الاثنين، 25 أكتوبر، 2010

الدكاتره والطلبه من ذكريات ايام الجامعه

كتبت هذه الخاطره   فى المدرج ايام الجامعه كنت ساعتها مخنوق من دكتور جلال بتاع المحاسبه  ودكتور  عبد المنعم  بتاع الاقتصاد  ودكتور ودكتور اللى الفاظهم   جعلتنى اشعر با ننى  فى غرزه وليس فى جامعه    وتذكرت من يعيب على الطلاب  فكتبت على لسانه هذه الكلمات   اتمنى  تعجبكم

 
مريت على المدارس والجامعات مره
لقيت ناس  كتير سالت واحد منهم هما فين الطلبه
رد عليا وقالى احنا الطلبه
كررت السوال هما فين الطلبه
رد عليا وقال احنا الطلبه
وقالى مندهش ليه قولتله  لو انتم طلبه
يبقى احنا ماكناش طلبه
انا مش شايف ايه طلبه
قالى اطلع المدرج لو لقيت دكتور هتلاقى طلبه
استغربت من الرد وطلعت المدرج لاول مره
فات نص ساعه وشويه وسالت احد الطلبه 
هى امتى هتبدا المحاضره
قالى لما  الدكتور يحن علينا ويدخل زى كل مره
سالته هو مافيش مواعيد للمحاضره
قالى لو  على مواعيد المحاضره
يبقى انت من نصف ساعه وشويه فى المحاضره
وسئلنى وهو بيضحك  انت اول مره تحضر محاضره
قلت معلش اصلى كنت منضبت  بمواعيد المحاضره
وشويه دخل الدكتور وبدات المحاضره
وسمعت كلام والفاظ لم اسمع بها فى الشارع  سمعتها فى المحاضره
وانتهت المحاضره 
وخرجت للشارع مذهول من المحاضره   
لقيت خناقه فى الشارع وسمعت الفاظ كانت  بالنسبه للمحاضره كانت محترمه
قربت منها  اهدى واسلك قولتلهم  يا اخونا خليتو  ايه للدكاتره  بتوع الجامعه
يا اخونا  احنا فى الشارع مش فى محاضره
روحت البيت وقلت اتغيرت المناهج ماكنتش ديه مناهجنا بالمره

هناك 20 تعليقًا:

Ramy يقول...

من يومك

بتكتب خواطر

حتى فى المحاضرة (:

90% من الدكاترة معقدين نفسيا على فكرة

و دة بيبدأ من وقت ما بيكون مُعيد

دة وجهت نظرى

الموضوع محتاج شرح كتير و كلام كتير

مش هيكفى الكومنت

بس الجامعات بقت جرح كبير فى قلب مصر

تحياتى

Tears يقول...

كل حاجة باظت فى مصر ما جاتش على التعليم

انا ماجربتش جامعات فى مصر بس بسمع كتير اوى من الاصدقاء

ربنا يكون فى عون الجيل الجديد

mrmr يقول...

انت متغاظ قوى من الدكاتره
لدرجه انك تكتب الخاطره فى المحاضره
ربنا يصلح الحال
تصبح على خير

Noha Saleh يقول...

على فكرة انت انت عندك حق
اغلب اساتذة الجامعة كده
وده كان سبب اساسى انى ماكنتش بروح احضر المحاضرات وادخل الامتحان على طول

ستيتة حسب الله الحمش يقول...

يا اخونا خليتو ايه للدكاتره بتوع الجامعه
ههههههههههههههههههههههههههههههه
هههههههههههههههههههههههههههههه
هههههههههههههههههههههههههههههههه
خلاص من هنا ورايح ها اقول لهم
"أخلاق دكاترة جامعة صحيح" :)

محمود(باحث عن حب) يقول...

هههههههههههههههه
احمد ربنا
انك طلعت
بدماغك تمام
وقلبك كويس
من غير نقطه

karmen يقول...

هههههههههههههههههههههههههههههههههههههههههههههههههههههههههههههههههههههههههههههههههههه
لا بجد اسلوبك مشكلة يفطس من الضحك
بوست روعة عمرو تسلم ايدك

جايدا العزيزي يقول...

ههههههههه

ده انت ما سبتش ولا دكتور فى حاله

بس روعه

كما عهدناك دائما مبدع

يسلم احساسك

تحياتى

Casper يقول...

للاسف هذه هي الحقيقة ببساطة شديدة
هؤلاء الدكاترة كان منهم طلبة " حفيظة "
وأصبحوا دكاترة وبغض النظر عن عدم التفريق بين مفهوم مربي الاجيال ومفهوم دكتور الجامعة

فيجب علينا ان نعترف انه مجرد دكتور جامعة وليس من الضروري ان يكون مربي اجيال

=====

خاطرة جميلة
وفي انتظار المزيد من الابداعات

تقبل مروري
Casper

خواطري مع الحياة يقول...

السلام عليكم
مافيش حاجة اسمها محاضرة ده كان زمان
الان في حاجة اسمها شبة محاضر الدكتور حاضر بنص ساعة وقال يلا كملنا النمهج اختبار
يلا ربنا كريم.
بجد بحب مواضيعك فيها تناقش مواضيع نحتاج ان نناقشها
تقبل مروري
سلامي ليك.

عمرو يسرى يقول...

رامى
شكرا على كلامك الجميل
معاك فى كل كلامك فعلا نسبه كبيره من الدكاتر ه معقديين ولا يصلحوا للمهنه

نورتنى

عمرو يسرى يقول...

تيريز
التعليم اساس كل شئ لو التعليم بايظ يبقى كل حاجه بايظه
نورتينى

عمرو يسرى يقول...

مرمر
ماهى ما كنتش محاضره هى كانت فى البدايه وصله انتظار ثم اكتملت بوصله ردح فعادى ان اى حد يعمل اى حاجه فى اللى بيسموها محاضره
نورتينى

عمرو يسرى يقول...

نهى صالح
انا كمان بعد كام محاضره بقيت اشوف المدرجات فى المناسبات
نورتينى

عمرو يسرى يقول...

ستيته

ماهو لما دكتور الجامعه تبقى الفاظه الفاظ شوار ع وغرز نبقى الافضل نقول فعلا اخلاق دكاتره جامعه صحيحج
نورتينى

عمرو يسرى يقول...

محمود

شكرا على كلامك الجميل
نورتنى

عمرو يسرى يقول...

karmen
شكرا على كلامك الجميل
نورتينى

عمرو يسرى يقول...

جايد العزيزى
شكرا على كلامك الجميل
نورتينى

عمرو يسرى يقول...

Casper
للاسف هما اصبحوا حتى ماينفعوش دكاتره جامعه دول اخرهم دكاتره غرز
نورتنى

عمرو يسرى يقول...

رشا
شكرا على كلامك الجميل
وعندك حق فعلا المحاضره اصبحت شبه محاضره وليست محاضره
نورتينى

Follow by Email

Tetris