السبت، 27 نوفمبر، 2010

انتخابات مجلس الشعب 2010 صوتك امانه

فى الخمس سنين اللى فاتت سمعنا عن سب دين فى المجلس الموقر  وسمعنا كمان عن نائب القمار  والموبيلات   وسمعنا كمان عن نائب الرصاص  اللى مش فاكريين  احنا اللى  كنا رشحناه  زمان وكسب باصوتنا    ولا كان  كسب ازاى  وباى طريقه  اصل وهو فى المجلس عايز يضرب علينا رصاص   وكمان  سمعنا عن احداث كتيرتانيه  سمعنا   اللى هدد يضرب زميله  العضو  بالجزمه  وسمعنا وسمعنا   و عشان كده لازم تشارك بصوتك صوتك امانه  عشان نكمل المسيره
انا هنتخب  اللمبى  فئات 
 و ابراهيم الابيض عمال 

 ومن السيدات  خالتى فرنسا  

عشان يسبوا  ويشتموا مكانى  بدل ما اوسخ لسانى  ويضيع

حذائى  او يخلص رصاصى  

عشان تطمئن على مستقبل اولادك  

و يا بلدنا ان الاوان

ومن اجلك انت

 
صوتك امانه

انت هتنتخب مين ؟؟؟؟؟

الاعتراف

دبستنى  عفوا  دعتنى  الاستاذه  مرمر  بان اعترف
واشكرها على هذه التدبيسه عفوا  الدعوه
ولا اعرف من اين ابداء الاعتراف
 اولا اعترف  ان  جميع مدوناتى  هى عباره عن فضفضه فكريه  تزيل من على كاهلى ما تثقله عليا افكارى
اعترف  باننى قضيت فتره من العمر ليست بقليله انطوائيا   حتى بداءت  الخروج من الانطوائيه قليلا فى ايام الجامعه  
قد اكون خجولا  جدا بعض الشئ
احيانا اشعر باننى عندما كنت طفلا كنت اعقل من الان  واتمنى العوده لتفكيرى الطفولى السليم  ههههههههههه
من غير سخريه سيبكم من الجمله الاخيره ديه
  من سن عشره او احدى عشر سنه كانت  تاتينى  افكار قصص   ولكنى لم اكتب منها شيئا   وقتها خوفا من ان يسخر منى  احدا  كانت هذه الافكار ناتجه من الاحداث التى اشاهدها احيانا فى التلفزيون صدفه اثناء التنقل  بين القنوات  على سبيل المثال كان عندى فكره  قصه عن عبده الشياطين القضيه التى اثارت جدلا فى اواخر التسعينات   وفكره اخرى  عن الاستنساخ  جاءتنى عندما كنت اشاهد خبرا ان فى سيده استنسخت نفسها  وكانوا جاييبن فى  التلفزيون صورتها تحمل طفله يقولون انها نسختها   وفكره اخرى عن تاجير الارحام   يعنى  افكار زى كده  وفى  حوالى السته  سنوات الماضيه بداءت اتحدث مع اهلى عن ميولى للكتابه  و كانوا بيشجعونى  ولكن بردوا كان فى داخلى  شئ  ما  فلم اكتب شيئا  ممكن لم اكن تخلصت من خوفى ان يحرجنى احدا  ولكنى  بعدها بدات فى كتابه الشعر  على بسيط وكان كل من يقراء لى يثنى على ما اكتبه  وكان صاحبى محمد ابراهيم يقول لى ماتنشر اللى بتكتبه على الانترنت واعرف راى الناس
 تعرفت على بلوجر من صاحبى احمد فواد  وبداءت فى عمل مدوناتى المختلفه  وبس  
كفايه كدا عشان ماتزهقوش وعشان انا مش عارف حاجه تانيه اعترف بيها
تم اقفال المحضر فى ساعته وتاريخه .
انتهى  

الجمعة، 26 نوفمبر، 2010

بعد سنين من العمر ( عن قصتى مدخل الشيطان ( موعد مع النفس )).

بعد سنين من  العمر اسئل نفسى وانا فى اخر ايامى
ايه اللى  كان  المفروض  اعيشه  و اللى كان لازم   تمشى عليه حياتى
 هو كان  المفروض اجرى وراء شهواتى فى الدنيا  ولا اجرى وراء حلمى فى الجنه بعد وفاتى
ولا كان لازم اجرى وراء الاثنين  اعيش حياتى وان بفكر فى اخرتى
غريب والله  الانسان     لما يفتكر انه فى يوم هيموت
وكأنه  كان فاكر انه هيخلد فيها  ومش هيموت
يرجع لصراع   اول حياته
الصراع اللى  ما  بين اختياره لدنيته  او اختياره لاخرته
يجرى وراء شهواته  ويفكر فى الدنيا وينسى الاخره
ويفتكر رب الكون ساعه  حدوث  كارثه
ويتذكر ان هيقابله فى الاخره 
طب ليه  كان بينسى  انه  هيقابل ربه   فى الاخره
نزلت الاديان علشان تعلم الانسان
ازاى يكون انسان
 نزلت الاديان لتعلم الانسان
 كيفيه التنسيق بين  الدنيا والاخره و ازاى يعيش فى الدنيا  انسان
تلاعبنا الايام  وتختبرنا   وتفرزنا  وتمرجحنا  واحنا فيها  بنتمرجح
ساعات القلب يضعف وساعات  الاختبارات  تضعفنا  ولما يهدينا الله بنعرف اننا  احنا  الاضعف 
 مش كل حاجه لينا مفهومه
ومهما عرفنا  مش كل حاجه لينا معلومه
 يارب اهدينا   واهدى قلوبنا
مهما نتمرجح ثبت قلوبنا
يارب اغفرلنا ما فعلنا
ما انت اللى عارفنا  واقوى منا
يارب اهدينا  واهدى قلوبنا
مهما نتمرجح ثبت قلوبنا     


( عن قصتى مدخل الشيطان ( موعد مع النفس )).

الأربعاء، 24 نوفمبر، 2010

متى ساعود لنفسى؟!

متى ساعود لنفسى ؟!
وانا اصلا  ليه هجرت نفسى ؟!
مين غيرنى وبعدنى  عن نفسى ؟!
وازاى انا وافقت وبعد عنى؟!
و فجأه الاقينى بعاتب نفسى
عن هجرى لنفسى  
  كنت فين انا  لحظه الوداع
ومنين فجاه  جاءت لحظه اشتياق
وامتى هينتهى بنا الصراع
واعود لنفسى واقدم لها اعتذار
اعتذر لو كنت انا اللى اخد القرار
وبعد عن نفسى وهجرتها واخترت الفرار
انا مش فاكر انا كنت ناسيها  ولا انا اللى اختر الفرار
ولا مكانش بايديا  القرار
امتى اعود لنفسى 
وارجع تانى واكون انا نفسى

كلام فاضى ( تهييس مدون).

كتير  بنقول ونتظاهر باننا بنقول كلام فاضى
واحنا عارفين او مش عارفين انه مش كلام فاضى
وناس تقول اى كلام فاضى معقول
وساعات يكون فعلا اى كلام فاضى معقول
وساعات نقضيها  ابتسامات
ونحس اننا شباب على طول ونشوف الذكريات
  فى شريط فى مكتبه الفديوه  او نفتح البوم الذكريات
وتيجى فكره  ولا افكار سندباد
  او تتولد حكايه ولا   حكايات شهرذاد  
     لما نفتكرها  فى مذكراتنا يمكن نقول عنها
كانت ابدعات  لشباب ثائر  او يوميات شباب فقرى
او مذكرات مريض نفسى
مش عارف بس نفسى اعرف
ليه بقول  حياتى  لكن مش حر فيها
وانا عارف انى  حر فيها
ايه اللى انا بقوله ده يمكن تكون تخاريف عقل وقلب
اواشعار وتاليف  خارجه  من القلب
عارف مش عارف ليه  انا واقف على بابى
اتفرج على الحب الابادى
وكانى باحث عن الحب 
ايوه عن الحب الجميل 
ايه ده دا انا شايف  اثنين حبيبين
قاعدين بين السما والارض زهرتين
زى زهور بستانى  سامع كل زهره   بتقول للتانيه  احيا بحبك
وفجاه وكأنى  طير من الطيور المهاجره
مشيت مع رياح الحنين  خدتنى الى  همسات قلب  وهمس الاحباب
وبداءت خواطرى مع الحياه بدمعه قد تكون حزن او فرح
بداءت ب كلام فاضى شخابيط ومجرد فضفضه  مع شرب  واحد شاى  على قهوه بالفانيليا
ابنى  خواطرى  طوبه فضه وطوبه ذهب   كل ليله  وانا اشاهد دموع القمر
القمر الحزين لحالى   يسمعنى  بعد صمت الغروب
ياتى يسمعنى ويسمع حكاوينا و يرى روح  طفل مش عايز يكبر
 طفل   خيخه واى كلام
قاعد يهيس ويقول  احلى  كلام
واحس وقتها باننى انا الرئيس عفوا رئيس نفسى
او امير على كوكب مهجور  ويخذنى الحنين  بعد ما فكرت فى الرحيل
وابداء الين  واسرح واسرح ويبداء قلبى  بنبضات قلب ولهان
اجمع فتافيت ربع قرن من الزمان
الاقيها  بصراحه  تخاريف زمن  من زمان
ومع ندى الياسمين  تبداء ابتسامه امل
وابدا اكون سواح فى الكون  اه سواح فى ملك الله  مع شويه امل
 ويكون قلبى قلب قطه هاهاها واقراء خواطر بنت العزيزى
واشاهد صيدلانيه طالعه  نازله  تقول انا مش ساكته
وفجاه وفجاه  يداهمنى صوت  المنبه   يقول
فوق  ياروح قلب ماما  فوق
واهى الحكايه حدوته مصريه


على اللى ماسمعش اسم مدونته  ان يرفع يده ههههههههههههههه

ههههههههههههههههههههههههههههههههههههههه
هذا المدون قد يكون مهيس  او غير متاح حاليا  برجاء التاكد من  المدون المطلوب 
و ترك تعليقك بعد سماع الصفاره 
تييييييييييييييييييييييييييت 

الاثنين، 22 نوفمبر، 2010

مكالمه تليفونيه

فى العيد وسط جلسه الاهل والصحبه
ذهب  الولد الى التليفون ليجرى  مكالمه
لماذا يترك الولد الاهل والصحبه ويروح يجرى المكالمه ؟! 
اهى مكالمه مهمه لا توجل؟؟  حاجه غريبه ! 
الولد سايبهم و رايح يكلم صديقه
ياترى فى حاجه مهمه !
ايه ده بيقوله ويكلموا فى اى كلام  ديه حاجه  غريبه
يترك اهله والصحبه ويروح يقول اى كلام حاجه عجيبه
يمكن يكون اشتاق لصديقه
بس دا كان معاه امس واول امس  ولسه تركه من ساعات
هو صديقه ولا حبيته  اللى بيرغى معاها  ساعات
فى كلام حب وعشق وغرام وهيام
طب ليه سايب اهله ورايح يكلم مع صديقه  اى كلام
اصلها مش مكالمه  جت فجاه  ولا هى لحاجه مهمه
وهو اللى رايح  يتصل ويجرى المكالمه  
ايه هو فيش ليهم اى احترام ولا اهتمام
 ابدا والله فى قلبه ليهم كل الاحترام والاهتمام
بس منهم  هاربان  مش عايز يسمع منهم اى كلام
هاهاهاهاهاها لا واضح الاحترام والاهتمام
وليه بقى مش عايز يسمع منهم اى  كلام
اصل النصيحه لما تتقال مره من غير استجابه
تبقى ايه لازمتها  لما تتقال تانى  بنفس الشكل والاسلوب 
هو المره الاولانيه كان ليها  استجابه
ايوه معاك بيقولوا الذن على الودن امر من السحر
بس مش دايما الذن بيعمل استجابه ايجابيه
كثير من  الذن  بيصنع استجابه سلبيه
ما هو عدم الاستجابه للنصيحه
مش معناه  رفض النصيحه
بس فى ناس  بتحتاج وقت للاستجابه
او احيانا بتبقى فى حاجات مخفيه  ومجهوله
مش كل حاجه عن المنصوح  للناصح  معلومه
ياما منصوحيين مختفي  جواهم حاجات  يمتنعوا  عن الافصاح بها  للناصح
ماهو  مش كل  واحد بيقول اسباب   عدم الاستجابه للناصح  
واحيانا بيبقى النصيحه عايزه تغيير فى الاسلوب
لتجيب النصيحه استجابه بالمقلوب 
ولو كان عدم الاستجابه للنصيحه   من وجهه نظر الناصح غباء
طب ليه يرجع تانى للمنصوح  من غير طلبه  بنفس النصيحه 
ينصحه  ويروح نصحه  هباء
اهو الولد بقى  يتركهم  ويروح  يجرى مكالمه  ويتكلم  اى كلام هباء

    

السبت، 20 نوفمبر، 2010

بيعاتبنى وهو اللى جارحنى

خلصت كلامك
خلصت عتابك
عجبنى طريقتك
عالى كمان صوتك
خدنى بالصوت لاحسن اغلبك 
ايه خلصت عتابك وكلامك
تصدق صدقتك
فعلا انا  ظلمتك
وعشان كده انا هقولك
كلمه واحده هتعجبك
قاطعنى  وانسانى
غلط  فى حقك   ومش عايزك تسامحنى
مش عارف ازاى كنت مستحملنى
بتعاتبنى وانت اللى جارحنى  
اتركنى لحالى
وابعد عنى
وقول ماشئت قول انى كنت معاك غدار
قول خلينى  اشعر بالانتصار
حتى لو بالكذب  خلينى قدام الناس لا اشعر بالانكسار
ايوه  ياناس  انا الجارح مش المجروح
 ماهو صعب  عليا اشوف نفسى وسط الناس مذبوح 
يالا الصيت ولا الغنى
وجرحك انا عنه فى غنى
غدا  اللى هيعرفك هيقول فيا وفيك  اشعار
هيقول عنك غدار  
ويقول عنى  ازاى غدر بالغدار
ما هو ميعرفش انى انا  شربت  من نفس الكاس
بس عامل مظهر قدام الناس
وكأنى مشربتش من نفس الكاس
يالا مع السلامه  قاطعنى
ابعد عنى وريحنى
مش جاى تعاتبنى وانت اللى جارحنى
وانا صدقتك وبقولك ابعد عنى
واياك تسامحنى
بيعاتبنى  وهو اللى جارحنى

اللوحات الارشاديه فى محطات المترو للفاهمين فقط

دائما كنت امر على اللوحات الارشاديه  التى بها ترتيب محطات المترو ولا ارى مشكله فيها   او كنت لا اعطى اهتمام لها  بالرغم انها كانت تثير انتبهاهى ببعض الاشياء فيها   فكنت عندما اقرء اللوحه اللى على الحائط انتبه ان محطه محمد نجيب  مكتوب مكانها عابدين   ومحطه  الاوبرا  مكتوب  مكانها الجزيره    وعندما اقرء المحطات من الورقه التى فى سقف القطار  ارى ان محطه محمد نجيب مكتوب عليها محمد نجيب ومحطه الاوبرا  مكتوب عليها الاوبرا  قد اكون لعدم وجود مشاوير فى هذين المحطتين لم اهتم بهذا الشئ الغريب او ممكن لمعرفتى ان محطه محمد نجيب هى  عابدين   وان محطه الاوبرا  هى الجزيره  كان الامرعادى بالنسبه لى   ولكن عندما  كان عندى مشوار  فى محطه ساقيه مكى  وبتابع فاضل كام محطه  وبحسب الجيزه  وضواحى الجيزه  وبعدها ساقيه مكى  فبعد محطه الجيزه انا كنت  متوقع ان اللى بعدها  محطه ضواحى الجيزه  فى اللوحه الارشاديه  اللى على الحائط مكتوبه ان المحطه اللى بعد الجيزه  اسمها  ضواحى الجيزه  وفى الورقه اللى فى سقف  عربه المترو  مكتوب المحطه اللى بعد الجيزه اسمها  ضواحى الجيزه وبعد  ما المترو تحرك من محطه الجيزه  ان متصور بسذاجه  بالغه  ان المحطه القادمه اسمها  ضواحى الجيزه  زى اللى مكتوب  اتارى المفاجاه الكبرى  ان  المحطه  اللى بعد الجيزه  اسمها     محطه ام المصريين     ايه  ايون اسمها محطه ام المصريين  مكتوب عليها كده  ايه دا مين  ام المصريين ديه اهل ياست  الحاجه  ايه ده هو انا ركبت اتجاه غلط  ولا ايه   لا الاتجاه صح ولكن المحطه اللى مكتوبه فى كل اللوحات الارشاديه   فى المترو ضواحى الجيزه  اسمها   ام المصريين  ياحلاوه  ياجدعان  هى اللوحات الارشاديه اللى مكتوب فيها اسماء المحطات  بتاعت المترو معموله للى فاهمين  وعارفين  ولا لارشاد الناس اللى مش عارفين   الغريب انى اعتقد  او احيانا بشوف ناس كتير ماتعرفش ان محطه محمد نجيب هى  عابدين   و بالرغم من كده  بتوع اللوحات الارشاديه مره يكتبوها كده ومره كده  ولا اعتقد ان الناس عارفه ان ضواحى الجيزه  اسمها ام المصريين  عشان فى كل اللوحات الارشاديه  بيكتبوها  ضواحى الجيزه وهى محطه ام المصريين فهل اللوحات الارشاديه  ديه معموله للفاهمين فقط  و الحافظين اوالعارفين  ولا للارشاد  ولا منظره  ولا ايه   يعنى انا كنت عارف ان لما المكان يكون له اكثر من اسم  يكتبه اسمه وبين قوسين يكتبوا اسمه الثانى  يعنى يكتبوا فى اللوحات محطه محمد نجيب بين قوسين  عابدين انما   فى لوحه يكتبوا فيها  عابدين وفى لوحه تانيه  يكتبوا  محمد نجيب  هى الناس ناقصه لغبطه   والغريب ان المحطات المشهوره واكثر استخداما مش عاملين فيها كده يعنى مافيش لوحه مكتوبه عليها مثلا  محطه حسنى مبارك  ولوحه تانيه  مكتوب عليها رمسيس  بالرغم ان كل الناس عارفه ان محطه حسنى مبارك هى محطه رمسيس     والسادات تحرير  وبالرغم انهم معروفين بالاسمين ولكن  كل اللوحات مكتوبه باسم واحد للمحطه   حاجه غريبه المحطات اللى معروفه باكثر من اسم  مكتوبه باسم واحد  فى كل اللوحات والمحطات اللى مش معروفه مكتوبه فى كل لوحه باسم  شكل   والمحطه اللى مكتوبه  فى كل اللوحات الارشاديه باسم ضواحى الجيزه    هى اسمها  ام المصريين   هو اللوحات الارشاديه ديه بترشد مين ايه الهدف منها بالضبط  ومعموله لمين   حاجه تجنن   
كام واحد  فيكم عارف ان محطه ضواحى الجيزه اسمها الحقيقى ام المصريين  وليس اسمها ضواحى الجيزه
دلع امهات ياجدع

السبت، 13 نوفمبر، 2010

كل سنه وانتم طيبين عيد سعيد عليكم


كل سنه وانتم طيبين
 يا احلى ناس يااللى  عليا غاليين
 كل سنه وانتم طيبين
يا حبيبى  يا غاليين
عيد سعيد عليكم
انا جاى احييكم
كل سنه وانتم بالصحه والسلامه
انا جاى اهنيكم من غير ملامه
نهاركم سعيد
 يوم العيد
سعيده  مبارك
ان شاء الله عيد عليكم  مبارك
واسعد الله مساءكم
وتتهنوا ان شاء الله  باعيادكم
كل سنه وانتم طيبين
يا اهل البلوجر يا طيبين
عيد سعيد عليكم
و يسعد الله ايامكم
وكل سنه وانتم طيبين
يازوارى  ياغاليين
وعيد سعيد عليكم
دا العيد يحلى بيكم  


خواطر تتمنى لكم عيدا  سعيدا

كل سنه وانتم طيبين




فضفضه 

تتمنى لكم عيدا سعيدا

وكل عام وانتم بخير

الجمعة، 12 نوفمبر، 2010

احذر من جنانى (تهيس على خفيف ).

الجو بيبقى بتنجانى لما الدنيا تبقى مسقعه
فاحذر من جنانى  لو حياتنا بقيت بارده ومسقعه
يتخللنى احساس ان مبقاش بينا احساس
كلمه حبيبى بتقولها لكل الناس
بتقولها للبواب ولصاحبك  ولكل الناس
بقيت بتقولهالى  من غير احساس
وكأنى واحد عادى من ضمن الناس
امر امير الامراء بحفر حفره فى الصحراء
كم راء فى ذلك وذلك يعنى فيها كام راء
هو ده  بقى كلامك معايا نكلم فى حاجه
تحدفنى لحاجه وفى الاخر ماطلعش منك بحاجه
الكلمه منك لازم ادرس كل معانيها
لان لعبتك المفضله تلعب بمعانيها
ضيعت المعانى   وفقد الاحساس
حياتى معاك بقيت برده من غير احساس
احذر من جنانى لو حياتنا فضلت من غير احساس برده وساقعه
ده الجو بيبقى بتنجانى  لما الدنيا بتبقى مسقعه

الأربعاء، 10 نوفمبر، 2010

يوم الخميس 4 نوفمبر 2010 فى جامعه عين شمس (تدبير غير متقن ) ازمه مفتعله

كان شريف  احد اصدقائى  اخبرنا من فتره  ان فى هذا  اليوم  حفل للمغنى تامر حسنى  فى الجامعه  وده كان خبر معروف  لناس كتير  حيث ان الطلاب  دائما تنشر بينهم  مواعيد  اى حفل  وقالى شريف تعالى نروح الحفله  ووافقت  وفى هذا اليوم سبقنى شريف وانا تقابلت مع محمد ابراهيم وذهبنا فى اتجاه  الجامعه  وعندما وصلنا رائينا شئ  غريب لا يوجد  حفله ولكن يوجد مظاهرتين  امام قصر الزعفران فى شكل  تهييسى  اخر مليون حاجه مظاهره عايزه تتكلم وتقول حاجه لكن صوتها ضعيف مش ظاهر  لان مظاهره اخرى  تخطى عليها مظاهره عن  نادى الاهلى بتقول اهلى اهلى  وبعدها تقلب الى قاعدين ليه ماتقوموا تروحوا كان منظر يدعوا للسخريه وخصوصا ان  الحرس الجامعى  موجود  وقاعد يتفرج   وكنت عايز اصور  فديوه لكن موبيلى تصويره سيئ  قلت اخذ من اى حد بيصور فديوه عن طريق البلوتوث  فذهبت لاحد الشخصيات اخذ منه تصويره  وسئلته  ماذا يحدث  فقال  كان فى  مظاهره  ضد الحرس  الجامعى دخلت فيها خناقه لتشوشر  عليها وان الموضوع اصلا بادى بخناقه  ناس عايز الحرس  الجامعى وناس  لا ومن كلامه عرفت انه شايف ان الحرس الجامعى لما يكون من الداخليه افضل من ان يكون من شركه امن لان ممكن اى حد يفرد نفسه  على اى واحد من بتوع شركات الامن ولكن مش هيقدر يفرد  نفسه على  ظابط  اخذت منه الفديوهات  وقمنا ماشين نقعد على قهوتنا  واتصلنا بشريف عشان يجيلنا  شريف لما  وصلنا  قال انه شاف خناقه   وناس بترهب الطلاب بالمطاوى  والحرس  قاعد ولا كانه موجود  وبيقول كمان شريف انه سمع ناس خارجه من الجامعه بتقول كفايه كده الفلوس ديه تكفينا  يعنى كان فى كلام ان  فى ناس ماجوره من  حرس الجامعه  عشان تعمل  فوضى وبلطجه  وتثبت ان وجود الحرس الجامعى   ضرورى  بالرغم من ان هذا  الحدث فى وجود  الحرس الجامعى  يثبت ان وجود الحرس الجامعى زى عدمه  وقال كمان شريف  ان الحفله اتلغت من يومين ثلاثه وماحدش قال  
انتهى  اليوم  ليظهر الحديث عن هذا اليوم  فى  التلفزيونات بعد ذلك  لنستوعب بيه الجزء الذى شوفناه  وسمعناه   خلال اليوم   
الحدث المذاع
ان الدكتور عبد الجليل من جامعه القاهره اتى الجامعه  ليوزع على الطلاب الحكم الصادر   بالغاء حرس الجامعه  وان بعض الطلاب هاجموه وبداء الموضوع كله والازمه

الاشياء التى تجعلنى اعتقد واتاكد من ان الموضوع تدبير  الجامعه

 ان فى حلقه مصر النهارده اذاعوا جزء من شريط بعته وزير  التعليم العالى  وقال الوزير ان الدكتور متصور من بدايه  دخوله   ويدعى الوزير  ان الفديوه تصوير من الطلاب  واقول يدعى لسبب ان الطلاب  لو هيصوروا  بيصوره الحاجه الغريبه يعنى احداث البلطجه  او المظاهرات المسخره انما انهم يصوروا  دكتور دخل الجامعه  من بدايه دخوله من غير مشاكل  الى المشكله لا اقول له  الا تيييييييييييييييييت  كلمه اعتراضيه   الدكتورمش  نجما  معروفا  عشان الناس  تصوره من لحظه دخوله
 ايضا ان الوزير ادعى ايضا  انه لم يكن موجود حد بسلاح  بالرغم من ان الاستاذ محمود سعد جابله صوره من الفديوه بتاعه وصوره تانيه فيها نفس الشباب وفيها سلاح ولكن غالبا كان الوزير ضعيف النظر والبصيره فراى ان الشاب الذى  فى الصوره الاولى مش هو اللى موجود فى الثانيه  يمكن الوزير كان عنده عمى الوان وقتها الله اعلم  
كمان طريقه دخولى انا ومحمد ابراهيم غريبه   منذ دراستى فى هذه الجامعه دائما الحرس اللى على باب الحرم الجامعى يغلس مع طلاب كليه تجاره  لان كليتهم  منفصله عن الحرم الجامعى  واتذكر عندما جعلوا النتيجه من على الانترنت بكارت من الجامعه بخمسه  جنيه ايام  مصاص  جيوب الناس  البتاعه  ده اللى اسمه   احمد ذكى بدر اللى بقى وزير تعليم  كانوا بيغلسوا علينا ومكناش بندخل بسهوله عشان نجيب الكارت  فى هذا اليوم 4/11/2010 كنا ندخل بسهوله حتى صاحبى محمد ابراهيم دخل بالبطاقه من امتى التسامح ده
كمان اختيار اليوم يوم اللى  كان معروف ان هيبقى فى حفله  
يعنى اختيار اليوم اللى  معروف ان فى زحمه  او بمعنى اخر   انه من الممكن ان يكون  انتشار خبر  الحفله   وان يتم الغاءها مقصود    لانهم عارفين ان الدكتور ده جاى الجامعه  اليوم ده  وهيعمل ايه
وتصوير الدكتور من اول دخوله  مما يدل ان الاداره كانت عارفه ان الدكتور  جاى  وناوى يعمل ايه لان الدكتور ليس شخصيه معروفه لكى يصورها الطلاب قبل ان تحدث ازمه  
فالكلام الذى يقول ان الطلاب صوروا  الدكتور من بدايه دخوله  دا كلام جماعه مساطيل وناس هبله   غير قادرين  ان يدبروا شئ لاخره     ناس موكوسه ومفضوحه  
وسهوله دخولنا الحرم الجامعى  غريبه
وانكار الوزير للحقيقه الواضحه
كلها تدين الجامعه ووزيرالتعليم العالى وتقول  ان الموضوع مدبر من الجامعه  ومن سياده الوزير

انا لا اتهم احد ولكن اقول ملاحظاتى فقط  التى تدين الوزير و اداره الجامعه   وتثبت ان الحرس الجامعى ليس له لازمه حيث حدثت هذه المسخره فى وجوده
انتهى  اليوم
واسف للاطاله

لاتعتذر

لا تعتذر  فلقد كرهت منك الاعتذار
لاتعتذر فقد انتهى وقت الاعذار
لاتعتذر  فقد وجب عليا انا الاعتذار
سمعت منك كتير اعذار
اسمع بقى منى انا مره  اعتذار
اعتذر خلاص  اتى وقت الفراق و اصبح قرارى هو الفرار
اعتذر  ما قدرش  اكمل العيشه  معاك   العيشه معاك مرار
اعتذر    الفرار اصبح قرار
اعتذر لو  فى يوم قبلت منك اعتذار
و سامحتك وقلت اهو اعتذر
اعتذر انى ما فهمتش ان حياتك كلها  مقضيها  اعتذار
عايش على مبداء انك  تقدر تجرح  طول ما انت جاهز بالاعتذار    
  اعتذر انى ناديتك فى يوم ب يا حبيبى
اعتذر ده مش خطئك ده خطئى 
اعتذر انى  افتكترك فى يوم  قريب منى
اعتذر لو افتكرتك فى يوم من الايام  صاحبى
 اعتذر لو انت  هتنجرح  فى بعدى
 انا بعدك عنى  هيكون يوم فرحى
اعتذر خلاص مش ناوى ازود جرحى
اعتذر خلاص نويت اطيب جرحى
اعتذر خلاص انتهى وقت سماع الاعذار
اعتذر خلاص مبقاش ينفع اقبل منك اعتذار
اعتذر خلاص اذنى مش هتسمع من اى  اعتذار
اعتذر وده منى ليك اول واخر  اعتذار
ما خلطش  فيك مره عشان ليك اعتذار
حتى الفراق اللى انا فيه ليك بقدم اعتذار
كان المفروض  تيجى ليا فيه وتقدم اعتذار
بس انا اللى ليك بعتذر عشان خلاص مش هقبل منك اى اعتذار

Follow by Email

Tetris