السبت، 6 نوفمبر، 2010

يوم التجمع و التبرع بالدم

يوم جميل جدا ورائع

صحيت الساعه الثامنه صباحا  على غير عادتى
فرجعت انام ولكن النوم  جفانى
فتركت السرير و وبعد غسل الوجه والذى منه  والصلاه  فتحت الكمبيوتر لاكون على النت جالسا
ولكن النت كان عندى قاطعا
فبداءت افكارى تاخذنى لاجهز للتجمع  والتبرع   وبداخلى صراع بين اشتياقى وخوفى
  اشتياقى لرويه المدونين الذى اقراء لهم  احبابى
وخوفى من اللقاء عسى ان لا اتئالف  معهم فاغادر التجمع بدرى  
فهو اول تجمع  لى واول لقاء  وجها لوجه   لمن  احادثهم من خلف جهازى
وفى لحظه قررت  الذهاب فلبست ملابسى
وخرجت واخذت طريقى
ووصلت لمكان التجمع  ورايته خالى
وانتظرت دقيقه ورايت المدونون ينادونى  كانوا جالسين فى مكان متدارى
فاتيما ومذكرات مريض نفسى
 وفلاش ورامى
وانتظرنا  وبداء يتوالى علينا باقى المدونين
وانتظرنا ثم دخلنا لنتبرع
 ونكشف مين فينا  صالح للتبرع
دخلت  البنات   ثم دخلنا بعدهم
وبدائنا التبرع  وبالرغم انى لا احب ان اكون الاول  فى هذا هذه الاحداث اليوم للاسف  كنت الاول قبلهم
وبداء غرس الابره فى دراعى
 وبداء  يتساقط داخل الكيس  دمى
وبداء المدونين  يملئون الاكياس فى ضحكات وسعاده ومرح
وذهبنا صلينا الجمعه ورجعنا مره ثانيه  نكمل يوم المرح
واتصلت بنا الحب الجميل
لتزيد علينا فرحتنا باليوم الجميل
  وتركتنا بعد ذلك بنت خيخه
وكان لتركها  وجيعه
وذهبنا الى نادى المهندسين وجلسنا جنب النيل
ليشهد على اليوم ويكون خير دليل
واكلنا وشربنا وتناقشنا وتحاورنا وسمعنا قصه عن نصاب كبير
يتلوها بنفسه ويفخر بانه نصاب كبير
وبعد الكلام يتصل بمن نصب عليهم ويقول انه قد تاب
نتمنى ان يكون فعلا قد تاب
 ثم نذهب الى قهوه  وقد بداء البعض فى الانسحاب
وينزع فى القلب اشتياق  للمغادر ساعه  الانسحاب
وبمرور الوقت نتبقى انا ورامى ومصطفى الريان
  نتمشى فى الشوارع  ودخلنا سينما  لفيلم كوميدى
ثم خرجنا  لياتى وقت الفراق
ويمشى كل واحد منا فى اتجاه 
واظل اسمع فى طريقى اوتار الليل
تعزف لحن الاشتياق لليوم الذى انتهى مع اخر ساعات الليل
لاصل بيتى  واكتب بوستا عن يوما جميلا
لا يتضمن اسماء كل المدونين
لان ذاكرتى اضعف من ان تتذكر كل المدونين
فكتبت بعض الاحداث
وباقى المدونين المشاركين  ستكتب باقى الاحداث
 همس الاحباب وازهرى  وشاب فقرى  وحماده وابو حميد وضياء وكثير من الناس 
ستكتب بالطبع  عن يوم  كان بيه احلى ناس
و بقيت ساهرا  حتى الفجر  فى ذكريات يوما رائعا
وانام بعدها وينتهى الكلام المباح
واصحى مع  نور الشمس على  صوت الديك مع اذان الظهر
كوكوكوكوكوكوكوكوكو
ملحوظه  
ديك  اذان الظهر
 ده ديك  نزيه تبعى انا  قطاع خاص  
  

هناك 16 تعليقًا:

يوميات شحات يقول...

ربنا يكرمك جميعا و يجازيكم خير

خواطري مع الحياة يقول...

صباح الخير
يوووووووووووة يارتني كنت بمصر وشفتكم كلكم
يلا خيرها بغيرها
ههههههههه
ربنا يكرمكم ويجعلة بميزان حسناتكم
عجبني الديك بتاعك قطاع خاص
هههههههه
تقبل مروري
سلامي ليك اخي.

الــحــــنـــــــــــــــــــين يقول...

ربنا يجازيك كل خير نورنى يا مان

ghada mOhsen يقول...

ههههههههههه
حلوة قطاع خاص دي ...


بجد ربنا يجازيكم خير

أنا المفروض كنت أجي
كنت في القاهره عشان الجامعه
بس إنشغلت بعد المحاضرات
وحاولت أتصل في كذه حد بس ماوفقتش للأسف

بس ربنا يسعدكم يارب

حلوه أوي طريقة سردك ممتعه

^_^

mrmr يقول...

يوم حافل جدا وجميل
انا واثقه انك استمتعت فعلا لانى حضرت تجمع قبل كده وحسيت قد ايه الواحد فى قمه السعاده انه يشوف الناس اللى بيحبهم وجها لوجه

ربنا يعوضك خير

re7ab.sale7 يقول...

صباح الورود
يا بختك بجد انك روحت
انا كان نفسي اجي بس للأسف كنت تعبانة ولسة والله لغاية دلوقت
علي فكرة كلامك انت كتبته بشكل موزون جميل اووي بجد
احييك عليه
وربنا يجازيكم خير دايما

Noha Saleh يقول...

واضح انه كان يوم جميل
والاجمل من كده ثواب التبرع
ربنا يبارك فيكم ويقدركم على الخير

خطــايا ع ِـــشق يقول...

فى كثير من الاحيان تكون صداقه النت اوفى وافضل من الصداقه العاديه حيث أناس تجمعك بهم المحبه فى الله والقلم الثائر تاره والحنون تاره أخرى ,والافكار والقصص الخياليه ومشاعر الجنون المكتسحه ..
جميل إجتماعكم سوا فى الحب والخير وشعرت بين جنبات حروفك تلك الفرحه الخجوله المحلقه التى تسرى بك بعد الخوف من اللقاء الاول ..كم اتمنى أن اكون بينكم فى يوم من الايام ..تحياتى

عمرو يسرى يقول...

يوميات شحات
الله يخليك
نورتنى

عمرو يسرى يقول...

رشا
اكيد بوجودك كانت هتبقى اجمل واحلى
لو عايزه ديك يصيح فى اى وقت قوليلى
نورتينى

عمرو يسرى يقول...

الحنين
الله يخليك
واسف على تقصيرى فى زيارتك
نورتنى

عمرو يسرى يقول...

غاده
شكرا على كلامك الجميل
وان شاء الله المره القادمه تكونى معانا
نورتينى

عمرو يسرى يقول...

مرمر

اكيد طبعا كان يوم جميل
وان شاء الله المره الجايه تكونى معانا
نورتينى

عمرو يسرى يقول...

رحاب
الف سلامه عليكى
وشكرا على كلامك الجميل
نورتينى

عمرو يسرى يقول...

نهى
ان شاء الله تكونى معانا المره القادمه
نورتينى

عمرو يسرى يقول...

خطــايا ع ِـــشق

ان شاء الله تكونى معانا المره القادمه
نورتينى

Follow by Email

Tetris