السبت، 30 أكتوبر، 2010

عمليه نصب عن قصه حقيقه

فى يوم  قلت ادور فى الجرائد واكون متفائل
على شغل اصلى مش هفضل كدا عاطل
لقيت اعلان بيقول دار صحافه  عايزه محاسبين ومواهب صحفيه
قلت اهى تنفع لو مانفعتش فى محاسبه اجرب فى المواهب الصحفيه
قمت اتصلت بالنمره وانا معرفش انها عليا نمره
رديت عليا واحده  وقالت جمله واحده
العنوان 22 شارع عبد الخالق ثروت 
قولت ادعيلنا  ياعم ثروث
ورحت على العنوان لقيت يافطه مكتوب عليها باللون الاحمر  دار الحياه 
قولت شكلها هتبقى بدايه للحياه
طلعت قابلت واحده قالتلى خد استماره  بعشره جنيه
 قلت ايه عمليه النصب ديه
بس فى ناس تقولك عشان الجديه
وكنت خلاص همشى  بس قلت ادفع وخليك بيس
ليقول عليك مستخسر عشره جنيه او  مالكش فى الشغل وعيل سيس
قمت دافع وقلت اشوف الموضوع لاخره
ومليت الاستماره من غير اماره
لاقيتها قالت لى رشحناك  لشركه  فى مدينه نصر فوق بنك بركليز
قلت اما عمليه نصب وشغل خسيس
الاعلان بيقول  انهم طالبين  مش موردين للشركه اللى فوق بركليز
قلت اغلس واطلب حقى اللى كان مكتوب على الاستماره ام عشره جنيه
اصل كان مكتوب ثمن الاستمار كتاب هديه و عدد من الجريده
اصل ماحدش بيقراء هذه الجريده
فقالولى كتاب مافيش  وعندك اعداد بره خد منها اى جريده
هاهاهاها باعو العدد ابو جنيه بعشره
خرجت وقولت اشوف ايه اخرت اللعبه
طلعت على عنوان الشركه اللى فوق بركليز
واكتشف باقى اللعبه والشغل الخسيس 
سالت هناك   بعد المقابله ايه علاقتكم بدار الحياه
قالوا ولا حاجه احنا عملنا اعلان فى جريده  الوسيط   فاتصلت بينا واحده
من  جريده دار الحياه
وقالت  هنبعتلكم  واحد
قولنا لهم احنا عاملين اعلان فى الوسيط  واللى عايز يجى يجى بنقابل اى حد
هاهاها اما جريده بتلعب على الوشين
والغريب على صفحاتها بتقول انها بتوفر  شريك الحياه ووظائف مجانا طبعا ماهى بتلعب على الوشين
 طب  مافيش مره  تكسف على وش من الوشين
ومستغربتش بعدها لما  قراءت ان فى دار صحافه طالبه مواهب صحفيه و مهندسين
   زى ماكنت هى طالبه مواهب صحفيه ومحاسبين
عمليه نصب وافعال خسيسه 
من ناس خسيسه

هناك 21 تعليقًا:

mrmr يقول...

يا عمرو
حالات النصب دى كتير وعلى كل لون يا بطسطا بس المهم تكون واد صاحى ومفتح
تعيش وتاخد غيرها
تصبح على خيرررررررر

خواطري مع الحياة يقول...

السلام عليكم
زي عندنا مرة اخي قراءه بالجريده اعلان عايزين مهندسين كهرباء يسفروبهم لسعوديه راح اخي قدم ملفة قالوا له بنتصل بك بعد فترة اتصلوا به وراح يمتحن ونجح الحمدلله وقالوا له بتشتغل هناك عامل مش مهندس انصدم قال لهم دوروا على حد تاني.
هي هذه الحياة نصب وحتيال وكذب
ربنا يوفقك وتلاقي وظيفة جيده
تقبل مروري
سلامي ليك.

يوميات شحات يقول...

ناس معندهاش ريحة الدم , و بيستغلوا حاجة الناس للعمل و الزواج
ظلم كبير

Ramy يقول...

يااااااه هتقابل كده كتير

أحنا هنا فى مصر تخصصنا فى النصب خلااااص

و أبدعنا فيه

متعرفش بقى دى قلة حيلة

و لا خلاص انعدم الأحساس عند الناس

و بقى يلعبوا بأحلام الناس

و لا يهمك أهم حاجة جت سليمة (:

ربنل يوفقك المرة اللى جاية

Ramy يقول...

أزال المؤلف هذا التعليق.

ستيتة حسب الله الحمش يقول...

الفهلوة وشغل الثلاث اوراق
صناعة محلية لا تبور
ولا تندثر مع الأيام

معلش بس محسوب لك عند ربنا السعي
واللي يسعى ربنا بييسر له كل عسير

تحياتي

karmen يقول...

هههههههه ياعيني عليك
معلش من ده كتير
ماتثقش في اعلانات الجرايد
كلها نصب في نصب

الحب الجميل يقول...

تعيش وتاخد غيرها
هههههههههههههه

الحب الجميل يقول...

عمليات النصب بقيت فى كل مكان
هنا وهناك
والشاطر اللى ليه مكان
ربنا يستر

جايدا العزيزي يقول...

والله ياعمرو معاك حق

كتر النصب يعلم,........

ههههههههههه

بس فعلا اجدت التعبير

كما عودتنا دائما

اشكرك

تحياتى

Tears يقول...

حرام يستغلوا ظروف الناس و ينصبوا عليهم

ح يبقى همه و الزمن

عمرو يسرى يقول...

مرمر
كلامك مظبوط بس لازم يكون فى حد يوقف عمليات النصب ديه لان الموضوع ده كتر جدا
نورتينى

عمرو يسرى يقول...

رشا
الله يخليكى
المواضيع فعلا كترت اوى
نورتينى

عمرو يسرى يقول...

يوميات شحات
عندك حق ظلم كبير
وضمير مات ومافيش رقيب
نورتنى

عمرو يسرى يقول...

رامى
الله يخليك
طبعا شعارنا يبقى انت كيد فى مصر
هههههه
نورتنى

عمرو يسرى يقول...

ستيته
شكرا على كلامك الجميل
نورتينى

عمرو يسرى يقول...

karmen
مش كلها فيها وفيها
نورتينى

عمرو يسرى يقول...

الحب الجميل
هههههههه
ماشى
نورتينى

عمرو يسرى يقول...

الحب الجميل
عندك حق
نورتينى

عمرو يسرى يقول...

جايدا العزيزى
شكرا على كلامك الجميل
نورتينى

عمرو يسرى يقول...

تيريز
ناس معندهاش دم
بس نقول ايه حسبنا الله ونعم الوكيل
نورتينى

Follow by Email

Tetris