الأربعاء، 27 أكتوبر، 2010

صورى الممنوعه ليست للافتخار ولكن للسؤال

فى قضيه سرقه  زهره  الخشخاش  قالوا  ان الكاميرات كانت بايظه  طيب
اين الكاميرات  التى تمنع اخذ هذه الصور
الاولى
طبعا واضح من اليافطه  اللى انا  واقف بعدها ان ممنوع اللمس  واضح ان  الكاميرات كانت  بايظه  كاميرات ايه ياعم الحج هيضعوا كاميرات فى جامع  محمد على  عيب دا كلام طب فين اللى كان بيراقب   راح يشرب شاى او بيشوف باقى الناس اللى  فى  الجامع   اصل واحد بس بيلف فى الجامع بيشوف  الجمهور بيعمل ايه  وده كفايه واضح  من الصوره ان ده كفايه  جدا  صباح الفل




الصوره الثانيه




الصوره ديه  هى  احدى الصور الحيه اللى موجوده فى القلعه  كانت موجوده فى غرفه وواضح ان الكاميرات كانت بايظه  دا لو كان فى كاميرات  اصلا  ومافيش حد بيراقب  لانى دخلت داخل حيز الصوره ولو كنت عايز اخرب فيها  واكسر اى عسكرى فيها  كان ممكن ولاحد هيقولى حاجه احنا خدنا وقتنا فى التصوير براحتنا  خالص  ولا كان فى مخلوق معانا  ماشاء الله  على نظام المراقبه اللى بيحافظ على الحاجات من عبث امثالنا هههههههههه




 الصوره الثالثه     
   
الصوره ديه طبعا خير اجناد الارض اللى انا طالع جنبه  وبقلده  بهبل ده  وده  كان فى القلعه فى الساحه بره  عادى  ومافيش حد قالى انت طالع تعمل  ايه وخدنا وقتنا فى التصوير  ونعم النظام اللى بيحافظ على الحاجات ديه  من عبث امثالنا





الصوره الرابعه
الصوره ديه كانت فى المتحف المصرى  وبصراحه  الكل كان بيقولنا ممنوع اللمس والتصوير  وواضح انى فى الصوره  كنت ملتزم بالكلام  ده ولذلك اخذنا وقتنا فى التصوير  وعلى فكره صور المومياء   بتاعت البوست اللى فات كان بردوه  ممنوع التصوير ايضا
 ولكن احنا  كل الممنوع عندنا  ليس ممنوع  لان  مافيش حد بيراقب ولاحد بيهتم  




طبعا تصرفى ماكنش مظبوط انا عارف بس فين النظام والكاميرات  التى تمنع هذا السلوك  وتحاسب من يفعله 
 اعلم ان مش المفروض  ان يبقى فى حد بيراقب علينا  عشان نحافظ على حاجاتنا
ولكن من سرق  لوحه الخشخاش   كيف يتمسك لو  ماكنش فى نظام يحمى ويراقب  
فسئوالى لو كنت خربت فى اى شئ من الاشياء ديه  فين النظام الذى يحاسبنى
اعلم بعد الصور ديه والبوست ده  ممكن يعملولى قانون جديد   وياخده الصور ديه دليل اصل ما اكتشفوش  انا الناس ممكن تعرف تعمل كده اللى بعد الصور
التخريبات والسرقات التى حدثت وسرقه لوحه الخشخاش مسمعوش بيها
دا حتى الاستاذ محسن شعلان   الذى لم  تبرئه المحكمه الى الان واخد حكم  ب3 سنين مع الكفاله لعدم تنفيذ الحكم قراءت خبر فى المصرى اليوم بتاريخ26/10/2010  بان الوزير فاروق حسنى  بيفكر يعينه مستشار له
برجاء التعليق بدون شتايم  فيا
 ولا كلام ابيح  لسياده الوزير 
عشان عارف  ان ممكن اى حد يقراء الخبر  المنشور فى المصرى اليوم  يقول كلمه ابيحه   
اللهم  اعفينا  من قولها
وربنا يستر

هناك 18 تعليقًا:

محمود(باحث عن حب) يقول...

الله
على
الصور
المهم
الصور
حلوه
والله

سندباد يقول...

الحق استخبي بقي لاحسن عرفوك خلاص
هي دي مصر ياصديقي
ازمة الضمير

شخابيط يقول...

الصور جميله فعلا بغض النظر عن الكاميرات واللافتات :))

سواح في ملك الله- يقول...

هم بس مش فالحين غير في حمايه الشخصيات السياسيه وتامين الشوارع لهم حين مرورهم واخلاءها ووقف حال الناس

Noha Saleh يقول...

يعنى عادى كده
سايبين اللى عاوز يتصور يتصور
ومفيش حد بيراقب
وفى الاخر يرجعوا يقولوا اللوحات بتتسرق
طيب ماهى لازم تتسرق
هو يعنى اللى هيزوروا المتاحف ملائكة؟

mrmr يقول...

سيبك انت ... المهم انك انبسط واتصورت
والصور طلعت حلوه
اما عن النظام والمراقبه فكل واحد يخلى على نفسه رقيب للحفاظ على اثارنا
وانت وضميرك
ههههههه

أتنين حبيبين يقول...

سيبك من كل ده
انت قمر 14 ربنا يحميك يارب

ومتشكره على سؤالك عنى فترة غيابى
ويارب يديم الود والمعروف بينا

توتا

عمرو يسرى يقول...

ا/ محمود
الله يخليك
نورتنى

عمرو يسرى يقول...

ا/ سندباد
طب عندك مكان استخبى فيه
هههههههه
نورتنى

عمرو يسرى يقول...

ا/ شخابيط
الله يخليكى
نورتينى

عمرو يسرى يقول...

ا/ سواح في ملك الله
عندك حق
نورتنى

عمرو يسرى يقول...

ا/ نهى صالح
اللى عايز يسرق هيسرق
واللى اتهموه بالاهمال ممكن يبقى مستشار ربنا يستر ومايبقاش وزير كمان
نورتينى

عمرو يسرى يقول...

ا/ مرمر
فى ايه ده تهزئ بشياكه بقى ولا ايه هههههههههههه
بس اللى سرق الخشخاش نجيبه منين واللى لسه هيسرق هنمسكه ازاى لابد من نظام الرقابه يتعدل ويصلحه الكاميرات ان كان فيه ويبقى فى عقاب للي يتمسك
نورتينى

عمرو يسرى يقول...

ا/ توتا
لولولولولولولووووووى
حمد الله على السلامه ياتوتا
اخيرا رجعتى
وحشتينا
الله يخليكى
نورتينى

افروديت يقول...

حلوة الصور...بس بصراحة انت قلبك جامد أوي جالك قلب تطلب من الدولة انهاتوفركاميرات مراقبة كمان عشان السرقة ليه ياأخي هي هتجيب منين لل ده وبعدين ازاي يركبواكاميرات وهو حاميها حراميهاولا أنت متخيل أن واحد كده كان معدي بالصدفه مش فاهم ولاعارف قيمتهاهواللي دخل وسرقهاياللا ماهم خربوهاومبأش فاضل حاجه...

تحياتي ليك

عمرو يسرى يقول...

افروديت
شكرا على كلامك الجميل
على فكره انا مش بطالبهم بوضع كاميرات انا بطالب انهم ميشتغلوناش
ويقولوا ان الكاميرات كانت بايظه
نورتينى

re7ab.sale7 يقول...

انت اكيد شفت مقالتي اللي اتنشرت في اليوم السابع وكمان انا نشرتها في مدونتي ...وعارف انا اد اية كنت مضايقة من الموضوع ده وخصوصا ان الوزير المحترم القي بالمسؤلية علي شعلان وطلع نفسه من القضية خالص وكل شوية يقول اصلا اللوحة دي مش مهمة وبعدين دي اقل لوحة في لوحان فان جوخ ....يعني الناس التانين بيهتموا باقل القليل واحنا شغالين اهمال الله ينور ....هوتقريبا مفيش حد عنده رسام حلو غيره برغم اني شفت في محلة متخصصة لوحات للوزير الفان مالهاش اي معني ولا طعم ولا لون ...
سيبك من ده كله ...صورك حلوة اوووي

عمرو يسرى يقول...

رحاب
طبعا قراءتها وكانت جميله جدا
وعندك حق فى كلامك وزير غريب ومستفذ
شكرا على كلامك الجميل
نورتينى

Follow by Email

Tetris