرضا   وليس كشف الحمامه   وطلب منى  ان اتكلم فى البوست  عن الهزار الجنسى  اللى هو لمس  الموخره باحد الاصابع  ومسك صدر الشاب لصدر زميله   على انه صدر انثى  الى اخره   وحركات الاصابع التى اصبحت استخدامها امر عادى  فى الحياه اليوميه بدل شتيمه   او بدل  اعتراض  حتى اصبحت اشارات   متعارف عليها بين الناس زى اشارات المرور
وانا تسائلت  اثناء حوارنا  طب احنا بنعترض  ليه  على ايحاءات الجنسيه فى الافلام  واحنا بتعلمها فى المدارس من المدرسين ومن الطلاب اللى بيدرسه معانا  ونكتنا اصبحت كلها جنسيه  وسافله  ان مجتمعنا وصل الى درجه من الانحراف خطيره جدا  جدا  جدا
وطبعا مع هذا الانحراف   الذى وصلنا اليه وصلنا  الى درجه عاليه من درجات الهيستريا
فنحن بالرغم  من اعتراضنا  على افلام عادل امام  وايناس الدغيدى وخالد يوسف ويوسف شاهين  بما فيها من خلاعه  وايحاءات جنسيه ومشاهد مثيره   الا اننا نكتنا جنسيه  ونعيش يومنا اغلب كلامنا ايحاءات جنسيه
فاصبح مجتمعنا مريضا  ولا نعرف الى متى سنظل متجهيين فى طريق الانحراف
اعتذر عن هذا البوست بما فيه من كلام  غير لائق ولكن كان لابد ان يكتب   لعل  احد ينتبه ويدق  ناقوس  الخطر  لينتبه  الناس لما يحدث  للاجيال القادمه  وماذا يحدث فى المدارس وليحاول احد انقاذ الاجيال القادمه  وللذين يقولون او يعتقدون ان مدارسنا   قذره  وفى مناطق  عشوائيه  ويدعى ان المدراس مازالت محترمه اقول ان مدرستى التى كنت طالب فيها  وكان بها الاخ هيثم الذى تحدثت عنه  هى المدرسه التى خرجت كثير من العظماء وهى المدرسه التى غنى لها الفنان الراحل محرم فواد  عندما غنى لشبرا  وقال بحبك يا شبرا وقال ان فى هذه المدرسه  عشق الكتابه  ماكانش يعرف  ان فى فتره الطلاب فيها هتعشق فيها  قله  الادب مش الكتابه او الادب     فهى مدرسه كان اسمها  عريق  ولكن تحولت مثل كثير من المدارس الى مدعره  وغرزه   واصبحت الصيت ولا الغنى  طبعا  ده  على ايامى معرفش ايه الحال دلوقتى   الموضوع فى نظرى مش صغير  والموضوع اعتقد انه يتعلق بامن الدوله  وامن الاجيال القادمه كلها   
الى من يهمه الامر انقذوا الاجيال القادمه  
نريد ان نطمئن على اولادنا عندما يذهبون الى المدرسه  ونتاكد انهم يذهبون الى مدرسه وليس الى مدعره
الى من يهمه الامر  نظفوا   المدارس  ولا تجعلوها  مدعره  

هناك 24 تعليقًا:

iـــــــــــsــــــــــlــــــــــــaـــــــــm يقول...

انا بجد بحييك على كلامك ده
وبشكرك انك بتفتح موضوع زى ده
لأن ده كلام خطير اوى
وللأسف كلنا عارفينه
وللأسف زى ما فيه كل الزباله دى فى مدارس الشباب
بردو فى مدارس البنات قذاره اكتر واكتر
الموضوع مش قصه شباب بس او بنات بس
المجتمع كله فى حاله فشل وانحراف رهيب
انا مش شايف حل بس هو اكيد فى حل
يمكن لو كلنا قربنا لربنا ربنا هيرحمنا وهينقينا من البلاوى اللى غرسنا نفسنا فيها
برجع وبكرر تحيتى وشكرى واحترامى ليك
على البوست المهم جدا جدا جدا ده

سندباد يقول...

لله الامر من قبل ومن بعد
لك الله يامصر

richardCatheart يقول...

ايييييييييييييييييه دا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ايه دا!!!!!!!!!!!!!!!!!!!!

يا سواد عمرى اللى ماهايخلصش


دا بيحصل فى مدارس الولاد اه عارفه طبعا انه بيهزرو بقله ادب واباحه

بس كده دى اى بيوت اللى مطلعه كياس الزباله دى

حسبى الله ونعم الوكيل فى كل اب وام اهمل فى عيله ووصله للمرحله المخيفه دى

وحسبى الله فى وزير التعليم ابن ستين كلب

اللى سايب الراس وماسك فى الرجلين

وهما عيال اقل مايقال عنهم اوساخ يخافو من ايه
اذا كان اللى مايتسمى السنه اللى فاتت اول مامسك الوزاره الهباب دى
اتاكد من اتنين مدرسين بيتحرشو بالعيال
وحقق ومقق وفى النهايه حولهم لاعمال اداريه فى الوقت اللى كان المفروض يحولهم للنيابه العامه
اذاكان رب البيت يا عمرو
هاتتوقع ايه من اهل البيت يا سيدى

حسبى الله ونعمه الوكيل

اشكرك على جرائتك فى كتابه الموضوع انا كام استفدت كنت هاعرف البلاوى دى منين

ربنا يسترها معانا ومع عيالنا يارب

محمود(باحث عن حب) يقول...

السلام عليكم
انا كنت فى معهد دينى يعنى اشبه بالمدرسه الاعداديه والثانويه
بس ايامى انا بقى كان اقصى حاجه ابيحه اسمعها فى حصص الفقه فى باب النكاح والطلاق والاغتسال ومنهج الاحياء بس بصراحه المدرسين كانوا فى قمه الاحترام بس القسم العلمى كان انضف فى الفكر والاخلاق عن الادبى
مشفتش ولا سمعت عن كده خالص غير على برنامج الحياه اليوم
والقصه بتاعه البدروم دى
فعلا الدنيا دى غريبه بجد وعلى رأى رتشاريه اى بيوت بتطلع اكياس الزباله دى بجد البيوت فيها ايه علشان الواد يطلع بالشكل ده عاده سريه فى الفصل وسوسته و؟..........
لا حول ولا قوه الا بالله دعاره ده ولا شذوذ عاوز افهم بجد احنا فين اى دين بيسمح بكده انا سمعت عن المدرس الازهرى اللى تحرش بطالبه قبل كده وسمعنا كلنا عن اكثر من كده ليه انتشار الافكار والهواجس الجنسيه ما بينا فى مجتمعنا ليه كده احنات مجتمع متدين اغلبيه مسلمه والنصارى اللى عندهم دين بردوا ميعملوش كده سواء نصارى او مسلمين
الخلل فين فى التربيه ولا البيت حسبنا الله ونعم الوكيل يببقى الواحد ميخافش على بناته قد ما يخاف على اولاده علشان ميتقلبش شاذ بجد حسبنا الله ونعم الوكيل

الازهرى يقول...

المشكلة يا عمرو إن الكل بيلوم المدارس مع إنها آخر الملومين على الإطلاق
فالتربية والأخلاق تبدأ من البيت
هتقول لى والمدرس ما هو برضه تربيته فى البيت هلى اللى وصلته لكده
للأسف البعد عن الدين وفقدان الضمير والإنهيار العام فى البنية المجتمعية الحالية تخلى أى حاجة ممكن تحصل وبلا استثناء

تحياتى دوما

re7ab.sale7 يقول...

الصراحة انا كملت الموضوع بالعافية بعد ما حسيت بحالة عثيان وقيء شديدة ...
انا الحمد لله عمر ما كان في مدرسة من المدارس اللي درست فيها حاجة زي دي ابدا يمكن عشان احنا كنا لسة لا في عصر الفضائيات ولا النت ولا الكلام ده وكمان والله انا بستغرب فعلا لان الاطفال اصلا اصبحوا بيتلفظوا بكلمات في منتهي الاباحية ولا رقيب عليهم وده كله سبب اية ..؟ يا تري النت والا الفضائيات والافلام والاغاني والا عدم الرقابة والا اية بالظبط ...؟
ومش حكاية مدارس حكومية او خاصة علي فكرة بيحصل في كل المدارس مش بس حكومية ...لكن المفروض نشوف جذور المشكلةونحلها ....

البحيري يقول...

البوسط ده فكرني ببوسط عند خيخا

انا جبتلك الرابط بتاعه

http://nouranelshamly.blogspot.com/2008/03/blog-post_8111.html

الــحــــنـــــــــــــــــــين يقول...

انت عارف كمان لسه من يومين فى المحلة ولى امر طلب مديرة مدرسه بالجزمة شوفت مهزله بعد كده كله ده لان يبقى انتى اكيد اكيد فى مصر

عمرو يسرى يقول...

islam
شكرا على تشجيعك ليا
وانا بفتح موضوع زى ده لانه لازم حد يفتحه لان الموضوع فى منتهى الخطوره ماينفعش نقعد ساكتين واحنا عارفينه
نورتنى

عمرو يسرى يقول...

سندباد
عندك حق
لك الله يامصر
نورتنى

عمرو يسرى يقول...

richardCatheart
الوزير مالوش ذنب لان هو جاى والكوارث ديه موجوده ومنتشره وده مش دفاع عن الوزير لانى انا شايل منه كتير من ساعة ما كان رئيس جامعه عين شمس ولكن هو جاى على الافعال القذره اللى بتحصل فى المدارس
اما عن واقعه التحرش اللى حول اصحابها الى اعمال اداريه مش للنيابه العامه انا معاكى انه الوزير فيها اتصرف تصرف خيال الماته بس دايما معروف ان وزير التعليم اللى بيجبوه يمسك الوزاره وجوده زى عدمه بل عدمه افضل
وبالنسبه للاهل كتير بيكونوا مظلمين لان كثير من الطلاب بتتعلم الفساد من المدارس
وشكرا لتشجيعك ليا
وربنا يسترها معانا ومع ولادنا
نورتينى

عمرو يسرى يقول...

محمود
احنا فى مجتمع متدين شكليا فقط انما نحتوى على مجموعه من الفساد ليس لها مثيل
والمواضيع ديه مش جديده بل والعكس انا فى حاجات تانيه مكتبتهاش كمان
ربنا يستر على الاجيال القادمه
نورتنى

عمرو يسرى يقول...

الازهرى
معاك حق ان المدرس قد توصله تربيته الى كده ولكن هو قد يوصل غيره الى اكتر من كده فكثير ما يفسدون فى المدارس رغم التربيه السليمه فى البيت
نورتنى

عمرو يسرى يقول...

رحاب صالح
اسف لما سببه الموضوع ليكى من غثيان وقئ ولكن انا نبهت فى الاول ان السيدات والبنات لا يكملوا البوست عشان عارف ان ده هيحصل لهم بالرغم ان فى حاجات كتير بتحصل فى المدارس لم اكتبها حتى لا يحدث ذلك
على فكره المشكله لا اعتقد انها بسبب الانترنت لان انا بقولك ان الكلام ده من اكتر من 8 سنين ماكنش لسه الانترنت والقنوات الفضائيه منتشر بالكثافه ديه
كانت لسه منتشرتش اوى القنوات والانترنت
وللاسف عارف ان الحاجات ديه مش بتحصل فى المدارس الحكوميه بس ديه بتحصل فى مصر كلها مش عارف سبب المشكله ولكن لازم نلاقى لها حل
نورتينى

عمرو يسرى يقول...

لبحيري
عندك حق فى تشابه لكن الفرق ان خيخه خافت على ابنها بسبب الاخبار اللى بتشوفها اما انا فبكتب عن حاجات شوفتها بعنيا وعن قرب
نورتنى

عمرو يسرى يقول...

الحنين
لازم اعرف القصه كلها عشان اعرف ديه مهزله ولا لا لانى على مدى ايام درستى علمت ان فى بعض المدرسين ومديرين مدارس يستحقوا ان تولع فيهم مش بس تضربهم بالجزمه
نورتنى

محمود(باحث عن حب) يقول...

http://bahesanhob.blogspot.com/2010/11/blog-post_08.html

تعالى تانى

الحب الجميل يقول...

حسبى الله ونعم الوكيل
معنديش غير انى اقول كدا
ربنا يستر على اولادنا وبناتنا
يارب احفظهم
تحياتى

aemo يقول...

كلامك واقعى و يدف جرس الانذار بلهجة شديدة و بقوة فعلا يوجد غياب للرقابة و لاننا مجتمع شرقى غياب الوعى الجنسى كمان و مع غياب التربية السليمة و البعد عن دور العبادة لازم يكون فيه انحلال اخلاقى و تفشى و اردى الوضع داخل المدارس و خصوصا فى مرحلة الابتدائى يؤدى حتما الى كاثة و للاسف وزارة التربية و التعليم لا بقت تربية و لا حتى تعليم و ربنا يستر على الاجيال القادمة و طبعا بشكرك جدا على الخوض فى الموضوع ده و اتمنى تشريفك الى مدونتى و خاطرتى الاولى و اتمنى تعجبكم جميعا

عمرو يسرى يقول...

محمود
شكرا لاهتمامك بالموضوع
نورتنى

عمرو يسرى يقول...

الحب الجميل
امين يارب
نورتينى

عمرو يسرى يقول...

aemo
ربنا يستر على الاجيال القادمه
شكرا للدعوه وساقوم بتلبيتها فورا
نورتنى

محمد البرقي يقول...

تحية ليك يا عمرو على فتحك لهذا الموضوع...[صراحة انا اول مرة اشوف المدونة بس فعلا كنت باسال نفس اسئلتك بالضبط...ازاي يجي لنا الحق في رفض التعري الاعلامي و احنا حياتنا اختلطت بالجنس بشكل مرضي خطير ...دق ناقوس الخطر اي صديقي المدون..دمت بود

غير معرف يقول...

والله عندك حق الموضوع ده خطيرفعلا ولازم نوعى الجيل الجديد بخطورة هذا الفعل لان انا شفت كدة قدام عنيا ممارسة جنسية بين ولدين فى احدى المدارس الاعدادية

Follow by Email

Tetris