الأربعاء، 3 نوفمبر، 2010

هما الاخوان مالهمش اخر مابينتهوش

البدايه طبعا زى البوست اللى فات سؤال من صديق  رفض ذكر اسمه
طبعا  من غير ذكر اسمه انتم عرفتوه  من البوست اللى فات
يالا  مين  هو الصديق   يالا عايز اسمع فى صوت واحد مين هو
طيب ماعلينا  المهم نرجع للسوال  هما الاخوان مابيخلصوش  مالهمش نهايه
صديقى طبعا سئلنى السؤال ده وكمل كلامه بيقولى كل شويه  يكتبوا  اعتقلوا  176 اخوانى وبعدها اعتقلوا مش عارف كام  اخوانى تانى وبعدها وبعدها  هما الاخوان مابيخلصوش  كل شويه بيعتقلوا عدد  وارقام  مش اعداد قليله  طب فى ايه
تذكرت وقتها  سؤال الاعلامى الكبير عمرو اديب  للاستاذ وائل الابراشى   عن  الاخوان بردوه
لما قاله  الحكومه كل شويه بتعتقل  عدد من قيادات الاخوان  والمرشد العام بتاعهم معروف ولكن متروك ليه
وفعلا  جماعه محظوره  وقاعدين يعتقلوا اعداد منهم  تاركين المرشد العام ليه بالرغم انه معروف  
وكان رد الاستاذ وائل الابراشى  ان الحكومه تجييد اللعب مع الاخوان
فسئلت نفسى   ان كانت الحكومه تجيد اللعب مع الاخوان  لعمل توازنات  سياسيه  الا تخاف الحكومه  على تاثير الاخوان فكريا  على الشعب و الى متى ستجيد الحكومه اللعب مع الاخوان  وماذا ستفعل لو فجاه اصبح الشعب كله اخوان  الم يفكر  من يجيد اللعب مع الاخوان بان الاخوان تجيد اللعب مع الشعب
 طبعا فالاخوان يجيد اللعب مع الشعب باسم الدين  وخصوصا فى ظل مجتمع انتشر فيه  الفساد  مما صنع   فى المجتمع فكرا متخلفا  بذقن وجلباب  يلعب بالدين  ويهتم  بالدين مظهريا  فقط ولا يهتم بجوهره   وفكرا اخر  يثور على الفكر الاولانى ويكون منحلا بتاع فيدو كليبات تافه وافلام واغانى وهلس   فالمجتمع اصبح مريض فكريا  ونادرا  عندما  نتقابل مع الفكر المتوازن  المعتدل  نعم فهناك فكرا  متوازن ومعتدل فى بلدنا ولكن قليل
المهم    الم تفكر الحكومه بتاثير  اللعب  فى عقول الناس  الذى يلعبه الاخوان     وماذا تفعل الحكومه لو اصبح الشعب كله اخوان  هل ستعتقل الشعب  كله  ام ستغير قانون اللعبه
اعلم بان الحكومه تجيد اللعب مع الشعب مثلما تجييد اللعب  مع الاخوان   فالحكومه التى لا تفصل لجنه الاحزاب  عن الحزب الحاكم   لكى تكون جميع احزاب المعارضه تلعب تحت ايديها  فهى حكومه  تجيد اللعب مع الكل
المهم فى مصلحه من هذه الالعيب      لا اعلم  هل فى حد يعلم
لو فى حد يعرف يقولى   مايسبنيش  فى جهلى  
 ما علينا بلاش نتكلم فى السياسه  عشان ما بحبهاش  ولا بعرف فيها 
 سلام
ربنا يستر 

هناك 12 تعليقًا:

richardCatheart يقول...

ينتهو هههههههه اكس ماينتهيش ابدااااااااا


الجمله الوحيده اللى عجبتنى فى مسلسل الجماعه

الحومات بتصنع مأسات الشعوب والاخوان والاحزاب بيتاجرو فيها

الناس بتتجه للاخوان علشان مافيش غيرها اؤدمهم غير الحكمومه لا دين ولا بتاع

هما لو لقو اتجاه تالت كانو جريو عليه

بس للاسف يا عمرو مافيش

Noha Saleh يقول...

فعلا القائد بتاعهم معروف ومحدش بييجى ناحيته
ده كان سؤال بيدور فى دماغى من فترة كده

خواطر شابة يقول...

تعرف واضح انك بتحب صديقك اوي دائما بتصدره في وش المدفع ههه
دمت بود

عمرو يسرى يقول...

richardCatheart
بس اعتقد ان الاخوان بردوا مش حل
وانا كمان عجبتنى نفس الجمله ديه فى مسلسل الاخوان لانها تعتبر من الحاجات القليله الصادقه فى المسلسل
نورتنى

عمرو يسرى يقول...

نهى
حاجه غريبه وملهاش اجابه غير اجابه الاستاذ وائل الابراشى
نورتينى

عمرو يسرى يقول...

خواطر شابه
هههههههه
احيانا بصدر نفسى بردوه مش دايما بصدره
نورتينى

MR.PRESIDENT يقول...

أنا مش مع الإخوان ولا مع السلفيين ولكن بحي اللاثنين وشايف ان دول ليهم لازمة ودول ليهم لازمة
والشعب ... ولا مؤاخذه ملوش
انا اسف بس زي ما قلت يا عمرو الشعب مريض .. وعايز مشرط لأن الطب خلاص . بح

re7ab.sale7 يقول...

صباح الورد يا عمرو معلش جاية متأخر عشان كنت مسافرة
سؤالك ده بيخلينا نبص لحاجة قريبة من الكلام ده اللي هو القنوات الدينية اللي كل شوية تزيد وتزيد وكل شوية يلغوا قناه وترجع تاني وم باسم جديد لكن هي هي ...مش جديدة يعني وبرغم ان الدولة ممكن يكون ليها رد قاطع لكن بتسيب الامور معلقة لشيء في نفسها ....بالظبط زي مشكلة الاخوان دي

مها البنا يقول...

فعلا الإخوان مبيخلصوش

وده فى حد ذاته

كاااارثه


تحياتى

عمرو يسرى يقول...

سياده الرئيس
معاك ان الشعب مريض ولكن اعتقد انهم ساعدوا فى مرضه
نورتنى

عمرو يسرى يقول...

رحاب
عندك حق
نورتينى

عمرو يسرى يقول...

مها
اعتقد ان كلمه كارثه قليله جدا
نورتينى

Follow by Email

Tetris